Спорт
Менаџерот на Вулверхемптон: Судијата призна дека не оштети
![](https://makfax.com.mk/wp-content/uploads/2023/11/A7EJFPWV4NKA3CF66OVCGRN6ZU.jpg)
Менаџерот на Вулверхемптон, Гери О’Нил изјави дека контроверзниот пораз во Премиер лигата од Фулам „конечно го натерал да го смени мислењето за ВАР технологијата“.
Вулверхемптон синоќа загуби од Фулам со 3:2, а по натпреварот О’Нил заедно со судиите ги гледал спорните ситуации. Судијата Мајкл Солсбери му признал дека направил две грешки.
„Отсекогаш сум бил за ВАР, но мислам дека во моментов прави голем проблем. Можеби се свртев против ВАР вечерва. Мислев дека технологијата ќе помогне, но се чини дека не е така“, рече О’Нил.
Менаџерот на Вулверхемптон рече дека судијата признал дека ВАР требало да го советува да ја промени одлуката при првиот пенал кога Нелсон Семедо прв дојде до топката пред да го сопне Том Карни од Фулам.
„Нелсон тргна по топката и не го допре Карни. Го гледав повторно со судијата и тој призна дека згрешиле и требало да добие инструкција да ја прегледа снимката на екранот. Тоа не ми помага, не им помага на навивачите кои го поминаа патот до Лондон за да го поддржат тимот. Тоа не им помага на играчите кои повторно се фрустрирани“.
Тој изјави и дека не требало да се досуди пенал на дуелот меѓу неговиот играч Жоао Гомеш и Хари Вилсон.
„Тој мисли дека имаше елементи за пенал. Јас мислам контактот беше мек“.
Менаџерот на Вулверхемптон рече дека Карлос Винисиус од Фулам требало да биде исклучен бидејќи го удрил по главата Макс Килман, а Тим Рим требало да добие втор жолт картон поради прекршокот кај пеналот.
„Имавме интересен разговор за картонот за Рим. Мислеше дека е доволно да досуди пенал. Кај Винисиус, тој рече дека е лесен удар по глава, а јас реков дека тоа е лудо. После тоа рекоа дека според правилата требало да биде црвен картон“, изјави О’Нил.
Против Вулверхемптон оваа сезона веќе се досудени четири спорни пенали.
– Во неколку наврати сме биле во ваква ситуација. Не го заслуживме тоа. Лоша среќа не следи. Имавме сериозен разговор, се обидов да останам смирен. Не сум лут на никого. Не злоупотребувам никого. Тоа беше само разговор, ни беа одземени шест-седум поени. Не може со сета технологија, во најдобрата лига на светот, да се случува ова. Не можам да прифатам дека толку често одлуките одат против нас“.
По 13. коло во Премиер лигата, Вулверхемптон е 12. со 15 бодови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(ВИДЕО) Среќата е на негова страна
![](https://makfax.com.mk/wp-content/uploads/2024/06/1639321549-Max-Verstappen-scaled-e1639321570945.jpg)
Актуелниот трикратен светски шампион во Формула 1, Холанѓанецот Макс Ферстапен изјави дека и следната сезона ќе вози за Ред Бул.
„ Да, работиме на болидот за следната сезона. А кога сте фокусирани на тоа, значи дека возите за тој тим“, изјави Ферстапен.
Холандскиот возач има договор со Ред Бул до 2028 година.
Некои медиуми објавија дека Ферстапен следната година би можел да го замени Луис Хамилтон во тимот на Мерцедес, кој на крајот од сезоната се сели во Ферари.
„Се разбира, луѓето кажуваат секакви работи, но најважно е што имаме многу конкурентен болид за иднината. Работиме и се фокусираме на следната сезона за да се обидеме повторно да бидеме конкурентни“, изјави возачот на Ред Бул.
Ферстапен моментално е на првото место во генералниот пласман на возачи со 219 бодови. Следната трка во Ф1 шампионатот ќе се вози на 30 јуни за Големата награда на Австрија.
Спорт
Милиони за канадскиот кошаркар Мареј
Канадскиот кошаркар Џамал Мареј доби нов договор од Денвер Нагетс.
Соиграчот на Никола Јокиќ ќе добие 209 милиони долари од поранешниот шампион во НБА во следните четири години.
Тоа е максимален договор за поранешниот студент од Кентаки кој минатата сезоната имаше просек од околу 21 поен, 6 асистенции и 4 скока.
Мареј беше избран од Нагетс на драфтот во 2016 година од седмата позиција и во 2023 година беше дел од тимот кој стана шампион во НБА.
Спорт
Монако со ново засилување
Монако претстави ново засилување, а тоа е Вито Браун, поранешниот кошаркар на Пинар Каршијака.
Браун, кој ги покрива крилните позиции на центарот, потпиша двегодишен договор со тимот на Саша Обрадовиќ, а следната сезона во Евролигата ќе биде негово деби.
Досега имаше искуство само во европските натпреварувања во Лигата на шампионите на ФИБА.
Кариерата ја изгради преку развојната лига во Америка, а потоа замина во Европа, каде играше за Ле Ман, а потоа и за Реал Бетис.
Во Пинар Каршјак пристигна во 2022 година, каде запиша две солидни сезони. Во Лигата на шампионите на ФИБА, тој имаше просек од 13,3 поени со 4,6 скока.
Монако досега го доведе само Ник Калатес, но исто така направи добра работа во тимот бидејќи Мајк Џејмс и Џејрон Блосомгејм потпишаа нови договори.