Македонија
Апелација му го укина куќниот притвор на Драги Рашковски
![](https://makfax.com.mk/wp-content/uploads/2018/01/dragi-raskovski-vlada.jpg)
Мерката куќен пртивор за Драги Рашковские од Скопје е укината и прифатена е гаранцијата како мерка за обезбедување негово присуство во рамките на кривичната постапка што се води против него поради основано сомнение за сторено кривично дело злоупотреба на службената положба и овластувањето од чл. 353 ст. 3 на Кривичниот законик и кривично дело перење пари и други приноси од казниво дело од чл. 273 ст. 1 на Кривичниот законик, соопшти Апелациониот суд Скопје.
„Апелациониот суд Скопје, постапувајќи по кривичниот предмет КСЖ – 816/23 на нејавна седница, на 3.11.2023 година, жалбата на Основното јавно обвинителство за гонење организиран криминал и корупција ja одби како неоснована и донесе решение со кое го потврди решението на Основниот кривичен суд Скопје и со кое е укината мерката куќен притвор и прифатена е гаранција како мерка за обезбедување присуство против обвинетиот Д. Р. од С. во рамките на кривичната постапка што се води против обвинетиот, а поради основано сомнение за сторено кривично дело злоупотреба на службената положба и овластувањето од чл. 353 ст. 3 на Кривичниот законик и кривично дело перење пари и други приноси од казниво дело од чл. 273 ст. 1 на Кривичниот законик“, се истакнува во официјалното соопштение.
Вака донесената одлука, како што појаснуваат, ќе биде објавена во целост на веб-страницата на судот во рокот определен со Законот за управување со движењето на предметите во судовите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Водоводната мрежа е застарена, го разбираме револтот, велат од ЈП Комуна-Крушево за дефектите и честото снемување вода во градот
![](https://makfax.com.mk/wp-content/uploads/2024/06/krushevo-voda.jpg)
При работа на канал, екипите на ЈП Комуна Крушево детектирале мал дефект на водоводната мрежа.
Од тука информираа дека водата ќе биде во краток прекин, а без вода ќе биде поголемиот дел од градот Крушево.
„Го разбираме револтот кај граѓаните и тие се во право. Дефектите се премногу, а тоа се должи на застареноста на водоводната мрежа. Тоа претставува голем проблем и за нас затоа што преголем дел од нашите ресурси, луѓе, механизација и финансии, се трошат на дефекти.“,велат од претпријатието.
Македонија
Претпладне сончево, попладне наместа нестабилно со пороен дожд и грмежи
![](https://makfax.com.mk/wp-content/uploads/2022/08/Ohrid-meteo-sonce.png)
Времето претпладне ќе биде сончево и топло со мала до умерена облачност. Попладне наместа ќе биде нестабилно со пороен дожд и грмежи, локално во форма на невреме со пообилен пороен дожд, грмежи, засилен ветер и локална појава на град. Минималната температура ќе биде во интервал од 13 до 20, а максималната ќе достигне од 30 до 37 степени. UV=8, јавува УХМР.
Во Скопје сончево и топло со мала до умерена облачност. Попладне во делови од котлината ќе има пороен дожд, грмежи и засилен ветер. Минималната температура ќе се спушти до 18, а максималната ќе достигне до 35 степени.
До петок во попладневните часови ќе има честа појава на нестабилност со пороен дожд и грмежи. Локално процесите ќе бидат во форма на невреме со интензивен пороен дожд, силен ветер и појава на град. Дневните температури постепено ќе опаѓаат.
Македонија
Муцунски во прва работна посета на Брисел на средби со Генералниот секретар на НАТО и високи претставници на ЕУ
![](https://makfax.com.mk/wp-content/uploads/2017/02/mucunski-viena.jpg)
Министерот за надворешни работи и надворешна трговија, Тимчо Муцунски, од Луксембург продолжува во прва работна посета на Брисел, во чии рамки ќе се сретне со генералниот секретар на НАТО, Јенс Столтенберг, како и високи претставници на Европската унија.
Во фокусот на разговорите ќе бидат евроинтегративниот процес на државата, реформските процеси, како и активностите во рамки на НАТО, со посебен фокус на претстојниот Самит на Алијансата, што ќе се одржи идниот месец, во Вашингтон.
Посетата на Муцунски на Брисел на почетокот на мандатот како Министер за надворешни работи и надворешна трговија е показател за цврстата определба на земјава за што поскоро членство во Европската унија и посветениот придонес кон глобалниот мир и регионалната стабилност како кредибилна земја членка на НАТО.