Спорт
Роџерс: Веднаш би го укинал ВАР и би го вратил „чистиот фудбал“
![](https://makfax.com.mk/wp-content/uploads/2023/11/video.jpg)
Менаџерот на Селтик, Брендан Роџерс е разочаран од насоката во која оди модерниот фудбал.
Поранешниот менаџер на Лестер и Ливерпул следува по натпреварот од Лигата на шампионите во кој неговиот Селтик беше поразен од Атлетико Мадрид со резултат 6:0.
Роџерс почувствува дека добро позиционираниот судија ја донел вистинската одлука кога му покажа жолт картон на неговиот играч Дајзен Маеда, но потоа следеше повик од ВАР собата и Јапонецот доби црвен картон.
Веќе од 23. минута Селтик остана со играч помалку и доживеа вистинска катастрофа до крајот на натпреварот.
„Сочувствував за навивачите на Селтик по натпреварот. Платиле стотици фунти за да отпатуваат во Мадрид, веројатно поминале убав ден во шпанската престолнина, а потоа вечерта отишле на натпревар и по само 20 минути вашиот тим останува со играч помалку и сета забава е расипана …“, изјави Брендан Роџерс.
Тој забележа нешто вознемирувачко:
„Фудбалот сè повеќе почнува да личи на компјутерски игри. Сè се оценува на екранот. Тоа не е фудбал. Тоа не е играта што ја знаеме и ја сакаме“.
Заклучок:
„Ако ме прашате сега, би го укинал ВАР и би се вратил на „чистиот фудбал“. Знаеме дека ќе има грешки, но повеќе би сакал да го прифатам тоа отколку она што го гледаме во моментов“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Англија со победа го започна ЕП – Белингем и пресуди на Србија
![](https://makfax.com.mk/wp-content/uploads/2024/06/12304262.jpg)
Англија, според прогнозите најголемиот фаворит за титулата на ЕУРО 2024, со победа над Србија 1:0 (1:0) го започнаа контитнеталниот шампионат.
Одличен динамичен натпревар одиграа двете репрезентации во Гелзенкирхен, на крајот пресуди голот на Џуд Белингем во 13.минута и кукавичката игра на Србија во првите 20 минути од натпреварот.
Англичаните во силно темпо го започнаа натпрварот, не им дадоа да „дишат“ на Србите, кои панично се бранеа. Првата вистинска акција ја претворија во гол, Сака успеа некако да нафрли покрај Павловиќ, а Белингем од седум метри ја закова топката во голот.
Притисокот на Англичаните траеше и во наредните десетина минути, пото Србите полека започнаа да фаќаат ритам, ја презедоа контролата врз играта, но до крајот на полувремето имаа една можност, преку Митровиќ чии удар заврши крај голот.
Во вториот дел, Србите апосолутно доминираа, ги стиснаа Англичаните кои успеаја да се одбранат. Пикфорд го одбрани ударот на Влаховиќ, а Кејн интервенираше по шутот на Бирманчевиќ.
Англичаните во второто полувреме имаа само една шанса, ударот на Кејн го одбрани Рајковиќ, а потоа топката од гредата се одби во поле.
Во второто коло, Англија ќе игра против Данска, а Србија против Словенија.
Спорт
УЕФА покрена дисциплинска постапка против ФС на Албанија
![](https://makfax.com.mk/wp-content/uploads/2024/06/112233.jpg)
Дисциплинската комисија на Европската фудбалска унија (УЕФА) покрена истрага против Фудбалскиот сојуз на Албанија, поради непримерното однесување на нивните навивачи пред, за време и по натпреварот против Италија во петок, на 15 јуни.
Албанците фрлаа предмети на теренот на стадионот, употребија пиротехника, а еден од навивачите во самиот финиш влезе на теренот. Имаше и провокативни пораки кои беа главна причина за поведување на постапката.
Засега не е важно кога ќе биде изречена казната и колку таа ќе биде сериозна.
Во меѓувреме, албанските навивачи не се смируваат и денеска учествуваа во судири со српските навивачи низ улиците на Гелзенкирхен.
Спорт
(Видео) Данска и Словенија одиграа без победник
![](https://makfax.com.mk/wp-content/uploads/2024/06/12303902.jpg)
Словенија и Данска одиграа без победник 1:1 (0:1) во првиот меч од Ц групата на Европското првенство. Ова е прв нерешен резултат на првенството и воедно прв натпревар на кој беа постигнати помалку од три гола.
Натпреварот на стадионот во Штутгарт, според квалитетот, беше најслаб од почетокот на турнирот. Данска доминираше и играше подбро во првиот дел, а Словенците издоминираа во последните 25 минути од натпреварот.
Данците во 17.минута ја одиграа најубавата акција на мечот, Винд му асистираше на Ериксен на кого не му беше тешко да го совлада Облак. Ериксен постигна гол на ЕП точно 1.100 дена откако доживеа срцев удар на последниот континентален турнир.
Словенците во првиот дел се определија да го бранат својот гол, ретки беа нивните напади, а Шпорар имаше шанса да постигне гол.
Клучниот момент на натпреарот се случи во 66.минута кога Облак го одбрани ударот на Хојлунд и спречи водство на Данска 2:0.
Од тој момент Словенците тргнаа во офанзива. Се редеа шансите пред голот на Шмајхел. Два пати не успеа Шпорар, Шешко со страотен удар од 25 метри ја погоди стативата, а во 77.минута изедначи Јанжа со мала помош на Јумланд.