Спорт
(Видео) Почина поранешен НБА кошаркар, ќе остане запаметен како легенда и шампион
Ерик Скот Монтрос, поранешен НБА кошаркар, почина на 53-годишна возраст по повеќемесечна борба со ракот.
With heavy hearts we bring you this update from the family of Eric Montross.
Rest in peace Big E.
🔗: https://t.co/EgOjPTSh2B pic.twitter.com/V3TgxZDWPm
— Carolina Basketball (@UNC_Basketball) December 18, 2023
Монтрос ќе остане запаметен како легенда на Северна Каролина, со која стана NCAA шампион во 1993 година.
Нему му беше дијагностициран рак во март 2023 година, а по неколкумесечна борба, тој почина.
Неговото семејство ја потврди смртта, издаде соопштение и побара приватност во наредните денови.
Монтрос играше центар, а во 1994 година беше деветти пик на драфтот. За време на неговата кариера во НБА, која траеше девет години, играше за Бостон, Далас, Њу Џерси, Филаделфија, Детроит и Торонто.
Damn. RIP Eric Montross.
— TodayInSports (@TodayInSportsCo) December 18, 2023
Тој ја заврши кариерата поради повреда на ногата.
RIP Eric Montross 💚
Our thoughts and prayers are with the Montross family. pic.twitter.com/kzZbLfZzfZ
— Boston Celtics (@celtics) December 18, 2023
По неговата играчка кариера, тој беше радио аналитичар за игрите во Северна Каролина 18 сезони. Тој беше познат и по неговите добротворни напори.
Зад себе ги остави сопругата и децата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Борусија е во финалето на ЛШ – Хумелс го замолкна Париз
Фудбалерите на Борусија Дортмуд први изборија пласман во финалето на Лаигата на шампиони. „Милионерите“ и во реваншот го совладаа ПСЖ со 1:0. Стрелец на единствениот гол во Париз беше Матс Хумелс во 50.минута. Борусија по пауза ид 11 години е се бори за европската круна. Противник во финалето на „Вембли“ ќе и биде подобриот од второто полуфинале меѓу Реал Мадрид и Баерн Минхен.
ПСЖ имаше повеќе од играта, напаѓаше во првото полувреме, а во офанзива тргнаа во вториот дел, но Килијан Мбапе и соиграчите немаа доволно спортска среќа. Дури четири пати во второто полувреме ја погодија рамката од голот – двапати стативата и исто толку гредата.
И во првиот натпревар Французите двапати ја погодија стативата (Мбапе и Хакими), но ќе остане запишано дека во 180 минути не успеаја ниту еднаш да го совладаат голманот на Борусија, Кобел.
Стрелец на единствениот гол беше ветеранот Матс Хумелс во 50. минута. Јулијан Бранд одлично изведе корнер, а искусниот дефанзивец со глава го совлада Џиџи Донарума.
Спорт
Нан го однесе ПАО на завршниот турнир во Берлин
Кошаркарите на Панатинаикос по пауза од 12 години изборија пласман на завршниот турнир во Евролигата. Вечерва пред 20.000 навивачи во „ОАКА“, Панатинаикос ја доби мајсторката против Макаби со 81:72.
Панатинаикос клучната предност ја направи во воведните четири минути од последната четвртина, период во кој Макаби постигна само два поени.
Големо влијани врз конечниот резултат имаше и односот на слободните фрлања, Панатинаикос изведе 35, Макаби само 10.
Најефикасен во победата на Панатинаикос беше Кендрик Нан со 26 поени, Костас Слукас имаше уште една добра партија со 15 поени и шест скока, додека Хуанчо Ерненгомес постигна 11 поени. Матијас Лесор беше блиску до дабл-дабл учинок со девет поени и 11 скока. Францускиот центар од линијата за слободни фрлања погоди три пати од 14 обиди.
Кај Макаби најефикасен беше Лоренцо Браун со 17 поени.
На завршниот турнир во Берлин од 24 до 26 мај, Панатинаикос во полуфиналето ќе игра против победникот од четвртфиналето меѓу Монако и Фенербахче.
Спорт
Сашко Кедев на Велигден го искачи Макалу (8.485), петтиот највисок врв на светот
Кардиологот и алпинист Сашко Кедев утрото на Велигден се искачи на врвот Макалу кој е висок 8.485 метри и е петти највисок планински врз во светот.
Кедев со експедиција од четворица меѓународни алпинисти и петмина шерпаси се искачи на Макалу. Тој е првиот акедонец кој се искачил на овој врв.
Беше во придружба на искусниот Кили Пемба Шерпа, кој беше еден од 10-те непалски планинари кои се искачија на К2 во 2021 година.
Во историскиот успех на Кедев се запишани и врвовите Монт Еверест (8.848), К2 (8.611), Далагири (8.167), Манаслу (8.163), Броуд пик (8.051), Анапурна (8.091 метри), Cho Oyu (8.201), Нанга Парбат (8.126).