Свет
Песков: Знаеме дека западните санкции ќе траат многу години, но влијанието на САД слабее
![](https://makfax.com.mk/wp-content/uploads/2020/05/Peskov.jpg)
Русија работи на претпоставката дека санкциите на САД и нивните сојузници против неа ќе траат многу години, но дека влијанието на САД врз светската економија слабее, изјави денеска портпаролот на Кремљ, Дмитриј Песков.
Песков го коментира интервјуто во кое американскиот помошник-државен секретар за енергетски ресурси, Џефри Пјат, изјави за „Фајненшл тајмс“ дека Вашингтон има цел да ги преполови приходите на Русија од нафта и гас до крајот на деценијата, објави „Ројтерс“.
„Не се сомневаме дека овие санкции ќе траат многу години. И без изјавите на почитуваниот американски претставник тоа веќе го знаевме. Тоа го претпоставуваме кога ја формулираме нашата линија“, им рече Песков на новинарите.
Тој истакна дека Русија исто така не се сомнева дека САД ќе продолжат да се обидуваат да вршат притисок врз неа и врз целиот систем на трговски и економски односи, фундаментално уништувајќи го форматот на овие односи.
Светската економија не е ограничена само на американската економија, нагласи Песков, и додаде дека Кина се израмнува со САД, пренесува „Танјуг“.
Според него, светот е многу поразновиден од САД, американско-центричниот свет завршува и почнува период на различност, кој вклучува меѓународни економски врски.
За да го компензира падот на трговската размена со Западот, Русија се свртува кон Кина, Индија и другите пазари на Блискиот Исток, Азија, Африка и Латинска Америка, наведува британската агенција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.