Македонија
(Видео) Митева: Одлуката на ЕУ потврдува дека никој не сака да седи на иста маса со криминалците од СДС и ДУИ
Одлуките на вчерашниот самит во Брисел покажаа дека Ковачевски и Османи, водејќи погрешна надворешна политика, ја донесоа Македонија во очајна ситуација. Почетокот на преговорите за Украина и Молдавија е чекор што ВМРО-ДПМНЕ го поздравува, но воедно покажува дека Македонија заслужува почеток на преговорите со ЕУ веднаш, оцени портпаролката на ВМРО-ДПМНЕ, Марија Митева.
Она што, според неа, е најголем пораз за Македонија, е Ковачевски, кој деновиве во Брисел, наместо да лобира за почеток на преговорите, тој лови руски коалиции и кажува измислици.
На Македонија, вели таа, ѝ треба премиер што се бори за кауза наместо политиканство. Очекуваме да води јасна политика и од ЕУ да побара итен почеток за преговори.
„Граѓаните со право го имаат впечатокот дека Македонија не се изборила за поповолна позиција, како што тоа го направи Украина со сите свои недостатоци.
Веќе три децении Македонија и македонскиот народ се жртва на слаби политичари, кои не знаат да се изборат за националните интереси.
ЕУ веднаш. Ако власта беше способна да ја убеди ЕУ во вистинските вредности, за борба против криминалот и корупцијата, тогаш Бугарија не би била пречка. Но, недвосмислено се потврдува дека политичарите од ЕУ и европските држави не сакаат да седат на иста маса со криминалците од СДС и ДУИ.
Македонија не е функционална држава, системот е пропаднат, институциите разнишани, економската стабилност не постои. Сосема е лесно да ги идентификуваме главните причини поради кои Македонија не ги почна преговорите со ЕУ“, истакна Митева.
Според неа, власта на Ковачевски и Ахмети ги има сите точки на спојување на политичка корупција, па затоа во право е Бујар кога вели дека темни антиевропски сили држат во заложништво 2 милиона граѓани. Некои од нив се и на „темни“ листи, како Рамиз Мерко, а некои како Талат го злоупотребуваа европското знаменце за Лотаријата на ДУИ.
„Ако СДС е толку европска партија и тврди дека Македонија нема друг проблем за почеток на преговорите, освен Бугарија, тогаш зошто Ковачевски и Маричиќ не предложија Бугарија да ја напушти собата на кратко, но поважно е да одговорат зошто претставниците на ЕУ не ни помислуваат да предложат вакво нешто за Македонија.
Одговорот е едноставен, сите европски фактори лоцираат епидемија на корупција во Македонија, лоцираат дека владината гарнитура е недопирлива, а судската власт е нивен заштитник. Жалиме што Македонија и македонските граѓани се жртва на криминалната власт на СДС и ДУИ.
Со силна дипломатија, со чесна политика и длабоки реформи ќе ја вратиме Македонија достоинствена на евроинтегративниот пат“, дополни Митева.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Мисајловски: Продуктивни консултации, потврдена македонско-американската одбранбена соработка
Министерот за одбрана, Владо Мисајловски ја предводи македонската делегација во работната посета на Соединетите Американски Држави, придружуван од началникот на Генералштабот, генерал мајор Сашко Лафчиски.
Во Пентагон тој оствари низа средби меѓу кои и со Аманда Дори, потсекретар за одбранбена политика.
„Со задоволство можам да истакнам дека имавме продуктивни консултации на кои што уште еднаш ја потврдивме македонско-американската одбранбена соработка, идните сојузнички приоритети, вклучувајќи ги учеството во заеднички вежби и обуки, придонесот кон глобалната безбедност и долгогодишното партнерство со Националната Гарда на Вермонт“, вели Мисајловски за посетата на САД.
За време на посетата на САД, министерот оствари работни средби и со Алтон Буланд , директор за ЕУ и НАТО политика во Канцеларијата на секретарот за одбрана, и со генерал потполковник Џонатан Стабс, Шеф на бирото на националната гарда на САД.
Македонија
(Фото) ВРЕДИ: 100 дена на нови политики и борба против старите навики
Денеска Коалицијата ВРЕДИ со слоганот “Преминуваме на дела“ први од Владината коалиција ги одбележаа 100-те дена на новата Влада, на настан на кој учествуваа лидерите, министрите, заменик-министрите, пратениците и останати вршители на високи должности и активисти.
