Свет
„Двапати ми го убивте синот“: таткото на израелскиот заложник, кој војската го уби „по грешка“, ја критикува власта
Ави Шамриз, таткото на Алон Шамриз, еден од тројцата израелски заложници, кои „по грешка“ беа убиени од израелската армија во Појасот Газа, ја критикува владата предводена од Бенјамин Нетанјаху.
Говорејќи за програмата „Ен-би-си њуз“, Шамриз рече дека владата на Израел најпрвин му дозволила на Хамас да го киднапира неговиот син на 7 октомври, а потоа израелската армија го убила во декември.
„Двапати го убивте мојот син“, нагласи Ави Шамриз.
Нагласувајќи дека владата предводена од Нетанјаху нема капацитет да ѝ служи на земјата, Шамриз рече дека администрацијата „не ги заслужува нив како општество, како народ“.
„Тие не се наши лидери. Тие мислат само за себе. За фотелјите и за своите џебови“, истакна Шамриз.
Наведувајќи дека израелската администрација не води сметка како да ги врати заложниците од Газа, Шамриз рече дека властите „воопшто не размислуваат за заложниците“.
Израелската армија објави дека на 15 декември „по грешка“ убила тројца заложници од Израел во Појасот Газа.
Семејството на еден од убиените „по грешка“, 26-годишниот Алон Шамриз, поднесе барање жртвите да бидат вклучени во списокот на маченици. Меѓутоа, како што пренесуваат израелските медиуми, армијата го одбила ова барање.
Семејството тогаш потсети дека тројцата заложници биле убиени и покрај тоа што биле без облека и имале бело знаме.
Израел почна воздушно и копнено бомбардирање на Појасот Газа, воведе опсада и почна копнена офанзива како одмазда за прекуграничниот напад на Хамас на 7 октомври.
Првата размена на затвореници се случи по четиридневната хуманитарна пауза, која стапи во сила на 24 ноември, по што продолжија израелските напади.
Оттогаш, според здравствените власти во Газа, најмалку 19.667 Палестинци се убиени, а 52.586 се повредени во израелските напади.
Се верува дека околу 1.200 Израелци биле убиени во нападот на Хамас, а повеќе од 130 заложници сѐ уште се држат во заробеништво.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с