Спорт
На денешен ден е роден големиот Диего Армандо Марадона
На денешен ден во 1960 година е роден за многумина најголемиот фудбалер на сите времиња, Диего Армандо Марадона. Иако потекнуваше од сиромашно семејство каде децата сонуваа да завршат училиште, брзо стана јасно дека вистинската судбина на „златното“ момче е всушност фудбалот.
Диего на девет години се приклучи на тимот на „Little Onion”, а на 15 години доби можност професионално да игра за Аргентинос јуниорс. По пет сезони минати во овој клуб, Марадона за четири милиони долари се пресели во Бока јуниорс, клуб кој секогаш го обожувал.
Иако во Аргентина, во тие години беше исклучително тешко да се живее (само) од играње фудбал, Диего ја одби понудата на Ривер, најголемиот ривал на Бока.
Неговата магија брзо го освои светот, прво Шпанија кога се пресели во Барселона за тогаш рекордни седум и пол милиони долари. Марадона стана легенда на овој клуб и остави неизбришлива трага со 38 гола на 58 натпревари во само две сезони.
Иако Барселона беше воодушевена од неговиот талент, челниците на клубот не можеа да го контролираат неговиот карактер, па инцидентот во финалето на Купот на Кралот против Атлетик Билбао го означи крајот на неговата кариера во Барселона.
После тоа Марадона се пресели во Наполи за рекордна сума од 10,5 милиони долари. Наполи не беше клубот каков што е денес, но под водство на Марадона стана сила во Италија и Европа.
Тој освои две титули и стана симбол на јужна Италија, која беше сиромашна како неговото семејство од детството. Животната приказна на малиот Аргентинец кој од сиромаштија се искачи на фудбалскиот врв, беше поттик за луѓето во различни делови на светот.
Марадона играше за аргентинската репрезентација на четири светски првенства, а неговата „божја рака“ остана запаметена како еден од најпознатите моменти во историјата на фудбалот.
Тој ја предводеше репрезентацијата до трофејот на Светското првенство во 1986 година, што го направи идол на нацијата. Во текот на кариерата Марадона настапи на 680 натпревари и постигна 345 голови, а за Аргентина одигра 91 натпревар, постигна 34 голови.
Богатата кариера на еден од најдобрите спортисти на сите времиња ја одбележаа контроверзни приказни, меѓу кои и контакти со мафијата и зависноста од кокаинот.
Талентот и страста што ги донесе на теренот останаа запаметени, многу повеќе од било што друго што го следеше.
Трагично, Диего Марадона почина на 25 ноември во Тигре од срцев удар, неколку недели по операцијата на мозокот. Лекарите кои беа задолжени за неговото лекување сега се под истрага за можни грешки при тој процес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Соиграчот на Миовски се сели во Наполи
Соиграчот на Бојан Миовски во Џирона, Мигел Гутиерез наскоро ќе стане нов играч на Наполи
Како што објави „Скај Спорт“, преговорите се завршени и сè што останува е да се договорат последните детали со играчот, кој веќе дал согласност да се пресели во Наполи во трансфер вреден околу 20 милиони евра.
Гутиерез се пресели во Џирона од Реал Мадрид во 2022 година, а „кралскиот клуб“ задржа процент од клаузулата за идна продажба, што значи дека ќе заработи и дел од понудата на Наполи.
Откако пристигна во Каталонија, Гутиерез има одиграно 111 натпревари во сите натпреварувања. Беше избран во тимот на сезоната во Ла Лига за 2023/24, кога Џирона беше апсолутен хит и го освои третото место.
24-годишникот беше и член на шпанската репрезентација која го освои златниот медал на Олимписките игри во Париз во 2024 година.
Foto/ EPA/DAVID BORRAT
Спорт
Проблем за Барселона – Роберт Левандовски се повреди
Роберт Левандовски го повреди мускулот на левата нога и е под знак прашалник за почетокот на сезоната, објави Барселона на својата веб-страница.
„Роберт Левандовски страда од болка во феморисниот мускул на левата нога“, објави Барса, без да прецизира колку долго ќе отсуствува полскиот напаѓач.
36-годишниот напаѓач ќе го пропушти пријателскиот натпревар против Комо во недела и е под знак прашалник за првиот натпревар од Ла Лига.
Барселона одбраната на титулата че ја започне против Мајорка на 16 август.
Минатата сезона, Левандовски беше втор стрелец во шпанското првенство со 27 гола во 34 одиграни натпревари. Само Килијан Мбапе (Реал Мадрид, 31 гол) постигна повеќе од него, додека Анте Будимир (Осасуна, 21) беше трет.
Вкупно, полскиот напаѓач одигра 52 натпревари за Барселона минатата сезона и постигна 42 гола.
За каталонскиот клуб постигна 101 гол и 20 асистенции во 147 натпревари. Тој пристигна во Барса во 2022 година по осум триумфални години во Баерн. Со германскиот гигант, тој беше осумкратен шампион на Бундеслигата и победник на Лигата на шампионите, и постигна 344 гола во 375 натпревари.
Foto/ EPA/ALEJANDRO GARCIA
Спорт
Ал Наср почна преговори за Кингсли Коман
Ал Наср започна преговори со Баерн за трансфер на Кингсли Коман (29), објави фудбалскиот инсајдер Фабрицио Романо. Францускиот крилен напаѓач стана главна желба на саудискиот клуб, кој го договори доаѓањето на стоперот Иниго Мартинез (34) од Барселона и напаѓачот Жоао Феликс (25) од Челзи ова лето.
Ал Наср веќе има ѕвезди како Кристијано Роналдо (40), Садио Мане (33) и Марсело Брозовиќ (32) во својот тим, а сега ќе им се придружат уште неколку врвни европски играчи.
