Хрватската полиција денеска соопшти дека кривично ќе го гони веќе поранешниот министер, Марио Баножиќ за кривично дело предизвикување сообраќајна незгода во патниот сообраќај. Полицијата утврдила дека Баножиќ ја предизвикал несреќата во која загина 40-годишниот Горан Шариќ од Привлака со прекршување на сообраќајните прописи.

„Тој предизвикал сообраќајна незгода и предизвикал смрт, односно настапила смрт“, рече портпаролот Драгослав Живковиќ.

Конечната квалификација на прекршокот најверојатно ќе ја реши Канцеларијата на Државниот обвинител на округот. Доколку го прифати полицискиот извештај, поранешниот министер за одбрана се соочува со казна затвор од една до осум години, пишува „Индекс“.

„Истрагата за сообраќајната несреќа која ја водеше заменик на жупаниското државно правобранителство во Вуковар, утврди дека 44-годишниот возач (државен службеник) со приватно возило движејќи се од правец на Винковци во правец кон Жупања го престигнал камионот од левата страна кој се движел во иста насока пред него, без да биде сигурен дека може безбедно да го стори тоа и да не го попречува сообраќајот од спротивната насока, поради што предниот дел од патничкиот автомобил се судрил со предниот дел на комбето кое од спротивниот правец го управувал 40-годишник.

Од здобиените повреди 40-годишниот возач починал на местото на настанот, додека 44-годишниот возач е пренесен во Општата Жупанска болница во Винковци, а потоа во Клиничката болница Осиек на понатамошно лекување.

По наредба на заменикот на Жупаниското државно правобранителство во Вуковар, над телото на починатиот возач ќе биде извршена обдукција. Од 44-годишниот возач земени се примероци од крв и урина за анализа.

„Поради сомнение дека предизвикал сообраќајна незгода со прекршување на сообраќајните прописи, против 44-годишниот возач во Жупаниското државно правобранителство во Вуковар ќе биде поднесена кривична пријава за сторено кривично дело Предизвикување сообраќајна незгода во патниот сообраќај. “, соопшти претходно полицијата.

Утре ќе се анализираат примероците од крв и урина

„Издадовме наредба за анализа на крв и урина со цел да се утврди дали во телото на 44-годишниот маж кој ја предизвика сообраќајната незгода има алкохол, дрога и други психотропни супстанци, а извадените примероци ќе бидат испратени во Центарот за вештачења во понеделник наутро. Ова е наш приоритет за утврдување во овој момент, затоа ќе побараме од експертите од Центарот да го направат тоа што е можно поскоро“, изјави Билјана Лубуриќ, заменик државен правобранител во Вуковар кој раководел со истрагата за сообраќајната несреќа.

Согласно Кривичниот законик, ќе се казни учесник во сообраќајот на патиштата кој со прекршување на прописите за безбедност во сообраќајот ќе предизвика опасност по животот или телото на луѓето или имотот од големи размери, а поради тоа ќе предизвика смрт на едно или повеќе лица со затворска казна од три до 15 години. Во случај на небрежност, казната е од една до осум години.

Адвокатите и сообраќаен експерт со кои разговараше „Индекс“ велат дека најверојатно се работи за невнимание.

„Не знам многу факти, но од она што го прочитав, а тоа е дека Баножиќ веројатно немал алкохол во крвта, би рекол дека е небрежност. По правило се смета дека небрежноста не е намера. Мислам дека тоа е невнимание и соодветно на тоа веројатно ќе биде покрената кривична постапка“, изјави адвокатот Анто Нобило.

„Денешната полициска реакција е невообичаена“

И судскиот сообраќаен вештак Горан Хусинец вели дека се работи за невнимание.

„Тој тоа секако не го направил намерно. Неспорно е дека тоа било несовесно, но сега се во прашање други околности. На суд главната битка ќе биде дали Баножиќ почнал да претекнува кога немало магла и налетал на облак на магла од која излегло комбето или цело време дрско претекнувал низ магла. Затоа пресудно ќе биде метеоролошката експертиза која ќе утврди каква била видливоста во моментот кога почнал да го претекнува камионот“, изјави Хусинец за Индекс. .

„Имаме ситуација која ќе направи многу јасен и фактички опис на делото и правен опис на делото, пред се во однос на формата и степенот на вината, што потоа зависи од законското назначување на кривичното дело, за кое казната ќе изнеесува од три до 15 години затвор или ќе биде од една до осум“, изјави адвокатот Вељко Миљевиќ за РТЛ.

Тој вели дека за него е невообичаена денешната реакција на полицијата.

„Екстремно брзо по несреќата излезе официјално соопштение дека ќе биде поднесена или дека се поднесува кривична пријава, што е невообичаено“, рече тој.

Клучна ќе биде брзината со која возел Баножиќ и токсиколошките наоди

Во завршната квалификација на кривичното дело, според мислењето на адвокатите со кои разговараше „Индекс“, клучни ќе бидат токсиколошките наоди и брзината со која се движел Баножиќ кога ја предизвикал несреќата. Таа информација се уште не е објавена.

„Едвај можам да коментирам нешто што е работа на полицијата и на државното правобранителство. Вчера имаше истрага… Утврдена е динамиката на она што се случи во оваа фаза и полицијата поднесе кривична пријава. Сето ова е во во согласност со она што полицијата го работи во вакви ситуации“, изјави Божиновиќ.

На прашањето на новинарот кога ќе се знае извештајот за токсикологија, тој одговори дека тоа е „нешто што ќе биде составен дел од досието и што ќе го знаат прво државното правобранителство и полицијата“.

Запрашан зошто ништо не се знае за брзината на возење или дали Баножиќ бил во алкохолизирана состојба, тој одговори со контрапрашање: „Зошто мислите дека не се знае? Не беше објавено. Вчера имаше истрага, денеска беше поднесена кривична пријава , според кој кривичната истрага се одвива на свој начин согласно Законот за кривична постапка“.

„Тие што ги имаат сите информации во овој момент се полицијата и државното правобранителство, кога ќе одлучат што и дали можат да споделат дел од тоа со јавноста, ќе го направат тоа“, рече тој. „Има ситуации во кои, ако сакате, и поради инволвираните актери во неа, истрагата ја презема окружното државно правобранителство, а тоа беше случај и вчера, со оглед на тоа што се работи за министер во Владата. Затоа, тие се сопственици на информациите“, изјави тој за новинарите.

Доктор: Баножиќ се’ уште не се сеќава на несреќата

Дирекцијата на КБЦ Осиек денеска извести дека здравствената состојба на Баножиќ е стабилна и дека се уште е надвор од животна опасност. Заменик-директорот на КБЦ, Крунослав Шего, изјави за новинарите дека Баножиќ не се сеќава на сообраќајната несреќа.

„Новите наоди од утринава не покажуваат некоја значајна прогресија на повредите. Тој се уште не се сеќава што се случило и се уште не е целосно свесен. Можете да комуницирате со него, но таа свест не е полна свест“, рече Шего.

„Не верувам дека полицијата може да добие релевантни информации од него во оваа состојба“, изјави Шего на новинарско прашање дали Баножиќ може да биде испрашуван во оваа состојба. Вели и дека очекува ваквата состојба да трае барем уште неколку дена.