Спорт
Ферстапен победи и се израмни со Прост, катастрофа за Перез на домашен терен
Foto/ EPA
Возачот на Ред Бул, Макс Ферстапен ја заблежа 16.победа во сезоната. Холанѓанецот славеше на трката за Големата награда на Мексико. Место на подиумот изборија Луис Хамилтон од Мерцедес и Шарл Леклер од Ферари. Ферстепн ја забележа 51. победа во кариерата и на четвртото место на вечната листа се израмни со Алан Прост.
Покрај Ферстапен, трката во Мексико ја обележаа домашниот возач Серхио Перез, возачот на Хас, Кевин Магнусен и Ландо Норис од Мекларен.
Ферстапен во првиот свиок ја презеде челната позаиција од возачите на Ферари, Леклер и Саинц. Тој своик беше кобен за Перез, кој имаше контакт со Леклер, го оштети болидот и мораше да се повлече од трката.
Магнусен во 33. круг, при голема брзина удри во ѕидот, а потоа неговиот болид се запали.
Поради тоа трката беше прекината, имаше уште еден старт, од кој профитираше Хамилтон кој успеа да го мине Леклер.
Норис возеше одлична трка, стартуваше 19., на крајот заврши на петтото место, откако по рестартот успеа да мине седум возачи.
Покрај најдобрите тројца бодови во Мексико освоија Саинц, Норис, Расел, Рикардо, Пјастри, Албон и Окон.
Наредната трка ќе се вози во Бразил.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Почина легендарниот Бил Волтон
Легендарниот центар, член на Куќата на славните, е роден на 5 ноември 1952 година во Калифорнија. За време на неговата колеџ кариера играше за Универзитетот Ју-Си-Ел-Еј.
Бил Волтон пристигна во Портланд Трејл Блејзерс како прв пик на драфтот во 1974 година. Во текот на кариерата играше за Портланд, Лос Анџелес Клиперс, Бостон Селтикс.
Тој беше двократен шампион НЦАА шампион и двократен шампион во НБА (по една титула освои со Портланд и Бостон).
Волтон беше МВП на финалната серија во 1977 година во дресот на Портланд.
Двапати учествуваше на Ол-стар натпреварите, освои многу индивидуални награди, беше најдобар шести играч во НБА, најдобар во скокови и блокади.
Својата НБА кариера ја заврши со просек од 13,3 поени, 10,5 скока и 3,4 асистенции по натпревар.
Спорт
Емери го продолжи договорот со Астон Вила
Менаџерот на Астон Вила, Унаи Емери, потпиша нов петгодишен договор со клубот од Бирмингем. Шпанецот ќе остане на „Вила парк“ до 2029 година.
По фантастичната сезона во Премиер лигата, Астон Вила обезбеди пласман во Лигата на шампионите следната сезона, а голема заслуга за тоа има шпанскиот тренер.
Унаи Емери (52) пристигна на „Вила Парк“ од Виљареал во октомври 2022 година, кога клубот беше на 17. место во Премиер лигата. Во истата сезона ги предводеше до седмото место, а оваа сезона ја заврши на четвртата позиција зад Манчестер сити, Арсенал и Ливерпул.
Поранешниот менаџер на Севилја, ПСЖ и Арсенал оваа сезона ја одведе Астон Вила до полуфиналето на Конференциската лига во првата европска кампања на клубот од Бирмингем по 13 години.
Спорт
Фабрицио Романо: Челзи има нов тренер
Енцо Мареска (44) наскоро ќе го преземе Челзи, пренесува трансфер инсајдерот Фабрицио Романо. Мареска, пред две недели го врати Лестер во Премиер лигата, а Романо пренесува дека веќе ја прифатил понудата од „Стенфорд Бриџ“.
Италијанецот ќе потпише двегодишен договор со опција за продолжување на уште една година. Остануваше уште клубовите да се договорат околу обесштетувањето. Челзи сака Мареска да го преземе тимот уште оваа недела.
Ова е трета самостојна работа на Мареска на сениорско ниво, откако претходната сезона беше дел од стручниот штаб на Пеп Гвардиола во Манчестер сити, каде придонесе за освојување на тројната круна.
Претходно раководеше со У-23 тимот на Сити, од кој замина во Парма, но таа епизода беше неуспешна, па набрзо повторно се врати во стручниот штаб на Гвардиола.
Како фудбалер кариерата ја градеше во ВБА, Јувентус, Болоња, Пјаченца, Фиорентина, Севилја, Олимпијакос, Малага, Сампдорија, Палермо и Верона. Тој се пензионираше пред шест години.