Црна хроника
Приведен крадец во Кавадарци, украл паричник во слаткарница
Вчера, во 14 часот, во Кавадарци, полициски службеници од ОВР Кавадарци лишиле од слобода малолетник од Кавадарци.
Тој се сомничи дека околу 12.15 часот во слаткарница во Кавадарци одзел паричник од Б. Т. (56) од Кавадарци.
Одземеното било пронајдено и вратено на сопственичката, а со малолетникот, во полициска станица, во присуство на родител и адвокат за малолетници, бил извршен службен разговор. По целосно документирање на случајот, ќе биде поднесена соодветна пријава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Насилство во Карпош: приведени две лица поради тепачка, а се заканувале и со остар предмет
Вчера попладне во скопски Карпош, полицијата ги приведе М.П.(52) и С.О.(43), двајцата од Скопје.
„Тие претходно го нарушиле јавниот ред и мир со физичка пресметка, во која М.П. се заканувал и со остар предмет“, објави МВР во дневниот билтен.
По целосно документирање на случајот ќе следува соодветен поднесок.
Црна хроника
Брат ја нападнал сестра си во Скопје
Шеесет и деветгодишна жена пријавила дека синоќа на подрачјето на Шуто Оризари, по претходна расправија, била физички нападната од нејзиниот брат Ѓ.З.(67) од Скопје, кој употребил и тврд предмет.
По целосно документирање на случајот ќе следува соодветен поднесок, велат од МВР.
Црна хроника
Скопјанец нападнат во кафуле на Бит Пазар, искршен и инвентарот
Синоќа дошло до инцидент во угостителски објект на подрачјето на Бит Пазар.
Според информациите од МВР, 56-годишен скопјанец бил нападнат од две лица – Ј.О. и М.Н., кои потоа заедно со уште две други, пред објектот оштетиле и инвентар.
Се преземаат мерки за расчистување на случајот.