Регион
„Мојот син излезе од автомобилот затоа што не сакаше да се трка“: трогателно признание на таткото на Емир од Сјеница, кој стоел кога другарот го удрил со автомобил со голема брзина
„Мојот син излезе од возилото бидејќи не сакаше да се трка и да учествува во тоа. Беше на раскрсницата, односно кружниот тек, во близина на хотел со двајца пријатели. Гледаше во телефонот, но тој не снимил ништо за социјалните мрежи, што докажува и содржината на неговиот уред,. Потоа бил покосен од автомобил“.
Ова низ солзи г раскажува Зекрија Рожајац, чиј син Емир (21), познат како Буци, почина во вторникот вечерта околу 22 часот, во родната Сјеница.
Според првите информации, Емир таа вечер бил со своето друштво во градот. Со него биле и Кадир Б. (17) и уште неколку момци.
„Со двајца пријатели Емир застанал на кружниот тек да разговара и да го чека крајот на трката. Кадир наводно изгубил контрола над возилото и со голема брзина го удрил Емир. Автомобилот се превртел и завршил на покривот на стотина метри од местото на трагедијата. Телото на мојот син одлетало педесетина метри“, очајно раскажува таткото на загинатиот млад човек.
На местото на несреќата набргу пристигнале полицијата и брзата помош.
„За жал, и покрај максималните напори на медицинскиот персонал, мојот син ја загуби битката за живот. Емир почина, а Кадир, како што слушнав, добил сериозни повреди и бил пренесен во болница. Страшно е тоа што се случи, тоа не му го посакувам на ниеден родител. Имам постар син Елмир и ќерка Таида, но не знам како јас и мојата сопруга Нермина ќе продолжиме без нашиот Емир“, вели Зекрија.
А роднините, пријателите и соседите на семејството на загинатиот млад човек сѐ уште се во шок поради сѐ што се случи.
„Цела Сјеница жали за Емир, кој во градот беше познат како доблестен млад човек, ценет и почитуван, како и неговото семејство“, вели роднина на повредениот млад човек.
Во тешка сообраќајна несреќа, синоќа, на улицата Новопазарска во Сјеница, Србија, загина Емир Р., а К. Б. бил тешко повреден.
Имено, Емир Р. излегол од автомобилот за да го сними својот пријател К. Б., кој сакал со голема брзина да помине покрај Емир за да направи видео за социјалните мрежи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Изгласана новата влада на Хрватска: Пленковиќ по трет пат стана премиер
Пратениците во хрватскиот Сабор вечерва гласаа за доверба на новата влада на премиерот Андреј Пленковиќ. За доверба на Владата гласаа 79 пратеници, против беа 61 пратеник, а еден беше воздржан.
Претседателот и членовите на Владата потоа дадоа заклетва пред пратениците, со што Андреј Пленковиќ го започна третиот последователен мандат како премиер.
Во Собранието денеска беше претставена четиригодишната програма на новата Влада, која се заснова на „успешна, витална, праведна, одржлива и суверена Хрватска“.
Во новиот мандат, владата на Пленковиќ најавува просечна нето плата од 1.600 евра, минимална бруто плата од 1.250 евра, како и отворање на 125.000 нови работни места.
До крајот на мандатот на новата влада, пензиите треба да се зголемат за најмалку 30 отсто, со што просечната пензија би изнесувала најмалку 750 евра.
Новата влада наместо досегашните 16 ќе има 18 министерства и седум потпретседатели.
Регион
Дачиќ и Весиќ: Човечки фактор е причина за судирот на возовите
Министерот за внатрешни работи Ивица Дачиќ изјави дека причина за судирот на возовите во тунелот, во кој нема жртви, е човечки фактор, а министерот за транспорт Горан Весиќ изјави дека се повредени 13 патници, од кои четворица се однесена во ургентен центар.
– Возот помина низ безбедносното светло и удри во товарен воз кој чекаше дозвола да оди до станицата Овча – изјави Весиќ.
Дачиќ за новинарите изјави дека често има жртви во несреќи како оваа и дека е вистинска среќа што во денешниот судир нема жртви и што сите патници излегле од возот.
„Најважно е да нема жртви“, изјави Дачиќ за новинарите.
Началникот на Секторот за вонредни состојби на МВР, Лука Чаушиќ, кој излезе на местото на настанот заедно со министрите Дачиќ, Весиќ и директорката на претпријатието „Инфраструктура железнице Србија“ Јелена Танасковиќ, изјави дека во 18 часот и 42 минути добиена е дојава за судирот, по што на терен излегле вкупно 25 пожарникари.
– Пристигнувајќи на местото на настанот во 18 часот и 48 минути, констатирано е дека возот за итни случаи се судрил со патнички воз во тунелот на длабочина од 400 метри од влезот – изјави Чаушиќ.
Тој додаде дека четири лица биле извлечени низ тунелот за евакуација. Дачиќ рече дека најважна улога имаат пожарникарите, бидејќи лекарите од итната помош не можеле да дојдат до патниците.
Министерот за транспорт Горан Весиќ изјави дека деталите за несреќата ќе се знаат кога Комисијата „Железничка инфраструктура на Србија“ ќе објави официјален извештај, кој се очекува во текот на утрешниот ден.
Регион
Дачиќ: Припадниците на полицијата евакуираа девет лица од возовите
Веднаш по добиената дојава дека во тунел дошло до судир меѓу патнички и товарен воз, на местото на настанот пристигнале бројни полициски сили и 25 пожарникари-спасувачи со седум возила, со оглед дека екипите на итната медицинска помош нене можеле да се приближат до местото на судирот, изјави вечерва министерот за внатрешни работи Ивица Дачиќ.
Пожарникарите-спасувачи успеале, како што додаде, да стигнат до местото и евакуирале девет повредени лица и ги предале на екипите на итната помош за понатамошно лекување.
„Припадниците на српската полиција се уште се на терен и ги преземаат сите мерки и дејствија од нивна надлежност“, изјави Дачиќ.