Свет
Урсула фон дер Лајен цел на Орбан: билборди во Унгарија
![](https://makfax.com.mk/wp-content/uploads/2023/11/hj-1.jpg)
Унгарската владејачка партија Фидес постави големи плакати во кои ја критикува претседателката на Европската комисија, Урсула фон дер Лајен. Слична кампања еднаш беше спроведена против нејзиниот претходник Жан-Клод Јункер, што го налути Брисел во тоа време.
Во текот на ноќта беа поставени предизборни плакати за европските парламентарни избори следниот јуни, на кои се гледа Фон дер Лајен со Алекс Сорос, син на милијардерот и инвеститор Џорџ Сорос, роден во Унгарија, кој е вечна цел на партијата Фидес на Орбан.
Слоганот на новите билборди гласи: „Да не играме како што играат тие“.
Сорос е Евреин, па за некои од критичарите на Орбан плакатите се доказ дека Фидес го поттикнува антисемитизмот. Фидес остро го негира ова.
Слични големи постери, на кои е прикажан Јункер заедно со постариот Сорос, предизвикаа укор од Брисел во 2019 година. Фидес ги отстрани кога најсилната централнодесничарска група во Европскиот парламент (ЕПП) се закани дека ќе ја исфрли унгарската партија. Фидес ја напушти ЕПП две години подоцна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Путин: Москва мора да започне со производство на ракети со среден и краток дострел
![](https://makfax.com.mk/wp-content/uploads/2024/05/putin4.jpg)
Москва мора да започне со производство на ракети со среден и краток дострел за да може да одговори на акциите на Вашингтон, изјави денеска рускиот претседател Владимир Путин на оперативниот состанок со членовите на Советот за безбедност на Русија.
„Во 2019 година објавивме дека нема да ги произведуваме овие ракети и дека нема да ги распоредиме додека САД не ги распоредат овие системи во некој регион во светот“, потсети Путин, пренесува РИА Новости.
Денес, како што оцени, се знае дека САД не само што ги произведуваат овие системи, туку и ги пренесуваат во Европа – на воени вежби во Данска.
Свет
„Тешко е да се расправаш со лажго“: се огласи тимот на Бајден
![](https://makfax.com.mk/wp-content/uploads/2019/07/bajden-tramp.jpg)
Американскиот претседател Џо Бајден не се откажува од трката за реизбор, изјави денеска неговиот претставник од кампањата по дебатата против републиканскиот кандидат Доналд Трамп, од која некои демократи не беа задоволни.
„Се разбира дека нема да се откаже“, рече портпаролот на кампањата на Бајден, Сет Шустер, пренесува „Хил“.
По дебатата и Бајден потврди дека нема да се откаже од трката за нов четиригодишен мандат.
„Тешко е да се расправате со лажго. „Њујорк тајмс“ истакна дека тој лажел 26 пати“, рече тој, мислејќи на поранешниот претседател Трамп.
По настапот во дебатата во четвртокот вечерта со Трамп, Бајден беше широко критикуван од демократите, а некои признаа дека тоа ќе ги поттикне дискусиите за тоа дали претседателот треба да биде сменет пред националната конвенција во август, каде демократите формално ќе го номинираат својот кандидат.
Регион
Земјотрес го погоди Крит
![](https://makfax.com.mk/wp-content/uploads/2023/08/zemjotres2.jpg)
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.