Европа
(Видео) Страшно невреме ја зафати Европа, има загинати и повредени

Циклонот Циаран ја погоди Италија и однесе најмалку три животи. Три лица загинаа во поплавите што вчера ја погодија Тоскана. 85-годишниот Алфио Чиолини од Монтемурло починал во својот дом откако поројот влегол во неговата куќа. Наводно, Чиолини не можел да стигне до горниот кат бидејќи нивото на водата нагло се зголемило.
Маж загина и во Росињан, кога водата влегла во домот за стари лица и го поплавила објектот. Спасени се 22 станари од домот, но до повозрасниот маж помошта стигнала предоцна. Градоначалникот на Росињано, Даниеле Донати изјави дека се уште не е јасно дали старецот починал како последица од поплава или од природни причини, пишува „La Nazione“.
⚡🇮🇹 #Italy – More Videos of major Flooding in North Italy.#Toscana #Tuscany #Pisa #WeatherAlert #StormCiaran pic.twitter.com/TyMMjdbwK9
— X News Monitor (@xNewsMonitor) November 3, 2023
Уште едно лице е пронајдено мртво во Монтемурло. Станува збор за 84-годишна жена на која и се слошило додека вадела вода од својата куќа со лопата. Дожд и силен ветер се предвидува да се движат кон јужните региони на Италија, објави агенцијата за цивилна заштита на земјата.
Queste le immagini di quello che sta succendo a #Prato e in diverse città della #toscana . Questa è l'esondazione del Fiume #Bisenzio . Purtroppo al momento si hanno notizie di un morto è una persona di 85 anni. #alluvione pic.twitter.com/Hg9Wau1fXK
— Chara (@chara_cam) November 2, 2023
Силната бура ги погоди северозападна Франција и југозападна Англија, пред да се прошири во Холандија, Белгија, Германија, Франција и Италија, при што има најмалку седум мртви и неколку повредени, соопштија во петокот локалните власти.
Бурата предизвика еден смртен случај во Холандија кога дрво падна врз лице во југоисточниот град Венреј во близина на границата со Германија, соопшти полицијата во четвртокот. Паѓањето дрвја повреди луѓе на неколку други локации, вклучително и една жена во Хаг, соопшти полицијата. Велосипедистите беа погодени и од паѓање на гранки и дрвја.
Во Франција две лица загинаа, а 15 се повредени, меѓу кои седум пожарникари, изјави министерот за внатрешни работи Жералд Дарманин. Возачот на камион загинал кога удрил во паднато дрво. Во Авр, еден човек бил зафатен од налет на ветер додека ги затворал ролетните на прозорецот и починал.
Околу 1,2 милиони домаќинства останаа без струја, а стотици илјади се исклучени од мрежата на мобилни телефони. Во некои региони ветерот достигна брзина и до 200 километри на час. Соборените дрвја ги блокираа патиштата и железничките пруги. Причинета е значителна материјална штета. Поради невремето откажани се стотици летови. Возовите до и од Париз, исто така, не сообраќаа, а беше погоден и превозот.
Силни ветрови дувале и низ регионот на планината Харц во централна Германија во четвртокот, убивајќи една жена откако ја удрило дрво што паднало, соопштија пожарникарите во градот Гослар. 46-годишна жена од Баварија планинарела со сопругот и двете мали деца на 600 метри високата планина Рамелсберг кај Гослар кога починала.
Невремето, исто така, урна далноводи и делумно затвори два автопати во планината Харц, соопштија пожарникарите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Естонија се повлекува од Конвенцијата за забрана на противпешадиски мини, стравува од Русија

Парламентот на Естонија денес гласаше за повлекување од Конвенцијата од Отава со која се забранува употребата на противпешадиски мини, поради загриженост за потенцијална воена закана од соседна Русија.
Осумдесет и еден од 101 пратеници го поддржаа предлогот, соопшти прес-службата.
Сите пет земји од Европската Унија и НАТО што граничат со Русија – Литванија, Латвија, Естонија, Полска и Финска – објавија планови за повлекување од меѓународниот договор поради воената закана што ја претставува нивниот многу поголем сосед.
Русија не е членка на Конвенцијата од Отава и користеше мини при инвазијата на Украина. Гласањето на Естонија следеше по гласањето на Латвија и Литванија, чии парламенти веќе го одобрија повлекувањето. Земјите ќе можат да складираат и распоредуваат мини шест месеци откако ќе ги известат другите членки на договорот и Обединетите нации за нивната одлука. Ниту една од петте земји сè уште не го сторила тоа.
Европа
(Видео) 5-минутна снимка од историскиот украински напад врз руски авиони

Украинската Служба за безбедност (СБУ) објави ново 5-минутно видео кое прикажува напади со беспилотни летала ФПВ (First Person View) врз руски воени цели, вклучувајќи бомбардери и авиони А-50.
Станува збор за историски украински напад врз повеќе руски бази, нанесувајќи им голема штета на руските сили. Нападот е дел од пошироката стратегија на Украина за користење беспилотни летала за извршување прецизни напади врз клучни воени цели.
Употребата на беспилотни летала ФПВ им овозможува на операторите директно да го контролираат леталото со поглед од прво лице, зголемувајќи ја точноста на ударот. Оваа технологија станува сè поважна во современото војување, овозможувајќи прецизни напади со минимален ризик за операторите.
Европа
Путин бесен, жестоко го нападна режимот на Зеленски

Рускиот претседател Владимир Путин за прв пат ги коментираше најновите украински напади на руска територија. Тој рече дека „намерните напади на Украина врз цивилното население во Русија потврдуваат дека веќе нелегитимниот режим во Киев се претвора во терористичка организација“.
Тој нагласи дека „на режимот во Киев не му е потребен мир“ и дека за сегашните власти во Киев, мирот „веројатно значи губење на власта“. Путин тврди дека одлуката за извршување на нападите е донесена на политичко ниво во Украина, а целта е да се заплаши Русија.
Според него, украинските сили се повлекуваат по целата фронтова линија и трпат големи загуби, поради што властите во Киев се свртуваат кон организирање терористички напади. Путин повтори дека Москва стравува дека „нелегитимниот режим во Киев се претвора во терористичка организација“, што, тврди тој, се потврдува со напади врз цивилното население, како оние во регионот Брјанск.
„Она што се случи во Брјанск беше целен напад врз цивили. Според сите меѓународни норми, ваквите дејствија се нарекуваат тероризам“, рече Путин.
Тој додаде дека „нападите врз цивилите имале за цел да го попречат вториот круг преговори“ и дека Украина ќе го искористи секое затишје во борбите за повторно вооружување, присилна мобилизација и подготовка на нови напади.
Рускиот претседател, исто така, тврдеше дека спонзорите на Украина „стануваат соучесници на терористите“.
Тој, исто така, нагласи дека, според него, на украинското раководство му недостасува политичка култура и си дозволува да ги навредува оние со кои наводно се обидува да преговара.
Путин им се заблагодари на службите за итни случаи, железничките работници и другите работници за помошта на повредените во нападите.