Спорт
(Видео) Скромно издание на Јокиќ, блескаво на Дончиќ – Денвер го растури Далас
Денвер Нагетс во својата „Бол арена“, ги декласираа Далас Маверикс со 130:104 и покрај тоа што Лука Дончиќ го доби дуелот со Никола Јокиќ, кој го одигра најлошиот меч од почетокот на сезоната. Чикаго славеше во Филаделфија, ЛА Клиперс имаа шутерска рапсодија во Индијаполис, а Њујорк Никс славеа во ЛА кај Лејкерси.
Јокиќ на теренот мина неполни 28 минути, последна четвртина седеше на клупата,на крајот имаше осум поени, девет скока и седум асистенции.
Дончиќ блескаше во гостинскиот тим со 38 поени, 11 скока и осум асистенции.
Словенецот за разлика од Јокиќ немаше поддршка од соиграчите, двоцифрен беше само Данте Ексум со 11 поени.
Од друга страна, во тимот на Денвер најефикасен беше Џамал Мареј со 22 поени, поен помалку постигна Арон Гордон со пет скока и асистенции, а искусниот Реџи Џексон застана на 20 поени.
Двоцифрен учинок имаа и Зек Ннаџи со 14, Џулијан Стротер со 12 и Пејтон Вотсон со 10 поени.
Генерално, клупата на Денвер целосно ги надигра Маверикс, вториот состав на Нагетс имаше 62:34 во однос на играчите од клупата на Далас.
Чикаго ја прекина низата од шест победи на Филаделфија. Булс славеа со 108:104 и покрај 40. поени на Џоел Ембид. Чикаго го предводеше Никола Вучевиќ постигна 23 поени
ЛА Клиперс има шутерско шоу во Индијанаполис, ја победија Индијана со 151:127. Џејмс Харден го одигра најдобриот натпревар од доаѓањето во Лос Анџелес, постигна 35 поени, од кои 21 во последниот период.
Њујорк Никс, по Клиперси во Лос Анџелес славеа и против Лејкерси 114:109. Џејлен Бренсон е во страшна форма постигна 29 поени, Џулиус Рендл имаше 27 против својот поранешен клуб. Лејкерси ги предводеше Ентони Дејвис со 32 поени, Леброн Џејмс постигна 25 поени на кои придодаде по 11 скокови и асистенции.
Резултати:
Филаделфија – Чикаго 104:108
Индијана – ЛА Клиперс 127:151
Кливленд – Хјустон 135:130 п
Атланта – Детроит 130:124
Мајами – Минесота 108:112
Торонто – Шарлот 114:99
Оклахома – Мемфис 116:97
Денвер – Далас 130:104
Јута – Бруклин 125:108
Сакраменто – Вашингтон 143:131
ЛА Лејкерс – Њујорк 109:114
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ал Келаифи полуде на прашањрто за тренерот: Дали вие го разбирате фудбалот?
ПСЖ не успеа да се пласира во финалето на Лигата на шампионите. Среќата ги напушти „светците“ во натпреварите со Борусија Дортмунд. Во реваншот упатија 31 удар кон голот на Кобел, четири пати ја погодија стативата.
Сезоната, ПСЖ ќе ја заврши само со титулата во домашното првенство, која по доаѓањето на катарските газди се подразбира.
Сепак, со доаѓањето на Луис Енрике, клубот ја смени трансфер политиката. ПСЖ повеќе не ги купува најскапите суперѕвезди, туку се фокусире на собирање супер таленти. Така на реваншот со Борусија имаше тим со просечна старост од 24 години и 157 дена. Тоа е најмладиот тим во полуфиналето на Лигата на шампионите во последните 10 години.
Поради сето горенаведено, претседателот на клубот Насер Ал-Хелаифи полуде на новинарско прашање по испаѓањето од Борусија, каква е иднината на Енрике во клубот.
„Чекај, сериозно ме праша ли тоа? Навистина, дали знаеш нешто за фудбалот и дали воопшто го разбираш? Градиме долгорочен проект со најмладиот тим во Европа. Ни претстои светла иднина. ”
Спорт
Орсато означи крај во Париз и се расплака
Еден од најдобрите судии во светот, Даниеле Орсато, синоќа без грешка го водеше полуфиналниот реванш меѓу ПСЖ и Борусија Дортмунд. Натпреварот заврши со победа на германскиот тим 0:1, а Орсато откако означи крај на натпреварот се расплака.
Орсато (48) повеќе од една деценија суди натпревари од Лигата на шампионите, а во 2020 година го судеше финалето Баерн – ПСЖ. Истата година Институтот за фудбалска историја и статистика го прогласи за најдобар судија во светот. Следната година го водеше полуфиналето на Лигата на шампионите помеѓу Челзи и Реал Мадрид.
Италијанските медиуми открија зошто Орсато плачел.
Натпреварот ПСЖ-Борусија Дортмунд беше негов последен натпревар во европските купови. Тој ќе суди на претстојното евро, а потоа ќе се пензионира.
Спорт
Реал богато ќе ги награди фудбалерите доколку ја освојат ЛШ
Реал и Баерн од 21 часот во Мадрид ќе го одиграат реваншот од полуфиналето на Лигата на шампионите. Првиот натпревар во Минхен заврши 2:2. Вечерва ќе го дознаеме вториот финалист на Вембли откако синоќа место во финалето обезбеди Борусија Дортмунд која со вкупен резултат 2:0 го елиминира ПСЖ.
„Марка“, денеска ја објави сумата што секој играч на Реал Мадрид ќе ја добие од клубот како награда доколку ја освои Лигата на шампионите. Тоа е дури 1,4 милиони евра по фудбалер, што е за 500.000 евра по фудбалер повеќе отколку што за истиот успех беа наградени фудбалерите на Реал во 2022 година.
Со богата сума ќе бидат наградени и членовите на штабот, па се проценува дека Реал во случај на освојувањето на трофејот во Лигата на шампионите ќе плати издвои околу 40 милиони евра за да ги награди фудбалерите и стручниот штаб.