Регион
Неуспешен обид за разговор меѓу Србија и Косово во Брисел, за клучните точки се уште нема договор
Техничкиот дијалог меѓу Србија и Косово продолжи во Брисел на ниво на главните преговарачи со специјалниот пратеник на ЕУ Мирослав Лајчак, но по одвоените разговори, трилатералната средба изостана.
Со претходните посети на Приштина, а потоа и на Белград, Лајчак се обиде да ги подготви двете страни за денешниот состанок со цел да се надмине ќор-сокакот во дијалогот, особено загрозен од неодамнешниот конфликт меѓу српската група на северот на Косово, во кој беа убиени еден косовски полицаец и тројца српски напаѓачи.
Кои се точките за кои се расправаат двете страни
Точката на спор за Белград е одбивањето на Приштина да формира Заедница на српски општини, што го прифати како обврска со договорот под покровителство на ЕУ во април 2013 година.
Приштина, пак, инсистира Србија да го потпише европскиот план за Косово од февруари и анексот договорен во март во Охрид, а Косово да биде признаено и де факто и де јуре. Официјален Белград категорично го одбива признавањето, со аргумент дека „самопрогласената независност“ на Косово е спротивна на принципите на меѓународното право.
Косово е признаено од стотина членки на ОН и 22 од 27 членки на ЕУ.
Клучна тема денеска во Брисел беше изготвувањето на статутот на Заедницата на српските општини, а белградскиот преговарач, директорот на владината канцеларија за Косово, Петар Петковиќ, според пишувањата на белградските медиуми, во Брисел инсистирал на обврските кои Приштина ги прифати во договорите потпишани во 2013 и 2015 година.
Петковиќ изјави дека денеска се разговарало за изработка на статутот на ЗСО, како прв конкретен чекор кон формирањето, наведувајќи дека овие дискусии ќе продолжат.
„Статутот е многу важен бидејќи го претставува столбот на ЗСО и сè мора да биде во согласност со договорите од 2013 и 2015 година“, рече Петковиќ на новинарите.
Претставникот на Приштина, Бесник Бислими изјави дека со Лајчак не разговарал за нацрт-статутот на ЗСО, иако потврдил дека е на дневен ред, пренесе агенцијата Танјуг.
По разговорот со Лајчак, Бислими на новинарите им посочи дека Приштина нема да почне да работи на формирање на ЗСО без потпишување три договори – предлогот на ЕУ од февруари и Охридскиот анекс договорен во март.
„Имплементацијата не може да започне без потпис, бидејќи ни треба гаранција дека имаме валиден договор, кој носи обврски и за другата страна“, рече Бислими.
Лајчак до четврток доцна попладне не ги коментираше разговорите со Петковиќ и Бислими.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
На Порфириj забранет влез во Косово, Патријархот: Таа врата ќе ја отвори самиот Бог
Власта во Приштина им забрани на поглаварот на Српската православна црква (СПЦ), патријархот Порфирије и на седумте владици кои го придружуваат да влезат во Косово, каде за утре е закажан состанок на советот на СПЦ во Пеќската патријаршија.
Патријархот требаше да пристигне во Косово во текот на попладневните часови, но пред да пристигне на преминот Мердаре од Приштина, стигна забрана во која се наведува дека поглаварот на СПЦ не може да влезе во Косово, соопшти Канцеларијата за Косово на Владата на Србија.
Пеќската патријаршија од средината на 14 век е историски трон на поглаварот на Српската православна црква и традиционално духовно седиште, а се наоѓа на списокот на културни добра под заштита на УНЕСКО.
Директорот на Канцеларијата Петар Петковиќ рече дека, во согласност со сите протоколи, испратиле соопштение до Приштина за плановите на поглаварот на СПЦ, но „наспроти сите договори, косовскиот премиер Албин Курти му ја ускратил можноста на патријархот да присуствува на првиот ден од Соборот на СПЦ и да биде поткрепа и потпора за својот народ и верниците“.
Порфириј во писмена изјава за медиумите најави дека „како српски патријарх, како граѓанин и како верник“ знае и порача „дека самиот Бог порано или подоцна ќе ја отвори таа врата“.
„Оние кои ги затворија вратите на молитвениот дом прават зло прво на себе, а потоа на сите луѓе“, рече Порфириј.
Регион
Милановиќ му одговори на Додик: Хрватите од Втората светска војна излегоа на вистинската страна
Хрватскиот претседател Зоран Милановиќ се огласи во врска со тврдењата на Милорад Додик дека хрватскиот народ е колективно виновен за усташките злосторства. „Има многу малку припадници на хрватската нација кои не се солидаризираа со злосторствата на усташкиот режим“, изјави вчера Додик од Доња Градина, каде што се одржа комеморацијата за жртвите во концентрациониот логор Јасеновац.
Додик ја повтори спорната бројка од 700.000 убиени во Јасеновац, посочувајќи дека во Хрватска „сто години ги остреле секири“ за да почнат да убиваат Срби во 1941 година. Тој најави дека во Доња Градина, Србија и Република Српска ќе градат сопствен споменик на жртвите од Јасеновац со цел „да не се ограничи“ начинот на кој во иднина ќе го одбележуваат.
„Претседателот на Република Хрватска, Зоран Милановиќ, изјавите на лидерот на српскиот народ во БиХ, Милорад Додик, во Доња Градина, на комеморацијата на жртвите од усташкиот логор Јасеновац ги смета за неприфатливи и пред се невистинити.
Милорад Додик, покрај повторената невистина за бројот на жртвите во Јасеновац, рече дека „има многу малку припадници на хрватската нација кои не се солидаризирале со злосторствата на усташкиот режим“, што апсолутно не е точно и е навреда за сите хрватски антифашисти и хрватскиот народ.
Ваквите матрици само им штетат на интересите на Хрватите и Србите и во Хрватска и во БиХ. Хрватскиот народ излезе од Втората светска војна на вистинската страна на историјата, на победничката страна. Секое различно толкување на историјата, вклучувајќи го и гореспоменатото на Додик, претставува грубо фалсификување на вистината“, се наведува во одговорот на Милановиќ.
Регион
Драма во Белград: 23-годишен маж силувал старица и ѝ се заканил дека ќе ја убие
Белградската полиција уапсила 23-годишен маж со иницијали С. З. поради сомнение дека силувал старица во нејзината куќа.
По наредба на Обвинителството му била одредена мерка притвор до 30 дена.
Старицата случајот го пријавила во полиција на 7 мај годинава.
Полицијата набргу го идентификувала и го привела.
Според „Телеграф“, С. З. влегол во куќата на постара жена во една белградска населба. Потоа ѝ побарал пари, а бидејќи немала, ја принудил на секс.
„Жртвата рече дека младиот човек ѝ се заканил дека ќе ја убие доколку го пријави во полиција“, пренесува медиумот.
Несреќната жена добила полесни повреди, а била подложена и на здравствени прегледи, според написите.