Спорт
„Газдите направија голема грешка кога платија 95 милиони за Антони“
Крилниот напаѓач на Манчестер јунајтед, Антони, имаше кошмарен почеток на сезоната. Бразилскиот репрезентативец минатата сезона беше доведен за 95 милиони евра од Ајакс. Јунајтед за него плати многу над цената што тогаш му ја одреди „Трансфермаркт“ (35 милиони евра), но тренерот на Манчестер јунајтед, Ерик тен Хаг беше убеден дека инвестицијата ќе се исплати. Тен Хаг му беше тренер на Антони во Ајакс.
Денес ситуацијата е поинаква. Антони оваа сезона одигра девет натпревари, од кои седум во првенството, нема постигнато, ниту пак запиша асистенција. Како воопшто Јунајтед дојде во ситуација да потроши толку пари на играч кој не му е корисен, објасни Гери Невил, легендарниот играч на Манчестер јунајтед.
„Клубот беше во паника и сопствениците ги прифатија предлозите да ги купат Касемиро и Антони. Сопствениците се виновни бидејќи им недостасуваше лидерство. Во Ајакс не можеа да веруваат дека Манчестер јунајтед им нуди толку пари. Антони мора да игра подобро, но тој трансфер не е вистинскиот потег во овие околности“, објасни Невил.
За свои стандарди, Манчестер јунајтед игра слабо. Во Премиер лигата има пет победи и пет порази. Во последниот натпревар лесно загуби на домашен терен од Манчестер сити со 0:3.
Што се однесува до Антони, тој имаше проблеми на почетокот на сезоната бидејќи неговата поранешна девојка го обвини за злоупотреба. Сепак, Тен Хаг го остави во тимот додека не се докаже дека е виновен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гасперини ќе остане во Аталанта
Тренер на Аталанта, Џанпјеро Гасперини изјави дека ја одбил понудата да го преземе Наполи на крајот од сезоната, пренесуваат италијанските медиуми.
Гасперини минатата недела со Аталанта ја освои Лига Европа. Клубот од Бергамо го победи Баер Леверкузен со 3:0 во финалето минатата среда во Даблин.
Гасперини објави дека ја одбил понудата на Наполи, бидејќи и следната сезона ќе биде тренер на Аталанта.
„Наполи ќе избере што е најдобро за него, јас сум приврзан за Аталанта и ќе останам тука. Сигурен сум дека Наполитанците ќе направат одличен тим, особено што веќе имаат силна база. Сепак, јас сум лојален на мојот клуб. Никогаш не сум кажал ништо друго, ниту сум отворил простор за некои дебати“, изјави Гасперини, кој има договор со Аталанта до 30 јуни 2025 година.
Аталанта веќе се пласираше во Лигата на шампионите. Клубот од Бергамо во неделата на домашен терен го победи Торино со 3:0 во натпреварот од последното, 38. коло во Серија А.
Спорт
Де ла Фуенте го објави списокот на Шпанија за ЕП
Шпанскиот селектор Луис де ла Фуенте објави спискот со 29 имиња, од нив 26. ќе ја претставуваат Шпанија на Европското првенство во Германија.
На списокот доминираат младите играчи на Барселона, тинеџерите Ламине Јамал, Пау Кубарси, Фермнин Лопез и малку повозрасните Феран Торес и Педри.
Шампионот Реал во националниот тим е застапен со тројца искусни фудбалери: Начо, Дани Карвахал и Хоселу.
Де ла Фуенте не го повика Марко Асенсио, кој сезонава имаше проблеми со повредите.
Најголемо внимание привлекува Хесус Навас 38-годишниот капитен на Севилја за кого ова ќе бде убава можност да се прости од националниот тим. Навас на крајт од оваа година ќе ја заврши кариерата.
Шпанија на ЕУРО 2024, во првата фаза ќе игра против Хрватска, Албанија и Италија.
Спиското на Шпанија за Европското првенство:
Голмани: Унаи Симон (Атлетик Билбао), Давид Раја (Арсенал), Алекс Ремиро (Реал Сосиедад)
Одбрана: Хесус Навас (Севилја), Дани Карвахал (Реал Мадрид), Робин Ле Норман (Реал Сосиедад), Ајмерик Лапорте (Ал Наср), Начо Фернандез (Реал Мадрид), Дани Вивијан (Атлетико Билбао), Пау Кубарси (Барселона), Алехандро Грималдо ( Баер Леверкузен), Марк Кукуреља (Челзи)
Среден ред: Мартин Зубименди (Реал Сосиедад), Родри (Манчестер сити), Микел Мерино (Реал Сосиедад), Фабијан Руиз (Пари Сен Жермен), Педри (Барселона), Маркос Љоренте (Атлетико Мадрид), Фермин Лопез (Барселона), Алеиш Гарсија ( Џирона), Алекс Баена (Виљареал)
Напад: Ламин Јамал (Барселона), Феран Торес (Барселона), Дани Олмо (Лајпциг), Нико Вилијамс (Атлетико Билбао), Ајозе Перез (Бетис), Алваро Мората (Атлетико Мадрид), Хоселу (Реал Мадрид), Микел Ојарзабал (Реал Сосиедад).
Спорт
Фонсека ќе биде новиот тренер на Милан
Пауло Фонсека (51) ќе стане нов тренер на Милан, објавија овој понеделник бројни италијански медиуми.
За Португалецот тоа ќе биде 11. клуб тренерска кариера и секако најголем, и покрај тоа што во минатото имал можност да ги предводи Порто и Рома.
Тој доаѓа на „Сан Сиро“ да го замени Стефано Пиоли откако претходно забележа извонредни резултати во две сезони со Лил и ја заврши Лига 1 како петти и четврти на табелата.
Фонсека ќе ги преземе Росонерите по убедливо најдолгиот период во кој еден тренер работел континуирано од заминувањето на Масимилијано Алегри во 2014 година по три и пол сезони во клубот.
Помеѓу него и Пиоли работеа дури пет тренери и никој не успеа да врзе цела сезона: Кларенс Сидорф, Филипо Инзаги, Синиша Михајловиќ, Кристијано Броки и Винченцо Монтела.
Пиоли му се приклучи на Милан во октомври 2019 година и помина речиси пет сезони во клубот. Освои една шампионска титула.
Се очекува Милан наскоро да ја официјализира соработката со стручњакот кој е роден во Мозамбик.
Медиумите на Апенините пишуваат дека доаѓањето на Фонсека во Милан е знак дека Антонио Конте ќе го преземе Наполи, со оглед на тоа што поранешниот селектор на Италија беше еден од кандидатите за наследник на Пиоли.