Свет
Израел го протера шпанскиот амбасадор
Израелскиот министер за надворешни работи Ели Коен потврди дека го отповикал шпанскиот амбасадор поради, како што рече, „безобразните“ изјави на шпанскиот премиер Педро Санчез.
Коен, објавувајќи на социјалните мрежи, рече дека Санчез „уште еднаш ги повторил неоснованите обвинувања“ против Израел во врска со војната.
„Израел дејствува и ќе продолжи да дејствува во согласност со меѓународното право и ќе ја продолжи војната додека не се вратат сите заложници и Хамас не биде елиминиран од Газа“, напиша Коен.
„Еден ентитет е одговорен за масакрот на 7 октомври и за актуелната ситуација во Појасот Газа, а тоа е терористичката организација Хамас“, рече тој.
Во интервју за шпанската телевизија претходно денеска, Санчез изрази „искрени сомневања дека Израел го почитува меѓународното право во Газа“. За време на патувањето минатата недела со неговиот белгиски колега во Израел, палестинските територии и Египет, Санчез ги критикуваше операциите на Израел и рече дека палестинската држава треба да биде признаена.
Израел подоцна ги покани белгискиот и шпанскиот амбасадор на разговори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Меѓународниот суд на правдата побара апсење на Нетанјаху за наводни воени злосторства
Меѓународниот суд на правдата побара налог за апсење на израелскиот премиер Бенјамин Нетанјаху за наводни воени злосторства, објави Ројтерс.
„Постојат разумни основи да се верува дека израелскиот премиер Нетанјаху сноси кривична одговорност за воени злосторства и злосторства против човештвото“, рече обвинителот на Меѓународниот суд на правдата.
Регион
Таткото на осомничениот за убиството на Данка Илиќ излегува на слобода
Радослав Драгијевиќ (70), татко на Дејан Драгијевиќ (50), кој заедно со неговиот колега Срѓан Јанковиќ (50) е осомничен за убиството на двегодишната Данка Илиќ од Бор, двомесечниот притвор во кој беше задржан за кривичното дело помагање на сторителот завршува на 29 мај по стореното кривично дело, а на крајот на мај ќе биде пуштен на слобода, објави српски „Блиц“.
Како што изјавиле за „Блиц“ од Вишото јавно обвинителство Заечар, за ова кривично дело нема законска можност за продолжување на притворот, а се очекува Радослав Драгијевиќ да биде ослободен на 29 мај.
Од обвинителството известиле дека ќе предложат и продолжување на притворот за главните осомничени Дејан Драгијевиќ и Срѓан Јанковиќ.
Данка Илиќ беше убиена на 26 март годинава. За тоа дело се осомничени Дејан Драгијевиќ од Злот и Срѓан Јанковиќ од Лука, двајцата работници на ЈКП „Водовод“ Бор, кои се во притвор.
Во полиција беше приведен и братот на Дејан, Далибор Драгијевиќ, кој почина во полициската станица во Бор.
Свет
Јужна Кореја го забрани пристапот до видео во кое се велича Ким Џонг Ун како голем лидер
Јужнокорејскиот медиумски регулатор денеска соопшти дека го забранува пристапот до севернокорејското пропагандно музичко видео за кое се вели дека „го идолизира и велича“ севернокорејскиот лидер Ким Џонг Ун како „пријателски татко“ и „голем водач“.
Регулаторот рече дека одлуката за забрана на видеото дошла откако властите на разузнавачката агенција побарале да се провери дали видеото го прекршило јужнокорејскиот закон.
Видеото стана хит на социјалните мрежи ширум светот, бидејќи беше поставено како краток клип на ТикТок и други платформи, објави Ројтерс.