Свет
Лавров: Не е исклучено Москва да преземе реципрочни мерки, ако ни ги конфискуваат средствата, ќе имаме на што да одговориме
Во случај Германија да го конфискува имотот на Русија, не е исклучено Москва да преземе реципрочни мерки, изјави рускиот министер за надворешни работи, Сергеј Лавров. Имаме што да конфискуваме за возврат, додаде тој.
„Сега размислуваат да најдат некаков правен начин како да го конфискуваат имотот на Русија и да го испратат во Украина. Но, Европејците го задржаа барем привидот на почитување на сопствените закони и затоа ја одложуваат оваа одлука. Според нашите информации, Американците на затворени состаноци им објаснуваат како може да ги променат овие закони за да земат сѐ и на крајот да крадат. Ќе видиме, ако се случи ова, ќе имаме и што да конфискуваме“, рече Лавров на прес-конференција во Тунис.
Лавров вчера беше во Мароко, а како што изјави портпаролката на руското Министерство за надворешни работи, Марија Захарова, ќе ја продолжи турнејата, но не сакаше да открие кои земји ќе ги опфати.
Медиумите потсетуваат дека германското генерално Обвинителство вчера поднесе барање до судот за конфискација на руски имот во вредност над 720 милиони долари.
Во соопштението се наведува дека Обвинителството има намера да конфискува средства на сметка на руска финансиска институција во банка во Франкфурт во споменатиот износ поради обид за прекршување на ембаргото.
Обвинителството не соопшти кому му припаѓаат средствата.
„Шпигел“ тврди дека Рускиот национален депозитар, кој е под санкции на ЕУ од јуни 2022 година, ги има на располагање овие средства. Наводно, вработените се обиделе да префрлат 720 милиони евра од сметката на германската филијала на „ЈП Морган“ на друга сметка, но трансакцијата не била завршена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с
Свет
Се повеќе мали деца се дебели, предупредува ФАО
Организацијата за храна и земјоделство на Обединетите нации (ФАО) предупреди дека прекумерната тежина кај деца под пет години, анемијата кај жените на возраст од 15 до 49 години и дебелината кај возрасните се во пораст во голем број земји.
Западен Балкан со 10,3 отсто и Кавказскиот регион со 9,1 отсто имаат највисока стапка на прекумерна тежина кај децата до пет години, додека стапката на дебелина кај возрасните исто така се зголемува.
Вредностите на анемијата кај жените на возраст од 15 до 49 години ја надминуваат глобалната проценка од 29,9 отсто во Киргистан со 35,8 отсто, Таџикистан 35,2 отсто и Азербејџан 35,1 отсто.
За да се справат со овие предизвици, сите актери во Европа и Централна Азија треба да се фокусираат на квалитетот на исхраната, осигурувајќи дека сите граѓани имаат пристап до разновидна и урамнотежена исхрана.
Никој не треба да се остави зад себе. Ова мора да биде поддржано со едукативни и кампањи за подигање на јавната свест кои поттикнуваат поздрав и поодржлив избор на храна, се додава во соопштението.