Скопје
Есенски садници за Денот на Општина Карпош
Во рамките на Денови на Општина Карпош, денеска ,градоначалникот Стевчо Јакимовски, заедно со делегациите од збратимените општини, засадија 12 висококвалитетни листопадни и зимзелени дрвја на улицата Бледски договор.
Општина Карпош како одговорен општествен субјект и оваа година придонесе за зазеленување на јавните површини, велат од таму. „Двапати годишно Општина Карпош издвојува сума од 1.400.000 денари за зазеленување и обновување на зелените површини со цел да се постигне здрава и чиста животна средина. Буџетот кој е издвоен за есенското садење изнесува 1.000.000 денари и набавени и засадени се 448 садници на територија на општина Карпош, од кои:
– црвен јавор 50, каталпа 25 садници, обичен јавор 158 садници, дрво фотонија 20 садници, туја смарагд 20, црвена слива 10 садници, туја пликата 50 садници, јапонска мушмула 5 садници, цветен пепел 20 садници, црвен костен 10 садници, див костен 15 садници, црвена гума 15 садници, јапонска цреша 10 садници, јапонска хризантема 20 садници и кипарис со три топки“.
Првиот човек на општината, Јакимовски, истакна дека е важно да се садат што повеќе дрвја за да може да се заштити животната средина.
„Задоволство ми е што заедно со збратимените градови засадивме 12 дрвца на целосно реконструираната улица Бледски договор. Инаку, во акцијата за есенско садење имаме над 450 нови садници. Секое дрвце што е насадено има заштитна ограда, со плочка на збратимени градови што нивните градоначалници или претставници од нивните општини го засадуваат. Би сакал да апелирам до граѓаните да се грижат за зелените површини бидејќи тоа ни е од особена важност за секој од нас, за чиста околина“, заврши Јакимовски.
Во пролетното садење од буџетот потрошени се 400.000 денари, од кои набавени се 116 садници, со кои е збогатена јавната зелена површина во општината. Дополнително, Советот на Општина Карпош на една од седниците одвои сума во износ од 1.000.000 денари за обновување тревни површини и нискогрмушести растенија. Општина Карпош е локална самоуправа која е посветена на создавање нови зелени површини бидејќи вложувањето во животната средина е трајна придобивка за сите сегашни и идни генерации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Прва фаза од асфалтирањето на улиците „9“ и „532“ во општина Илинден
Општина Илинден интензивно работи на реконструкцијата на улиците „9“ и “532“ во Марино, пришто денеска се изврши првата фаза од поставувањето на асфалт. Во оваа прва фаза асфалтирани се околу 380 метри.
Во рамки на градежните работи се врши целосна реконструкција на улицата во должина од околу 820 метри и широчина 6 метри, реконстукција на тротоар во должина од 450 метри како и зафаќање на атмосферските води од коловозот. Улица е од големо значење бидејќи претставува главна сообраќајница во општината што ги поврзува сите населни места. За време на реализација на градежните работи на улицата е воспоставен времен режим на сообраќај, кој го спроведува фирмата изведувач на активностите на терен Филип инжинеринг Дооел Скопје.
„Во наредниот период Општина Илинден ќе продолжи со инвестиции за подобрување на локалната патна инфраструктура се со цел да им се овозможи подобри и поквалитетни услови за живеење“, велат од Општина Илинден.
Скопје
Ѓорче Петров ќе добие нова катна гаража
Со мнозинство гласови советот на Општина Ѓорче Петров изгласа отпочнување на постапка за измена и дополнување на ДУП за Градска четврт СЗ 15, Блок СЗ 15.03, за обезбедување локација за нова катна гаража. Ова денеска го соопшти градоналникот на општината Александар Стојкоски.
– По години на недостаток на паркинг простор во Реонскиот центар, конечно се преземаат конкретни чекори за решавање на овој проблем кој го мачи секојдневниот живот на жителите, порача тој.
Катната гаража ќе биде лоцирана непосредно до Реонскиот центар, на местото кое сега се користи како паркинг, и ќе обезбеди повеќе паркинг места!
– Ова е само дел од напорите на општината да ги подобри условите за живот и инфраструктурата во нашиот град, додаде Стојковски.
Скопје
Ѓорѓиевски: Салата „Партизан” во Чаир ќе биде темелно реновирана и повторно ќе си го врати својот сјај
Претседателот на ЗЕЛС, Орце Ѓорѓиевски, заедно со градоначалникот на Општина Чаир, Висар Ганиу и Министерот за спорт, Борко Ристовски, денеска ја посетија салата “Партизан” во Чаир. Најавија дека овој спортски објект, кој оставен на забот на времето, се наоѓа во катастрофална состојба, ќе биде темелно реновиран и повторно ќе го врати својот сјај. Претседателот Ѓорѓиевски му се заблагодари на Министерот Борко Ристовски за неговиот ангажман за рамномерното регионално инвестирање во сферата на спортот, што овозможува обнова на спортската инфраструктура во сите општини.
-Особено ме радува фактот што покрај култната сала “Расадник” во Кисела Вода и овој спортски објект ќе биде темелно реконструиран и повторно ќе го врати својот сјај. Реновирањето на салата “Партизан” ќе значи многу за сегашните и идните спортисти. По завршувањето на градежните активности, ќе добиеме репрезентативен објект, што ќе создаде услови за подобро спортување и развој на младите таленти. Сакам да упатам голема благодарност до Министерот Борко Ристовски за посветената работа и за вниманието што го посветува на рамномерното регионално инвестирање во сферата на спортот. Овие инвестиции не само што овозможуваат обнова на спортската инфраструктура во сите општини, туку и создаваат услови за развој на здравa и активнa младина, која е темел на нашата иднина-изјави Претседателот на ЗЕЛС, Орце Ѓорѓиевски.