Спорт
(Видео) Ливерпул поразен во Тулуз, Рома падна во Прага, Брајтон победи во Амстердам
![](https://makfax.com.mk/wp-content/uploads/2023/11/11829344.jpg)
Foto/ EPA
Осум натпревари се одиграа во Лига Европа, во групите А, Е, Ф, Г и Х, во терминот од 18:45. Најголемото изненадување го направи Тулуз со пбедата над Ливерпул (3:2).
Група А
Ајакс – Брајтон 0:2, АЕК – Марсеј (од 21:00 часот)
Очекуван резултат во Амстердам. Во моментов Брајтон е пресилен за холандскиот гигант, кој се наоѓа во длаока криза.
Три бода на англискиот тим му донесоа Ансу Фати во 15. минута и Адингра во 53. минута.
АЕК и Марсеј играат вечерва во Атина.
Брајтон има 7 бода, Марсеј има 5, АЕК има 4, а Ајакс има само 2 бода.
Група Е
Тулуз – Ливерпул 3:2, ЛАСК – Ројал Унион 3:0
Ливерпул „настрада“ во Франција по сопствените грешки и фантастичните транзиции на Тулуз.
Првиот гол домашните го постигнаа во 36. минута, кога Цимикас направи катастрофална грешка во опасната зона, Донум му ја украде топката и десната страна со одличен удар го матираше голманот Келехер.
Тулуз ја удвои предноста во 58. минута, кога нивните играчи со брутален притисок ги натераа на грешка играчите од средниот ред на Ливерпул, топката стигна до Сиера на десното крило, следеше центаршут и прекрасен гол на Далинга, за 2:0.
Јирген Клоп ги „измеша картите“, но во вториот дел мораше на терен да ги испрати Салах, Трент, Собослаи и Дарвин Нуњез, а уругвајскиот напаѓач беше тој го натера Касерес да си постигне авто-гол во 74. минута.
Во 76. минута Тулуз поведе со 3:1, а стрелец по добра тимска акција беше Магри.
Ливерпул не се предаваше, Диого Жота влезе во игра во 81. минута, а во 89. направи одличен соло пробив и со убав удар погоди за 3:2.
Во вториот натпревар од групата ЛАСК победи против белгискиот Ројал Унион во Линц со головите на Хорват во 25. минута од пенал, Таловиерова во 45. и Жуља во 77.
Ливерпул има 9 бода, Тулуз 7, Ројал Унион 4 и ЛАСК 3.
Група Ф
Макаби Хаифа – Виљареал 1:2, Рен – Панатинаикос 3:1
Макаби го пречека Виљареал на неутрален терен во Ларнака, Кипар и поведе со голот на Сек во 32. минута, а Шпанците направија пресврт со головите на Баена во 83. и Серлот во 87. минута.
Рен со играч помалку сосема заслужено славеше во дуелот со Панатинаикос со 3:1. Францускиот тим поведе во деветтата минута преку Рајдер, а потоа во 33. минута остана со играч помалку поради црвениот картон на Белосан. Следеше пенал за ПАО кој Јоанидис го претвори во гол, а во вториот дел рапсодија на Рен со десет играчи. Ибрахим Салах погоди за 2:1 во 65. минута, а Блас од пенал во 70. минута зголеми на 3:1.
Рен води со 9 бодови, Виљареал има 6, ПАО 4, а Макаби 1 бод.
Група Г
Сервет – Шериф 2:1, Славија Прага – Рома 2:0
Жозе Мурињо изведе силен состав во Прага, но Славија ја надигра Рома и заслужено славеше со головите на Јуречка во 50 и Масопуст во 74 минута.
Во директна битка за третото место и Лигата на конференции, молдавскиот Шериф поведе со 1:0 против Сервет. Северин си постигна автогол во 12. минута. Во финишот дојде до пресврт и головите на Рулије во 84. минута и Бедија во 90. минута од пенал.
Славија и Рома имаат по 9, Сервет има 4, а Шериф 1 бод.
Група Х
Карабаг – Баер Леверкузен 0:1, Хакен – Молде (од 21:00 часот)
Карабаг за малку ќе ја сопре „машината“ на Чаби Алонсо, но во 93. минута гостите со гол од пенал кој го реализираше Бонифас победија 0:1 и го обезбедија првото место.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Хрватска го дозна противникот во полуфиналето од квалификациите за ОИ
![](https://makfax.com.mk/wp-content/uploads/2024/07/Mario-Hezonja.jpg)
Противник на хрватската кошаркарска репрезентација во полуфиналето од квалификациите за Олимписките игри ќе биде Доминиканска Република.
Ова и официјално беше потврдено откако домаќинот Грција во последниот натпревар го победи Египет со 93:71. Хрватска во сабота од 20 часот ќе игра со Доминиканската Република.
Противникот на Хрватска на овој турнир не може да смета на неколку клучни играчи.
Во споредба со ланското Светско првенство, го нема центарот Карл-Ентони Таунс, ѕвездата на Минесота Тимбервулфс, како и Анхел Делгадо, исто така центар, кој игра за Галатасарај.
Недостига и Лестер Кињонес од Голден Стејт Вориорс.
Еден од предводниците на оваа репрезентација е 26-годишниот плејмејкер Андрес Фелиз, кој од следната сезона ќе настапува за Реал Мадрид, а тука е и Крис Дуарте, шутер кој настапува за Сакраменто Кингс во НБА лигата.
Во случај на победа над Доминиканската Република, Хрватска би се пласирала во квалификациското финале кое ќе се игра веќе во недела.
Нејзин противник би бил подобриот од дуелот Словенија и Грција.
Спорт
Бојан Богдановиќ во Бруклин
![](https://makfax.com.mk/wp-content/uploads/2024/07/bojan.jpg)
Њујорк Никс направи голема работа и се договори со Бруклин Нетс.
Њујорк Никс веќе имаат шампионски тим од универзитетот Виланова, бидејќи Џејлен Брансон, Џош Харт и Донте Дивиченцо ја делат соблекувалната, а сега ќе им се придружи и Мајкл Бриџис.
Играчот беше превземен од Бруклин Нетс во Њујорк Никс и сега целата зделка ќе биде завршена.
Според Шемс Чаранија, во се е вклучен и Бојан Богдановиќ.
Никс договорија тригодишен договор вреден 9 милиони долари со Малик Милтон, кој заедно со Бојан Богдановиќ ќе оди во Бруклин Нетс, а во Њујорк доаѓа Кеита Бејтс-Диоп, како и Мајкл Бриџис, кој е централна фигура на оваа размена.
Оваа година, поради големиот број повреди, Никс го пропуштија Источното финале кога беа поразени во седмиот натпревар во Медисон Сквер Гарден од Индијана Пејсерс.
Спорт
УЕФА жестоко го казни Демирал
Турскиот стопер Мерих Демирал е суспендиран од УЕФА поради истакнување на симболот на терористичка организација.
Мерих Демирал ги постигна двата гола во победата на Турција над Австрија во осминафиналето на Европското првенство, а натпреварот заврши со резултат 2:1.
Демирал ги прослави головите покажувајќи го поздравот на „Сивите волци“, односно симбол на десничарската екстремистичка идеологија, која во некои земји се смета за терористичка порака.
Демирал на тој начин доби казна за која сигурно нема да игра во четврт-финалето кое Турција ќе го игра в сабота против Холандија, а дури и да се пласира во полуфиналето неговата селекција нема да биде во тимот.
Стоперот ќе може да им помогне на своите момци само доколку Турција се пласира во финалето на Европското првенство, одлучи УЕФА.