Спорт
Карагер знае се за шампионскиот тим на Звезда: Панчев не требаше да замине во Интер
![](https://makfax.com.mk/wp-content/uploads/2023/11/Darko-Pancev.jpg)
Џејми Карагер многу добро се сеќава што се случи во финалето на Купот на шампионите меѓу Црвена звезда и Олимпик Марсеј.
Поранешниот капитен на Ливерпул, Џејми Карагер, воодушеви со познавање на тимот на Црвена звезда, кој во мај 1991 година, во Бари против Олимпик Марсеј, го освои Купот на европските шампиони ги воодушеви колегите на американската телевизија Си-би-ес, во емисијата посветена на Лигата на шампионите.
Во студиото му се придружија и поранешните фудбалери Клинт Демпси и Мика Ричардс.
„Ќе почнам да го нарекувам овој човек Гугл, бидејќи знае се“, изјави поранешниот напаѓач на Фулам, Тотенхем и репрезентацијата на САД.
Поранешниот стопер истакна дека црвено-белите целосно го смениле пристапот кон играта за мечот во финалето, па од екипа која играла офанзивно станале екипа која се концентрирала исклучиво на одбраната. Спомна и некои играчи кои направиле големи трансфери по освојувањето на европската титула.
„Се сеќавам дека Црвена Звезда победи на пенали. Тие го одиграа финалето сосема поинаку од претходните натпревари во натпреварувањето. Натпреварот заврши без голови, но тоа беше нивната цел. Играа на 0:0, а тоа беше тим кој постигнаа 19 гола на патот до финалето. Го имаа Дарко Панчев кој го постигна решавачкиот гол, а потоа отиде во Интер, но не испадна добро за него… Го имаа Просинечки кој играше за Реал Мадрид и Барселона, Савиќевиќ кој подоцна ја освои Лигата на шампионите со Милан… Апсолутно брилијантни имиња… Савиќевиќ го лобуваше Зубизарета во финалето (со Милан)“.
Инаку, кога Црвена звезда ја освои титулата во Купот на европските шампиони, Карагер имаше неполни 14 години.
As the kids would say, @carra23 knows ball. 🔥 pic.twitter.com/1cZmpgNmC1
— CBS Sports Golazo ⚽️ (@CBSSportsGolazo) November 7, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Серхио Рамос остана без клуб
![](https://makfax.com.mk/wp-content/uploads/2024/06/c012abb7-3409-497b-abc9-fd13913ee7df_16-9-discover-aspect-ratio_default_0.jpg)
Серхио Рамос (38) за две недели ќе биде слободен играч. Славниот шпански дефанзивец нема да го продолжи договорот со Севилја во која се врати на почетокот на минатата сезона.
Рамос е еден од најдобрите дефанзивци на сите времиња. Минатата сезона беше стандарден во Севилја. Тој забележа 37 настапи, постигна седум гола.
Кариерата ја започна во Севилја во 1996 година, а во 2005 година се пресели во Реал Мадрид. Таму играше до 2021 година, а потоа по истекот на договорот се пресели во ПСЖ.
За шпанската репрезентација постигна 23 гола на 180 натпревари. Во кариерата освои се што можеше да се освои, а за Реал Мадрид постигна 101 гол на 671 натпревар и освои четири ЛШ. Со Шпанија двапати беше европски и еднаш светски првак.
Спорт
Јовановиќ на местото на Појет – Грците добија нов селектор
![](https://makfax.com.mk/wp-content/uploads/2024/06/afc97d2b-12ab-4f3e-a7fb-c160ad60f798_ivan_jovanovic-pao.jpg)
Искусниот српски тренер Иван Јовановиќ ќе биде селектор на грчката фудбалска репрезентација во следните две години, јавуваат тамошните медиуми. Овој 61-годишен тренер добро ги познава работите во грчкиот фудбал.
Јовановиќ на функцијата го наследи, Уругваецот Густаво Појет. Под негово водство, Грците не успеа да се пласира на Европското првенство. Грузија во баражот ја совлада Грција по изведувањето пенали.
Тренерската кариера ја започна во Нико Волос, Ираклис го водеше во два мандати, голем успех постигна со АПОЕЛ од Никозија, со тимот играше четвртфинале во Лигата на шампионите, Панахаики од Патра, а потоа се пресели во Абу Даби. Го водеше Ал Наср, а од 2019 до 2020 година беше селектор и на Обединетите Арапски Емирати.
Во 2021 година се врати во грчкиот фудбал и до 2023 година беше тренер на Панатинаикос.
Тој го предводеше АПОЕЛ до четири шампионски титули на Кипар и го освои Купот на Грција со ПАО. Тој беше прогласен за најдобар српски тренер во 2011 година, додека магазинот „Газета“ го избра за најдобар тренер на грчката Суперлига во 2022 година.
Спорт
Нигериецот Еџуке ја засили Севилја
![](https://makfax.com.mk/wp-content/uploads/2024/06/1634494153-20331709990123.jpg)
Севилја почна да го формира ростерот за следната сезона. Прво засилување на клубот од Андалузија е Чидера Еџуке.
Нигерискиот фудбалер минатата сезона играше како позајмен во Антверпен од ЦСКА Москва. Севилја нема да издвои ниту цент за неговиот транфср, бидејќи му истече договорот со ЦСКА.
Еџуке постигна три гола и четири асистенции на 21 натпревар во белгискиот шампионат, а неговата природна позиција е лево или десно крило.
Во својата кариера, Еџуке играше за Суприм Корт, Гомбе Јунајтед, Валеренга, Херенвен, ЦСКА Москва, Херта и Антверпен.