Македонија
Почина Мирослав Бошковиќ, поранешен атлетичар и професор во пензија: Македонската атлетика ќе биде осиромашена за еден голем ентузијаст
На 73-годишна возраст почина Мирослав Бошковиќ (1950-2023), поранешен атлетичар и професор по историја во пензија.
Како атлетски судија, Бошковиќ почна да се занимава уште додека бил атлетичар. Своевремено беше активен атлетичар на Вардар, настапуваше и за репрезентацијата на Македонија, а потоа продолжи како судија. Тој е најголем хроничар, евидентичар на резултатите и на рекордите, а секојдневно пишуваше и ги афирмираше другите атлетичари. Имаше чест да биде и меѓу арбитрите и на Универзијадата во Загреб.
За Бошковиќ изрази сочувство спортскиот новинар Зоран Михајлов кој вели дека со неговото заминување македонската атлетика губи огромен ентузијаст и човечка легенда во спортот.
„Со голема тага ги пишувам овие редови и не можам да поверувам дека веќе го нема меѓу нас Миро. Замина нечујно, впрочем онака како што живееше, скромно и достоинствено. Професорот како поранешен атлетичар имаше со што да се пофали. Но,тој со оглед на тоа што беше најголем хроничар на македонската атлетика и ги имаше сите резултати на дланка, повеќе пишуваше и ги афирмираше другите атлетичари. Миро беше и врвен меѓународен судија, а имаше чест да биде меѓу арбитрите и на Универзијадата во Загреб. Со неговото заминување од животната сцена македонската атлетика ќе биде осиромашена за еден голем ентузијаст и пред се чесен и доблестен човек. Овие мигови се најтешки за неговото семејство, но ако ова може да биде некаква утеха за нив, можам да кажам дека треба да им бидат горди што живееја со една таква човечка величина. Бог да го прости, сочувство до најблиските“, напиша Михајлов.
Бошковиќ е роден во Велес. Бил учесник во АК Вардар и во репрезентацијата на Македонија, освоил трето место екипно со Вардар на првенство на Југославија во крос во 1971 година, во Аранѓеловац и бил член на повеќе комисии во Атлетска федерација на Македонија.
Денеска голем број пријатели, колеги, планинари и атлетичари го испратија Бошковиќ кон вечниот дом во капелата на градските гробишта во Бутел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Здружението на судии загрижено за изјавите за Управниот суд: со нив се врши притисок врз судиите и судиското одлучуваљње
Здружението на судии во врска со реакцијата на Управниот суд на РСМ, ја искажува својата загриженост за изјавите на поединци со кои, како што се истакнува во соопштението, директно или индиректно се врши притисок врз судиите и судиското постапување и одлучување.
Како што велат, припадноста кон одредена политичка партија и можноста за идно владеење односно учество во извршната власт, не смее да се користи за коментирање, заканување или влијание врз судиското одлучување.
Оценуваат дека таквите изјави се штетни пред се за политичките субјекти кои ги пласираат во јавноста, а истовремено може да се разберат и како обид да се поткопа непристрасноста и интегритетот на судиите.
„Во однос на неоснованите обвинувања кои беа упатени на адреса на Претседателот на Управниот суд на РСМ, како Здружение на судии даваме целосна поддршка на колегите од именуваниот суд и напоменуваме дека секој избран судија е независен во своето одлучување и таа независност му е Уставно загарантирана. Па во тој правец и при најмал сомнеж за евентуален обид за притисок или влијание врз неговата работа, без разлика од кого доаѓа, е должен да ги извести надлежните судиски инстанци. Воедно, сите останати општествени чинители, а особено претставниците на политичките партии се должни да ја почитуваат загарантираната судиска независност што е во духот и на демократскиот развој и Европскиот просперитет на земјата“, потенцираат од ова здружение.
Македонија
Одбиена тужбата на „Европскиот фронт“ за избирачкото место во Долнени
Управниот суд ја одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија” за избирачкото место 1470 во Долнени на Парламентарните избори 2024.
„Европскиот фронт“ поднесе седум тужби против решенија на ДИК на Парламентарните избори 2024.
Досега Управниот суд ja одби како неоснована и тужбата за избирачкото место 1194, во Општина Крушево.
Македонија
Мицотакис со предупредување: Ако некои веруваат дека можат да го игнорираат Договорот, треба да разберат дека нивниот пат кон Европа ќе остане затворен
Грчкиот премиер Киријакос Мицотакис уште еднаш ја предупредува Македонија дека прекршувањето на Договорот од Преспа, со кој се реши долгогодишниот спор за името меѓу двата соседа, ќе ги загрози амбициите на балканската земја за членство во ЕУ, пишува грчки „Катимерини“
Говорејќи од градот Верија во северна Грција за време на неговата кампања пред изборите за Европскиот парламент во јуни, Мицотакис изјави дека трите меморандуми за разбирање поврзани со договорот од 2018 година нема да бидат ратификувани од Парламентот се додека новото раководство во Скопје продолжи со прекршување на договорот.
„Ако некои веруваат дека можат да го игнорираат договорот, треба да разберат дека нивниот пат кон Европа ќе остане затворен, а меморандумите нема да бидат ратификувани освен ако не се почитува она што го предвидува договорот“, рече тој.