Северна Кореја не е баш туристичка дестинација, таа е затворена за остатокот од светот и луѓето немаат поим како изгледа секојдневието таму – затоа одекна видеото што еден турист го објави на TikTok.

Тој го посети градот Пјонгјанг и сними луѓе како шетаат по улиците и во метро станицата. Многумина во коментарите напишаа дека градот им изгледа како да е во деведесетите.

@skinnhandske People of Pyongyang, North Korea #northkorea #travel #traveltiktok #travelbucketlist ♬ Jacob and the Stone (Slowed) – Emile Mosseri & sped up + slowed

„Овој град изгледа многу мирно“, „Лудо е што не знаат што се случува надвор од ова“, „Не знаев дека можеш да снимаш овде“, напишаа луѓето под видеото кое брзо собра 3,5 милиони прегледи.

@skinnhandske Suburbs of Pyongyang, North Korea #northkorea #travel #traveltiktok #travelbucketlist ♬ God‘s promise – daniel.mp3

На туристите им е потребна виза за да ја посетат Северна Кореја и мора да следат различни правила. На пример, им е дозволено да фотографираат и снимаат само кога тоа им е дозволено, не смеат да го критикуваат режимот, а за се што е спротивно на правилата мора да се консултираат со туристички водич, пренесува Index.hr.

Северна Кореја, со која владее врховниот лидер Ким Џонг Ун, има и бизарни закони како што се забрана на жените да слушаат музика, да носат фармерки или да возат автомобили. Оние кои не ги почитуваат можат да бидат погубени, пишува Тајмс.

Унгарскиот премиер Виктор Орбан денеска пристигна во Москва, само неколку дена по неговото прво патување во Украина од почетокот на руската сеопфатна војна, соопштија за медиумите од прес-службата на Орбан, пренесува „Киев Индипендент“.

„Раша тудеј“ објави дека за војната со Украина ќе разговара со рускиот претседател Владимир Путин. Орбан кратко се огласи на социјалната мрежа Х.

The #peace mission continues. Second stop: #Moscow. pic.twitter.com/kPOkKBsJQm

— Orbán Viktor (@PM_ViktorOrban) July 5, 2024

„Мировната мисија продолжува. Втора станица: Москва“, рече тој.

Портпаролот на Кремљ, Дмитриј Песков потврди дека разговорите меѓу Орбан и Путин ќе се водат во Кремљ и дека една од темите ќе биде Украина.

По пристигнувањето на Орбан во Москва зборуваше и полскиот премиер Доналд Туск.

„Ќе послужиме како важна алатка во правењето на првиот чекор кон мирот. Прашањето е во чии раце е таа алатка“, објави Туск на Х.

Посетата на Орбан на Путин ја коментираше и претседателката на Европската комисија Урсула фон дер Лајен.

„Помирувањето нема да го спречи Путин. Само единството и решителноста ќе го отворат патот за сеопфатен, праведен и траен мир во Украина“, рече таа.

Орбан последен пат ја посети Русија во септември 2022 година за да присуствува на погребот на советскиот лидер Михаил Горбачов, но тогаш не се сретна со рускиот претседател Владимир Путин.

Медиумите потсетуваат дека европските лидери претходно изразија загриженост за посетата на Орбан.

Иако Унгарија го презеде претседавањето со ЕУ, претседателот на Европскиот совет Шарл Мишел посочи дека Орбан нема мандат да разговара со Русија во име на ЕУ, додека полскиот премиер Доналд Туск побара појаснување.

Министерството за одбрана на Русија соопшти дека спроведува воени вежби со мобилни нуклеарни ракетни фрлачи Jars, помалку од еден месец по одржувањето на тактичките вежби за распоредување нуклеарно оружје со сојузникот Белорусија.

Министерството соопшти дека контролните тимови на ракетните фрлачи Jars во најмалку два региони ќе поминат повеќе од 100 километри и ќе вежбаат камуфлажа и распоредување.

Тие објавија видео снимка на која се гледа како мобилниот фрлач маневрира по шумските патишта и зазема позиција пред војниците да го покријат со камуфлажна мрежа.

„Слични вежби ќе одржат и други ракетни единици во блиска иднина“, соопшти Министерството. Во јуни, Русија спроведе вежби за тактичко нуклеарно оружје со Белорусија по „заканите од западните сили“, според руски извори.

Рускиот претседател Владимир Путин тогаш изјави дека Москва нема потреба да користи нуклеарно оружје за да обезбеди победа во Украина, но и дека не исклучува промени во нуклеарната доктрина на земјата.