Македонија
Три дена по одземањето, МВР им ги враќа старите пасоши со важечки визи на граѓаните што поднеле барања за нови
![](https://makfax.com.mk/wp-content/uploads/2023/10/pasos-vizi.jpg)
Македонските граѓани што имаат важечки визи во пасошите, но мора да ги сменат до февруари годинава, може да ги добијат назад старите пасоши три дена откако Министерството за внатрешни работи ќе им ги задржи. Тие ќе патуваат како и досега кога на пасошите им истекуваше важноста, а имаат важечки визи. Со себе треба да ги имаат и стариот пасош со визите и новиот.
„При фотографирање за нова патна исправа на граѓаните им се задржува старата. Меѓутоа, по одобрување на постапката, односно по 3 дена, граѓаните може да си ја подигнат старата патна исправа. При подигнување на новата патна исправа, старата патна исправа се уништува само во делот каде што се наоѓа чипот, делот каде што се наоѓаат визите останува ист. Во таков случај, граѓаните што имаат виза во старата патна исправа при патување, ќе треба да ги приложат двете патни исправи“, велат од Министерството за внатрешни работи за „Макфакс“.
Службите на МВР ги одземаат старите пасоши од сопствениците, нешто што досега не го правеа, за да спречат можни злоупотреби оти повеќето од документите сè уште имаат неистечен рок на важење, а се менуваат само поради обврската за патна исправа со новото име на државата.
Според податоците објавени на веб-страницата на Министерството за надворешни работи, на македонските граѓани им требаат визи за патувања во 114 земји во светот. За патувања во Африка, виза за македонските граѓани не бараат само Сејшели и Тунис, а за влез во другите 53 земји неопходна е виза. Од азиските држави виза на Македонците не им бараат Израел, Јапонија, Киргистан, Малезија, Сингапур, Тајван и Шри Ланка, а во другите виза е задолжителна.
На веб-страницата на Министерството стои дека Македонците без виза може да патуваат во повеќето земји од Европа, но без виза не може одат во Велика Британија, Ирска, Белорусија, Ерменија и во Русија.
Во Северна Америка визи не ни бара единствено Никарагва, а виза е задолжителна во Канада, Мексико и во САД. Во државите во Јужна Америка, пак, нашите граѓани без виза може да влезат во Аргентина, Барбадос, Бахами, Бразил, Гватемала, Еквадор, Ел Салвадор, Колумбија, Куба, Панама, Перу, Свети Кристофер и Невис, Хондурас и Чиле. Во другите 16 визата е задолжителна.
Македонските граѓани без виза не може да патуваат во сите 14 земји од Австралија и Океанија.
Сите македонски државјани имаат обврска до февруари в година да ги сменат пасошите и другите лични документи, кои треба да го имаат името Република Северна Македонија. Од Министерството за внатрешни работи велат дека досега се издадени над еден милион патни исправи.
Министерот за внатрешни работи, Оливер Спасовски, вчера рече дека најдоцна до понеделник очекува во Скопје да се отвори нов пункт за издавање лични документи. Граѓаните се жалат дека за нови пасоши почнале да добиваат термини за фотографирање во јуни в година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Дождот не го изгасна целосно, но го стави под контрола големиот пожар во Мариово
![](https://makfax.com.mk/wp-content/uploads/2024/09/pozar-mariovo-2.jpg)
Дождот кој заврна попладнево помогна да се стави под контрола големиот пожар во Мариово, но сепак сѐ уште не е целосно изгаснат. Гори на неколку места со слаб интензитет, информираше вечерва директорот на Центарот за управување со кризи (ЦУК), Стојанче Ангелов.
„Дождот кој заврна во прилепско помогна во гаснењето на пожарот во мариовскиот крај. За жал с уште не е изгaснат целосно, има горење со слаб интезитет на неколку места“, информираат од Центарот за управување со кризи (ЦУК).
Временските прилики им помогнаа на лицата кои веќе една недела на терен учествуваа во борбата со огнената стихија, која беше со периметар од над 100-тина километри и зафати површина од околу 15.000 хектари. Под контрола се и останатите два пожара во прилепско.
Македонија
За една недела 25 нови случи на голема кашлица
![](https://makfax.com.mk/wp-content/uploads/2024/02/IJZ-testovi-golema-kaslica.jpg)
Институтот за јавно здравје (ИЈЗ) информира дека од 30 август до 5 септември во Македонија пријавени се 25 нови случаи на голема кашлица, што е за 47,1% повеќе во споредба со претходниот седмодневен период, кога беа регистрирани 17 новозаболени.
Најголем број заболени се во Скопје -14 каде случаи се регистрирани во сите скопски општини; во Тетово – 5, Кратово – 3, Куманово – 2 и еден случај во Крива Паланка.
„Возраста на заболените се движи од 1 месец до 60 години, а најголем број на случаи се од возрасната група под една година. Во однос на вакциналниот статус на заболените, 18 лица се некомплетно вакцинирани, невакцинирани или имаат непознат вакцинален статус, 6 се комплетно вакцинирани и еден е вакциниран согласно возраста. Од новите случаи 5 заболени се хоспитализирани“, велат од Институтот за јавно здравје.
Македонија
Неисправни се двата полициски хеликоптери и двата ер-трактори, се чека дождот да го изгасне пожарот кај Мариово (ВИДЕО)
![](https://makfax.com.mk/wp-content/uploads/2024/09/pozar-mariovo-1.jpg)
Неисправни се двата полициски хеликоптери и тие не можат да учествуваат во големиот пожар во прилепскиот дел од Мариово чиј периметар се прошири на 110 километри, а е во должина од над 30 метри, се гасне од земја. Директорот на ЦУК, Стојанче Ангелов изјави дека пред неколку часа на помош на пожарникарите од Прилеп и од повеќе други градови, како и на војската и полицијата пристигна еден ер-трактор. Другите два ер-трактори кои ги има државата, за жал, се неисправни, изјави Ангелов. Директорот на ЦУК соопшти дека заврна дожд во Мариово и дополнително ќе извести дали пожарот е целосно изгаснат.
Ангелов изјави дека е тежок пожарот над викенд населбата во скопско Катланово. Тој нагласи дека пожарот создава голем чад и дека тешкотија претставува непристапниот терен. Како што рече, вчера гаснел еден армиски хеликоптер, а денеска пожарникарите од скопската бригада.
Во продолжение е видео-изјавата од Ангелов и за другите пожари во земјава.