Во својство на модератор, Заменикот премиер за добро владеење и транспарентност, Арбен Фетаи, ги истакна значајните достигнувања на коалицијата, вклучувајќи ги распределбата на 100 милиони евра за општините, зголемувањето на пензиите, борбата против коцкањето, создавањето 600 нови работни места за медицински специјализанти, како и формирањето на Албанската академија.
„ВРЕДИ не е само алтернатива на ДУИ, туку е канализиран револт што има за цел да донесе посакувани промени за Албанците. Ова е можност дадена од народот, и ние ќе ја одржиме оваа доверба со чест и одговорност,“ изјави Фетаи.
Претседателот на Алтернатива, Зеќирија Ибрахими, потенцираше дека ВРЕДИ направи значителна разлика за овие 100 дена.
„Оние што не постигнаа ништо за 22 години, ние направивме разлика само за 100 дена,“ рече тој.
Приоритетите на ВРЕДИ за иднината вклучуваат реформи во јавната администрација, енергетска транзиција и развој на човечки капитал. Исто така, Ибрахими ја објасни потребата од иницијативата за формирањето Албанската академија на науките како неопходен чекор за интегрирање на албанските интелектуалци и научната мисла.
Претседателот на Демократското движење и прв заменик-премиер, Изет Меџити, изјави дека ВРЕДИ претставува нов квалитет во политичкото претставување на Албанците.
„Ние сме лидери во Владата, а не во партиските канцеларии. Времето кога лидерите стоеја настрана од одговорноста за владините политики заврши. Сега, секој ден сме во нашите канцеларии, решавајќи ги проблемите на граѓаните,“ изјави тој.
Претседателот на Алијансата за Албанците и министер за здравство, Арбен Таравари, кој се вклучи преку видео врска од САД, истакна дека албанските граѓани конечно се ослободени од 22-годишната власт.
„Градиме иднина каде што моќта е во рацете на народот, а не во џебовите на корумпираните,“ рече Таравари, додавајќи дека Министерството за здравство сега функционира во служба на граѓаните, далеку од корупцијата.
Претседателот на Движењето БЕСА и градоначалник на Тетово, Билал Касами, ја критикуваше ДУИ за нејзините неуспеси, особено во областа на
децентрализацијата.
„ВРЕДИ е тука за да ги исправи неправдите и да обезбеди дека албанските општини ќе имаат вистинска децентрализација, а не празни ветувања,“ рече тој.
Говорниците потенцираа дека следува институционална борба за санкционирање на сите девијантни појави на минатата Влада и остануваат цврсто посветени на изградба на посветла иднина за сите Албанци во оваа земја, со чесен пристап, транспарентност и доследност кон исполнување на предизборните ветувања.
Македонија
ДУИ: Одлуката на ЕУ да ја одвои Албанија од Македонија е најголемиот неуспех за владата
Демократската унија за интеграција смета дека губитниците на претседателските и парламентарните избори од Влен секојдневно не оддалечуваат од интеграцијата во Европската унија и ја приближуваат државата до стратешко партнерство и финансиска зависност од Кина и Русија.
„Одлуката на Европската унија да ја одвои Албанија од Северна Македонија во нашиот европски пат е најголемиот неуспех за владата со моноетнички легитимитет.
Ги потсетуваме граѓаните дека албанските партии кои ги загубија изборите потпишаа предизборна декларација и ветија дека никогаш нема да станат дел од влада без промена на уставот и деблокирање на европскиот пат на земјата.
Ветија и дека за три до шест месеци ќе го сменат уставот, во спротивно ќе излезат од владата.
Но, повторно ги излажаа и ги измамија граѓаните.
За само 100 дена ја оддалечија земјата од Европа, предизвикаа непријателства со Грција, Бугарија, Косово и Албанија, а притоа ја доближија до Србија, Унгарија, Русија и Кина.
ДУИ останува цврсто определени да продолжи да биде гардиан на нашето евро-американско партнерство и по ниедна цена нема да дозволи промена на западниот курс на државата“ се наведува во соопштeнието на ДУИ.