Регион
Кока-кола Хрватска објави ново соопштение: Последната анализа го отстрани секој сомнеж, нашите производи се исправни
![](https://makfax.com.mk/wp-content/uploads/2023/11/koka-kola.jpg)
Кока-кола Хрватска објави ново соопштение. Како што наведуваат, отстрането е и последното сомневање дека дел од производите на Кока Кола биле здравствено неисправни.
„Сега е потврдена здравствената исправност на целата серија“
„Последната анализа на Државниот инспекторат на Република Хрватска од 16 ноември 2023 година го отстранува секој сомнеж за квалитетот и исправноста на нашите производи“.
Серија Romerquelle Emotion со вкус на калинка од боровинки, 330 мл, рок на траење 12.2023 година Л17, поврзан со случајот во Риека, е повлечен од пазарот на 8 ноември 2023 година по барање на Државниот инспекторат на Република Хрватска. По направените анализи, сега е потврдена здравствената исправност на оваа серија.
Драго ни е што овој наод на Државниот инспекторат на Република Хрватска ги отстранува сите сомнежи за квалитетот и исправноста на нашите производи. Продолжуваме да соработуваме со сите надлежни органи со целосна транспарентност во текот на истрагата за изолиран случај во Риека.
Искрено сме им благодарни на нашите потрошувачи и клиенти за нивната континуирана лојалност и доверба во нашиот бизнис и брендови и уште еднаш нагласуваме дека нашите производи се произведени според највисоките стандарди за квалитет и здравје, на кои сме целосно посветени за повеќе од 55 години на хрватскиот пазар“, објави Кока-кола Хрватска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Регион
Маж од Албнија вооружен со мачета се заканувал на полицајци во западна Германија, извикувал „Алах акбар“
![](https://makfax.com.mk/wp-content/uploads/2018/08/policija-germanija.jpg)
Маж од Албанија вооружен со мачета бил совладан и уапсен откако рано утринава се заканил дека ќе убие полицајци во полициска станица во западна Германија, соопшти обвинителството.
Инспекторите рекоа дека веруваат дека тој имал исламистички, екстремистички мотив, пренесе АП.
Албанскиот државјанин (29) околу 02.40 часот пристигнал во полициската станица во гратчето Линц на Рајна, меѓу Кобленц и Бон.
Обвинителите рекоа дека тој извикувал „Алаху акбар“ – „Господ е голем“ на арапски – и рекол дека сакал да ги убие полицајците.
Дежурните полицајци ја заклучиле вратата од полициската станица и влезот во внатрешниот двор.
Осомничениот се обидел, но не успеал да ги натера да го отворат влезот, се вели во соопштението на обвинителот.
На местото на настанот биле повикани специјалци кои го совладале со пиштол за шокирање.
Инцидентотследи по нападот со нож на 23 август во западниот град Солинген, во кој осомничен екстремист од Сирија беше обвинет за убиство на три лица.
Регион
Сопругата на Бора Чорба се прости од рокерот со трогателни зборови: „Твоето срце ќе чука со нас засекогаш“
![](https://makfax.com.mk/wp-content/uploads/2024/09/Screenshot-2024-09-06-134325.jpg)
Легендата на рокот, Бора Ѓорѓевиќ, почина на 72 години, на 4 септември, а последен поздрав преку некролог во весник денеска му испратија сопругата Дубравка и другите членови на семејството.
Во Чачак, денеска, 6 септември, беше прогласен ден на жалост, а во Центарот за култура беше отворена книга на жалоста.
„Погребот ќе се изврши в сабота, 7.9.2024 година, во 14.30 часот, на градските гробишта во Чачак. Црковниот обред е во 14 часот. Сочувство ќе се прима од 13 часот. Драг наш, твоето срце ќе чука засекогаш со нас. Твоите песни засекогаш ќе бидат дел од нас… Ни подари грст спомени преку кои ќе те паметиме“, пишува во последниот поздрав на сопругата на Бора и семејството.