Спорт
(Видео) Лејкерси и Индијана во финалето на НБА Купот
Кошаркарите на Лос Анџелес Лејкерс и Индијана Пејсерс ќе играат за трофејот во НБА Купот во првата сезона од ова натпреварување откако ги совладаа Њу Орлеанс, односно Милвоки.
Лејкерси ги совладаа Пеликанс со 133:89 во Лас Вегас, додека Пејерс славеа над Бакс во многу поинтересен меч 128:119.
Натпреварот помеѓу Лејкерс и Њу Орлеанс целосно го одбележа еден од најдобрите играчи на сите времиња, Леброн Џејмс.
„Кралот“ имаше импресивен учинок за само 22 и пол минути (30 поени, 8 асистенции, пет скока).
Неверојатниот Џејмс, кој на 30 декември ќе наполни 39 години, стана првиот играч во историјата на НБА кој постигнал 30+ поени со 5+ скокови и 5+ асистенции за помалку од 23 минути.
Исто така, никој пред него во историјата на франшизата во Лос Анџелес не постигнал 30 поени на еден натпревар толку брзо.
Ова беше една од најубедливите победи на Лејкерси оваа сезона, во која покрај Џејмс најмногу придонесоа Ривс со 17 поени, Дејвис со 16, Принс со 15 и Хачимура со 12 поени.
На другата страна подобри од останатите беа Марфи со 14 поени и Зион Вилијамсон со 13.
Во второто полуфинале кошаркарски спектакл приредија Индијана и Милвоки.
На крилата на незапирливиот Тајрис Халибартон, Индијана го доби мечот за пласман во финалето. Халибартон уште еднаш беше феноменален, со 27 поени, 15 асистенции и 7 скока, заедно со Тарнер (26п), беше клучен играч во победата над фаворизираниот Милвоки.
На другата страна на Милвоки не му помогнаа ниту одличните изданија на Адетокумбо (37п), Лилард (24п), Мидлтон (20п) и Лопез (18п).
Сите останаа во сенка на Халибартон, кој на крајот од мечот со серија од пет поени.
Натпреварот за трофејот и наградата од 500.000 долари (по играч) е закажан за 10 декември во Лас Вегас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Болоња на чекор до пласман во ЛШ
Фудбалерите на Болоња забележаа многу важна победа на стадионот „Диего Армандо Марадона“ во Неапол.
Болоња го победи Наполи со 2:0.
Избраниците на Тиаго Мота, победникот го решија во раната фаза од натпреварот. Најпрво Ендој погоди во деветтата минута, а три минути подцна предноста ја зголеми Пош.
Наполи можеше да ја намали предноста на гостите во 21. минута, но Матео Политано промаши пенал.
Болоња со 18. победа во сезоната дојде на чекор до пласман во Лигата на шампионите, прв во клупската историја.
Во следното коло Болоња ќе го пречека Јувентус.
Спорт
Буденхолцер e новиот тренер на Феникс Санс
Американскиот кошаркарски стручњак Мајк Буденхолцер е новиот тренер на Феникс Санс, објави НБА.
Тој го замени Френк Вогел на клупата на Феникс, кој во четвртокот доби отказ по една сезона во клубот.
Од Феникс не ги соопштија деталите од договорот, а американските медиуми објавија дека договорот е на пет години и е вреден околу 50 милиони долари.
Во 2021 година, Буденхолцер ја освои титулата со Милвоки. Тогаш Буденхолцер со Милвоки го победи токму Феникс.
Феникс никогаш не ја освоил титулата, а во својата 56-годишна историја три пати играл во големото финале.
По пет години во Милвоки, двократниот добитник на наградата за најдобар тренер на НБА, Буденхолцер доби отказ во 2023 година, по што замина на едногодишен одмор.
Спорт
Голот на Адеми му ја донесе шампионската титула на Динамо
Динамо Загреб, вечерва ја обезбеди 25.шампионска титула во првенството на Хрватска. „Модрите“ го победија Осиек со 1:0, а титулата ја обезбедија багодарение на поразот на Риека во Вараждин (3:1).
Риека, во минатото коло загуби од Динамо на домашен терен и очигледно по тој пораз остнаа без амбиции. Нивниот пораз од Вараждин го искористи Динамо, победи со голот на Аријан Адеми во 73.минута и ја обезбеди титулата.
Динамо по 25. стана шампион, Хајдук има шест титули, Риека и Загреб освоија по една шампионска титула. Овие четири тима се единствените хрватски шампиони од 1991 година.