Коман е роден во Париз и ја започна својата професионална кариера во ПСЖ, со кој освои четири трофеи. Во 2014 година, Јувентус го донесе како слободен агент и тој освои четири трофеи. Една година подоцна, го позајми на Баерн за седум милиони евра, а потоа го продаде во 2017 година за уште 21 милион евра.
Во клубот од Минхен, тој одигра 339 натпревари, постигна 72 гола и постигна 71 асистенција, освои 21 трофеј, меѓу кои се издвојуваат Лигата на шампионите и девет титули во Бундеслигата.
Неговиот договор е важечки уште две години, што значи дека Ал Наср ќе мора да плати отштета за него. „Трансфермаркт“, ја проценува неговата вредност на 30 милиони евра.
Коман има 58 настапи и осум гола за Франција, со која ја освои Лигата на нации, што значи дека досега во кариерата освоил 30 трофеи.
Фото/ Принтскрин
Објавено е што е подготвен Путин да направи
Русија и САД се обидуваат да постигнат договор што би ја запрел војната во Украина и би ја потврдил руската...
Крадци украле акумулатори и нанеле штета од над 10 милиони денари на ЈП за железничка инфрастрактура
Јавен обвинител од Основното јавно обвинителство Битола донесе наредба за спроведување истражна постапка против две лица за тешка кражба. За...
Убиство во Штип: пијан со нож ја избол мајка си во врат, па сам пријавил на 112
Основното јавно обвинителство соопшти детали за убиството во Штип што се случи утрово. Од таму велат дека против С.З. (54)...
Мицкоски: Карпалак е обврска да изградиме држава во која нема да има место за омраза и поделби
Слава за хероите од Карпалак. Нивното дело и пожртвуваност се памети, нивната храброст и одлучност се почитува, напиша на социјалните...
Одбележана 24-годишнината од загинувањето на десеттемина армиски припадници кај месноста Карпалак
Делегација од Министерството за одбрана и Генералштабот на Армијата, предводена од државниот секретар Елизабета Чуповска-Ристова и директорот на Генералштабот, бригаден...
Семејна заштеда и помал притисок за родителите: Дурмиши за поевтинувањето на училишниот прибор
Министерот за економија и труд, Бесар Дурмиши, денеска ја промовира новата владина мерка „Училишна кошничка“, насочена кон намалување на трошоците...
Надлежните со препораки до граѓаните поради најавата за температури до 39 степени во периодот до 13 август
Министерството за здравство информира дека, според најновата прогноза од Управата за хидрометеоролошки работи (УХМР), од 8 до 13 август 2025...
Четири цени за паркинг во Клинички, просторот ќе се прошири двојно
Министерот за здравство, Азир Алиу, информира дека во Клиничкиот центар ќе има четири различни влезови со различни ценовници за паркирање...
Израел се подготвува за целосна окупација на Појасот Газа
Израелскиот безбедносен кабинет го одобри планот на премиерот Бенјамин Нетанјаху за преземање воена контрола над Газа, што претставува нова голема...
Либанската влада го поддржа американскиот план, луѓето на Хезболах ја напуштија седницата
Министерот за информации на Либан објави дека владата ги одобрила целите на американскиот предлог за разоружување на Хезболах до крајот...
„Опен ВИ“ го претстави „Чат ГПТ 5“, дава поточни одговори за медицината, науката, финансиите
Компанијата „Опен АИ“ денес официјално го претстави својот долгонајавуван модел на вештачка интелигенција „ГПТ-5“, кој сега е достапен бесплатно за...
Германски државјанин протеран од државата: на натпреварот Шкендија-Карабаг во Скопје веел знаме „Голема Албанија“
По извршена идентификација и поднесена кривична пријава, Основното јавно обвинителство Скопје по итна постапка процесуираше државјанин на Германија за кривично...
Одложени активности на отворено: Министерството за здравство со препораки поради најавите за високи температури
Министерството за здравство информира дека во согласност со најновата прогноза од Управата за хидрометеоролошки работи (УХМР) во периодот од 8...
Забрана за движење во шумите до крајот на август, за прекршителите казна до 2.000 евра: Владата ја продолжи кризната состојба од 30 дена
На владината седница е донесена одлука за продолжување на кризната состојба во рок од 30 дена. Со ова продолжување, како...
Трговците да ги намалат цените на училишниот прибор пред почетокот на школската година, одлучи Владата
Владата на 100. седница донесе одлука и ги задолжи трговците да ги намалат цените на училишниот прибор од најмалку 10...
Две лица загинаа во сообраќајна несреќа кај Градско: со возилото излетале од патот
Вчера околу 14:35 часот во СВР Велес било пријавено дека на експресниот пат Прилеп-Градско, патничко возило „ауди“ со делчевски регистарски...
„Борис Трајковски“ под лупа на ревизорите: аквапаркот под клуч, паркингот не заработува, а поддршката за самитот на ОБСЕ недокументирана
Државниот завод за ревизија го објави извештајот за работењето на салата „Борис Трајковски“ за 2023 година. Во извештајот е наведено...
Злато во багаж и ботокс во торба запленети на граница
Царинската управа информира дека при контроли на неколку гранични премини се спречени обиди за криумчарење различни производи, меѓу кои златен...
Синдикатот на новинарите бара зголемување на минималната плата: социјалниот статус на медиумските работници во земјата е на многу ниско ниво
Самостојниот синдикат на новинарите и медиумските работници во време на општата дебата за висината на минималната плата недвосмислено е за...
ВМРО-ДПМНЕ и натаму бара оставка од обвинителот Коцевски
ВМРО-ДПМНЕ и денеска упати јавен повик до обвинителот, Љупчо Коцевски, да си поднесе оставка поради, како што велат, компромитирање на...
