Свет
Работниците во Индија речиси 200 часа се заробени во тунелот
![](https://makfax.com.mk/wp-content/uploads/2023/11/tunel-indija1.jpg)
Индиски официјални лица предупредија дека градежните работници, кои се заробени во урнатиот тунел повеќе од една недела, би можеле да поминат уште неколку дена таму бидејќи разчните спасувачки напори досега не успеаја. Стравовите за здравјето и благосостојбата на работниците продолжуваат да растат бидејќи тие поминаа речиси 200 часа заробени во темен тунел во државата Утараханд.
Патниот тунел долг речиси пет километри, кој беше во изградба во хималајската држава, се урна во раните утрински часови на 12 ноември по лизгање на земјиштето во планинска област. Официјалните лица најпрвин објавија дека во тунелот се задржани 40 работници, но подоцна тој број се зголеми на 41.
Иако властите ја уверија јавноста дека работниците ќе бидат бргу спасени, операцијата сега влезе во осмиот ден бидејќи машините и операциите за спасување се отежнати од тешкиот шут и нестабилниот терен. Баскар Хулбе, дел од специјалистичкиот тим од кабинетот на премиерот, истакна дека пет владини агенции сега се вклучени во спасувачката операција.
Сепак, тој вчера предупреди дека може да поминат уште четири до пет дена пред да се дојде до работниците. Голема специјализирана машина беше донесена од Делхи, но операцијата беше прекината во петокот од безбедносни причини кога се слушнаа силни звуци на пукање.
Националната корпорација за развој на автопати и инфраструктура предупреди дека постои „голема можност за дополнителен колапс“. Владата рече дека сега е во сила нов „план од пет точки“, кој вклучува дупчење тунели од три правци, вклучително и вертикално и хоризонтално од двете страни. Беа изградени и нови патишта за да се донесат повеќе машини до градилиштето.
Индиската влада потврди дека се консултирала со експертите вклучени во познатото спасување на тимот млади фудбалери од пештера на Тајланд во 2018 година. Кислород и пакети со храна им биле доставени на мажите преку мал цевковод, кој се користи и за комуникација.
Во тек е операција за вметнување поголема цевка во шуплината за лебот и овошјето да им се пренесат на работниците. Сепак, лекарите предупредуваат дека колку подолго трае спасувањето, толку е поголема заканата за здравјето и психолошката стабилност на заробените работници. Лекарите на самото место предупредија минатата недела дека некои работници се пожалиле на гадење и главоболки.
За време на посетата на локацијата, министерот за патен транспорт и автопати, Нитин Гадкари, рече дека спасувачките тимови „се соочуваат со предизвици поради сложената и кревка геологија на Хималаите”. Гадкари се обиде да ја увери јавноста дека заробените работници се „безбедни и во добро расположение”. .
„Одржувањето на моралот на заробените работници и на членовите на нивните семејства треба да биде колективна одговорност на сите во овој момент“, додаде тој. Тунелот се градеше во областа Утаркаши како дел од шемата за патишта ‘Чар Дам’, водечки проект на премиерот Нарендра Моди вреден 1,5 милијарда долари, чија цел е подобрување на поврзувањето низ Утаракханд, популарно хинду верско место.
Проектот се покажа контроверзен бидејќи еколозите и локалните жители тврдат дека тешкото дупчење и градбата предизвикале слегнување на земјиштето, лизгање на земјиштето и голема еколошка штета во ранливиот регион на Хималаите, пишува „Гардијан“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
За прв пат по повеќе од една година, разговараа шефот на Пентагон и рускиот министер за одбрана
![](https://makfax.com.mk/wp-content/uploads/2024/06/b7e7c25c-e291-45d3-a9c1-802e2f3d899c.jpg)
Министрите за одбрана на Соединетите Американски Држави и Русија разговараа телефонски во вторникот за прв пат по повеќе од една година, а двете страни дадоа многу различни прикази за разговорот потоа.
Пентагон соопшти дека американскиот секретар за одбрана Лојд Остин и неговиот руски колега Андреј Белоусов разговарале за важноста на отворените линии на комуникација.
Остин го иницираше повикот и тоа беше прв таков повик од март 2023 година, изјави за новинарите портпаролот на Пентагон, генерал-мајор Патрик Рајдер.
Руското Министерство за одбрана соопшти дека Белоусов го предупредил Остин за опасностите од континуираната испорака на американско оружје за Украина во нејзиниот 28-месечен конфликт со Русија.
„И. Р. Белоусов укажа на опасноста од натамошна ескалација на ситуацијата преку континуирана испорака на американско оружје за украинските вооружени сили“, се вели во соопштението на Министерството за Телеграм.
Москва минатиот викенд рече дека Соединетите Американски Држави се одговорни за нападот на Украина на полуостровот Крим, анектиран од Русија, со пет проектили испорачани од САД во кои загинаа четири лица.
Свет
(Видео) На протестите во Кенија полусестрата на Обама меѓу демонстрантите погодени со солзавец
![](https://makfax.com.mk/wp-content/uploads/2024/06/vvv.jpg)
Кениската активистка Аума Обама, полусестра на поранешниот американски претседател Барак Обама, била меѓу демонстрантите кои беа погодени со солзавец пред зградата на парламентот во Најроби.
Според странските медиуми, покрај солзавец, полицијата пукала и врз демонстрантите кои се обиделе да упаднат во зградата на парламентот, а се јавува и дека загинале најмалку десет демонстранти. Десетици луѓе беа повредени, а делови од зградата на парламентот беа опожарени додека пратениците го гласаа законот за зголемување на даноците.
.@LarryMadowo is live on scene as protests over a controversial financial bill escalate in the Kenyan capital of Nairobi.
He’s been speaking to protesters on the ground, including Auma Obama – Barack Obama’s sister: pic.twitter.com/12TOW2iR7e
— CNN International PR (@cnnipr) June 25, 2024
Законот сè уште треба да го одобри претседателот Вилијам Руто.
Свет
Убиени 10 членови на семејството на лидерот на Хамас: Израелските сили извршија воздушен напад врз неговата семејна куќа
![](https://makfax.com.mk/wp-content/uploads/2024/06/dfdszgg.jpg)
Израелските сили извршија воздушен напад врз семејната куќа на лидерот на Хамас.
Членовите на семејството на Исмаил Ханије, лидерот на Хамас, беа убиени за време на израелски воздушен напад врз нивниот дом во западниот град Газа, пишува The Times of Israel. Според извештаите, најмалку 10 членови на неговото семејство биле убиени, меѓу кои и неговата сестра.
Лидерот на Хамас ги загуби своите три сина во израелски напад врз нивниот семеен автомобил во кампот Шати на 10 април.
Потврдувајќи го нападот врз семејството Ханије и бројот на загинати, Хамас објави дека ја смета администрацијата на американскиот претседател Џо Бајден одговорна за продолжување на војната за „истребување“ против палестинскиот народ во Појасот Газа, пренесува Ал Џезира.
За време на израелскиот воздушен напад, беа погодени и две училишта кои се користеа како засолништа во населбата Ал-Дарај, во источниот дел на градот Газа, како и бегалски камп, при што загинаа неколку луѓе. Власите се уште не ја потврдуваат точната бројка на загинати и повредени.