Спорт
(Видео) Повреден полицаец, солзавец и над 400 уапсени на одбојкарскиот натпревар Олимпијакос-Панатинаикос
Познато е ривалството меѓу навивачите на Олимпијакос и Панатинаикос, но на одбојкарското дерби тоа доби ново ниво.
Две фракции се судрија пред салата „Мелина Меркури“, а се започна некаде по 22 часот кога група од околу 150 навивачи излегле надвор од салата.
Според полицискиот извештај, кон нив бил фрлен молотов коктел, а полицијата возвратила со солзавец кој стигнал до оние кои биле внатре, поради што натпреварот е прекинат во вторриот сет.
Во судирите е повреден и еден полицаец, кој се уште е во критична состојба. Од левата надколеница извадена е метална топка со димензии 5х2х2 сантиметри, што предизвика обилно крварење.
Нешто пред полноќ бил однесен во операционата сала кога доживеал срцев удар, но медицинскиот персонал успеал да го оживее и потоа да ја изврши хируршката процедура.
Οι προσαγωγές συνεχίζονται στο κλειστό του Ρέντη! pic.twitter.com/CqfrYamgSk
— Sportal.gr (@SportalgrG) December 7, 2023
Виновниците на овој инцидент од страна на полицијата биле спроведувани во притвор до шест часот во петокот наутро. Полицијата уапсила 424 лица.
Органите на редот им забранија на сите кои се наоѓаат во непосредна близина да го напуштат просторот околу салата. Жените и децата биле поштедени.
Стотици полицајци ги блокираа сите приоди кон салата во обид да ги идентификуваат сторителите. Според грчките медиуми, на лице место биле задржани речиси 1.000 навивачи на Олимпијакос.
Ако е воопшто важно, натпреварот беше прекинат при водство на Олимпијакос во сетови 1:0, додека во вториот ПАО имаше голема предност 18:10.
‼️ Μέχρι αυτή την ώρα ισχυρές αστυνομικές δυνάμεις και κλούβες των ματ υπάρχουν έξω από το «Μελίνα Μερκούρη»! pic.twitter.com/21FjXiK01P
— Sportal.gr (@SportalgrG) December 7, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Болоња на чекор до пласман во ЛШ
Фудбалерите на Болоња забележаа многу важна победа на стадионот „Диего Армандо Марадона“ во Неапол.
Болоња го победи Наполи со 2:0.
Избраниците на Тиаго Мота, победникот го решија во раната фаза од натпреварот. Најпрво Ендој погоди во деветтата минута, а три минути подцна предноста ја зголеми Пош.
Наполи можеше да ја намали предноста на гостите во 21. минута, но Матео Политано промаши пенал.
Болоња со 18. победа во сезоната дојде на чекор до пласман во Лигата на шампионите, прв во клупската историја.
Во следното коло Болоња ќе го пречека Јувентус.
Спорт
Буденхолцер e новиот тренер на Феникс Санс
Американскиот кошаркарски стручњак Мајк Буденхолцер е новиот тренер на Феникс Санс, објави НБА.
Тој го замени Френк Вогел на клупата на Феникс, кој во четвртокот доби отказ по една сезона во клубот.
Од Феникс не ги соопштија деталите од договорот, а американските медиуми објавија дека договорот е на пет години и е вреден околу 50 милиони долари.
Во 2021 година, Буденхолцер ја освои титулата со Милвоки. Тогаш Буденхолцер со Милвоки го победи токму Феникс.
Феникс никогаш не ја освоил титулата, а во својата 56-годишна историја три пати играл во големото финале.
По пет години во Милвоки, двократниот добитник на наградата за најдобар тренер на НБА, Буденхолцер доби отказ во 2023 година, по што замина на едногодишен одмор.
Спорт
Голот на Адеми му ја донесе шампионската титула на Динамо
Динамо Загреб, вечерва ја обезбеди 25.шампионска титула во првенството на Хрватска. „Модрите“ го победија Осиек со 1:0, а титулата ја обезбедија багодарение на поразот на Риека во Вараждин (3:1).
Риека, во минатото коло загуби од Динамо на домашен терен и очигледно по тој пораз остнаа без амбиции. Нивниот пораз од Вараждин го искористи Динамо, победи со голот на Аријан Адеми во 73.минута и ја обезбеди титулата.
Динамо по 25. стана шампион, Хајдук има шест титули, Риека и Загреб освоија по една шампионска титула. Овие четири тима се единствените хрватски шампиони од 1991 година.