Спорт
Американци купија акции на ПСЖ за 500.000.000 евра

„Катар спортс инвестмент“ одлучи да продаде мал процент од Пари Сен Жермен на американската компанија „Арктос Партнерс“.
Американските партнери купија 12,5 отсто од акциите на клубот по цена од 531.000.000 евра.
ПСЖ наведува дека катарскиот сопственик и понатаму ќе има целосна контрола над клубот, а „Арктос“ практично нема да бара ништо.
„Арктос“ ќе инвестира во различни операции, како оние поврзани со стадионот, како и во развојот на женскиот тим.
Оваа американска компанија има малцински акции во над 30 спортски клубови ширум светот, како што се Голден стејт Вориорс или Астон Мартин.
Тие се вклучени и во сопственичката структура на Ливерпул, а од 2022 година инвестираат и во италијанска Аталанта.
„Партнерството е формирано врз основа на плановите на ПСЖ за понатамошен глобален раст, што со себе носи понатамошен фудбалски и комерцијален успех“, изјави првиот човек на ПСЖ, Насер Ал Келаифи.
Катарските сопственици го купија ПСЖ во 2011 година за 70 милиони евра и оттогаш „светците“ освоија 30 трофеи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Кунде го продолжи договорот со Барселона

Францускиот дефанзивец Жил Кунде (26) го продолжи договорот со Барселона до 30 јуни 2030 година, објави каталонскиот клуб.
Финансиските детали не се откриени, а во соопштението за медиумите се наведува дека покрај Кунде, на церемонијата за продолжување на договорот присуствувале и претседателот на Барселона, Жоан Лапорта, првиот потпретседател Рафа Јусте, спортскиот директор Деко, координаторот Бојан Кркиќ…
Кунде беше еден од најважните играчи во тимот на Ханси Флик минатата сезона, бидејќи имаше 53 настапи во сите натпреварувања, постигна и четири гола со осум асистенции.
Французинот е член на Барселона од 2022 година, а пред тоа играше за Севилја и Бордо. Одигра 142 натпревари за каталонскиот клуб и постигна седум гола.
Одигра 42 натпревари за француската репрезентација.
Foto/ EPA
Спорт
Димитревски пред преселба во Леванте

Голманот на фудбалската репрезентација на Македонија ќе остане во Валенсија но ќе го смени клубот. Столе ќе го облече дресот на Леванте, клуб сезонава се врати во Примера.
Столе Димитриевски минатото лето пристигна во Валенсија како слободен играч, требаше да биде прв голман, бидејќи Георги Мамардашвили оствари трансфер во Ливерпул. Сепак клубовите договорија грузискиот голман да остане на позајмица една сезона, поради што Димитриевски бранеше само на неколку натпревари.
Сега кога Мамардашвили замина, Валенсија на позајмица го донесе Хулен Агирезабала од Атлетик Билбао.
По овој потег што го повелекова „лилјаците“ беше јасно дека Димитриевски ќе замине од „Местаља“.
Договорот меѓу голманот и Леванте треба да биде официјализиран во наредните денови.
Foto/ „X“
Спорт
Интер мора да донесе уште двајца играчи

Вице-првакот на Италија е Европа, Интер има намера да засили две позиции до крајот на преодниот рок. На „Џузепе Меаца“ преба да пристигнат играч од средниот ред и стопер, а клубот за оваа намена има буџет од 80 милиони евра, објавија италијанските медиуми.
Кога станува збор за средниот ред, „нераѕурите“ имаа намера да го доведат францускиот фудбалер Ману Коне (24), но Рома не сакаше да отстапи од износот на отштета. Рома инсистираше на сума од 50 милиони евра, па Интер на крајот се откажа од Коне.
Сега, според италијанските медиуми, тие го насочија вниманието кон играчот од средниот ред на Рен, Џауи Сисе (21), чиј договор со францускиот клуб е важечки до јуни 2029 година.
Што се однесува до позицијата стопер, во потесниот список останаа уште двајца играчи, Умар Солет (25) од Удинезе и Лоик Баде (25) од Севилја. Интер донесе четири играчи ова лето, а полскиот играч од средниот ред Никола Залевски беше продаден на Аталанта.
Најмногу го чинеа играчот од средниот ред на Марсеј, Луис Енрике, и централниот напаѓач на Парма, Анж-Јоан Бони. За овие трансфери клубот издвои по 23 милиони евра, а потоа следува хрватскиот репрезентативец и до неодамна играч на Динамо, Петар Сучиќ. На Динамо му е исплатена отштета од 14 милиони евра.
Фото/ Принтскрин