Македонија
Националната арена „Тодор Проески“ е подготвена за претстојниот натпревар со репрезентацијата на Англија
![](https://makfax.com.mk/wp-content/uploads/2023/11/nacionalna-arena-1.jpg)
Националната арена „Тодор Проески“ е подготвена за претстојниот натпревар со репрезентацијата на Англија.
На целиот проект му претходеа интензивни работни активности, кои резултираа со исполнување на зацртаната цел – целосна ревитализација на тревната површина.
Гостите од странство ќе ги пречекаме на терен, кој е во согласност со највисоките стандарди на УЕФА и ФИФА и е еднаков на условите што ги обезбедуваат повеќето од европските стадиони. АД за изградба и стопанисување со станбен и деловен простор од значење за Републиката застана зад овој проект целосно, со максимални заложби и целосен капацитет во соработка со ФФМ, кој ја обезбеди донацијата. Самите карактеристики на овој вид хибридна трева гарантираат одличен квалитет, односно рок на траење од 8 до 10 години, како и зголемен степен на нејзината експлоатираност. На него ќе може да се игра на температура од -20 до + 40 степени, а снегот и дождот нема да претставуваат дополнителен проблем бидејќи теренот има и систем за греење. Целосната ревитализација на тревната површина, покрај низа придружни елементи, опфаќа и надградба на системот на наводнување, како и поставување нови голови. Процесот на целосно менување на тревата, кој последен пат е изведен пред 11 години, ќе ги подобри условите на националниот и клупскиот фудбал и е во насока на успешно развивање на фудбалската игра.
Сите љубители на фудбалот и навивачи на македонската фудбалска репрезентација в понеделник ќе имаат можност да уживаат во следењето на натпреварот со Англија. АДИССДП изразува надеж дека навивавачката атмосфера ќе биде во духот на ферплејот и со силна подршка од трибините заеднички да се стигне до што подобар резултат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Работна средба на претседателот на Уставниот суд, Костадиновски и италијанскиот амбасадор Силвестри
![](https://makfax.com.mk/wp-content/uploads/2024/06/CC-meeting.jpg)
Претседателот на Уставниот суд, Дарко Костадиновски и судијата, Ана Павловска-Данева денеска остварија работна средба со Н.Е. Амбасадорот на Република Италија, Адреа Силвестри.
Централна тема на разговор беше испитување на можностите за остварување на билатерална соработка помеѓу уставните судови на двете држави.
Претседателот Костадиновски го информираше амбасадорот Силвестри за приоритетите во неговиот мандат.
Амбадсадорот Силвестри пројави интерес за прашањата поврзани со обезбедувањето на независноста и самостојноста на Судот, како и за транспарентноста и отвореноста на Уставниот суд.
На средбата беа разменети мислења на теми поврзани со реформирање на правосудниот систем, при што судиите проф. д-р Ана Павловска-Данева и д-р Костадиновски изразија надеж дека реформскиот процес во сферата на правосудството ќе се одвива во согласност со Уставот и во рамките на уставните принципи.
Амбасадорот Силвестри изрази поддршка за најавените приоритети и најави дека лично ќе се заложи за унапредување на билатералните односи во полето на уставното судство и подобрување на севкупната соработка.
Македонија
„Уште седум нови барања за апанажа – 750 000 евра го чинат народот поранешните функционери на ДПМНЕ, СДС и ДУИ“, велат од партијата Левица
![](https://makfax.com.mk/wp-content/uploads/2024/06/414552552_1040053487477715_9193289953397777785_n.jpg)
Пред околу две недели собраниската Комисија за прашања на изборите и именувањата им одобри апанажа, во траење од една година, на 29 пратеника од минатиот парламентарен состав. Тие на товар на граѓаните, од народниот буџет ќе примаат надоместок од околу 600 000 евра, велат од партијата Левица.
„На овие 29 системски паразити, кои бесрамно ги цицаат народните пари за време на рекордна сиромаштија, деновиве им се приклучуваат уште седум пратеници од претходниот состав: Арбен Зибери, Вјолца Адеми и Бедри Фазли од ДУИ, Снежана Калеска – Ванчева и Љатифе Шиковска од СДСМ, Енес Ибрахим од Партија за движење на Турците и Бастри Бајрами од Беса, со што дополнително ќе се исцицаат над 150 000 евра од народниот буџет.
Ова претставува последниот од долгата низа на показатели за еклатантна класна дискриминација во македонското општество, во коешто системот функционира, единствено, за задоволување на потребите на богатите економски и политички елити, додека нормално четиричлено семејство не може да ја задоволи ниту минималната синдикална кошничка од 1000 евра.
Ја потсетуваме јавноста дека, единствено, пратеникот од редовите на политичката партија Левица, Борислав Крмов, кој согласно нашата програма и идеолошка определба, како и нашиот предлог-закон за укинување на апанажата предложен уште во 2022 година, а кој беше одбиен од страна на широката коалиција СДС-ДПМНЕ-ВЛЕН-ДУИ, беше единствениот народен пратеник кој гласаше против“, се додава во соопштението на партијата Левица.
Македонија
Филипче од Атина: Преку Договорот од Преспа спорот го трансформиравме во соработка
![](https://makfax.com.mk/wp-content/uploads/2024/06/WhatsApp-Image-2024-06-17-at-13.10.46_56b5415d.jpg)
Д-р Венко Филипче, директор на Фондацијата „Едно општество за сите“ денеска имаше обраќање на дводневната меѓународна Конференција за мир и одржлив развој што се одржува во Атина, Грција. Конференцијата е заедничка платформа на Фондацијата Заев „Едно општество за сите“ и Институтот Алексис Ципрас од Грција организирана по повод шестгодишнината од потпишувањето на Договорот од Преспа во 2018 година.
Договорот од Преспа претставува историски момент на лидерство благодарение на кој спор беше трансформиран во соработка.
Ова го истакна д-р Венко Филипче, директор на Фондацијата Заев „Едно општество за сите“ во своето обраќање на отворањето на меѓународната Конференција за мир и одржлив развој што се одржува во Атина, Грција.
„Договорот од Преспа е доказ дека дури и најтешките спорови можат да бидат решени кога лидерите како приоритет го имаат заедничкото добро за сите пред сè останато. Тој нè потсетува дека вистинското лидерство не значи само задржување на власта туку и негување на доверба и градење на мостови“, рече Филипче во своето обраќање.
Конференцијата, како платформа за соработка воспоставена од Фондацијата „Едно општество за сите“ и Институтот Алексис Ципрас од Грција ја реафирмира споделената посветеност за негување на свет каде што единството, мирот и одржливиот развој не се само идеали, туку и реалност во којашто живееме, потенцираше Филипче.
„Нашето мото „Едно општество за сите“ има длабоко значење во време во кое силите на поделбата се во пораст. Нашата сила е во различноста, а инклузивноста е камен темелник за просперитетна иднина. Нашиот колективен успех лежи во способноста да се обединиме, да ги негуваме различностите и да работиме неуморно за создавање на општествово каде што се вреднува секој човек“, истакна Филипче.
Работејќи заедно за идеалите како мир, оджлив развој и единство оставаме наследство за идните генерации – наследство со кое можеме сите да се гордееме, завршува Филипче.
Дводневната конференција се одржува по повод шестгодишнината од потпишувањето на Договорот од Преспа.
На неа учествуваат политичари, експерти, премиери, поранешни шефови на држави и премиери, европски комесари, академици од Европа, Балканот како и специјалниот претставник на ОН за прашањето за името Метју Нимиц.