Спорт
Бекенбауер беше длабоко потресен од смртта на неговиот син, пишуваат медиумите
Светскиот фудбал беше длабоко потресен од веста дека во неделата почина славниот Франц „Кајзер“ Бекенбауер, додека веста за неговата смрт беше објавена еден ден подоцна.
Неговата здравствена состојба долго време не била добра.
Смртта на неговиот син Штефан во 2015 година, кој своевремено беше на проба во Црвена Звезда, не можеше да ја преболи сите овие години.
Штефан имаше само 21 година кога дојде да се проба во Звезда во 1990 година со намера да се докаже. Тој дури одигра и еден пријателски натпревар против нисколигашот Палилулац, а потоа даде интервју и за реномираниот весник „Темпо“.
„Зошто ја напуштив СР Германија? Затоа што таму е многу тешко за младите играчи. Се игра напорно, со сила. Техниката и знаењето се во втор план. Доминираат остри и искусни играчи. И уште нешто: презимето Бекенбауер за мене е огромен товар што го чувствувам од почетокот на мојата фудбалска кариера. Сите ме гледаат како син на „Кајзерот“. Претпоставувам дека очекуваат веднаш да играм како него и ги бараат моите маани. Очекувањата беа големи и тој товар ме натера да размислувам за заминување“, велеше Штефан.
Од смртта на синот, легендарниот Франк се бореше со Паркинсонова болест, деменција, имаше и неколку операции на срцето, страдаше и неговото око.
„Франц Бекенбауер веќе некое време се повлече од јавноста. Смртта на неговиот син Штефан (46) во 2015 година, како и гласините (за поткуп) поврзани со Светското првенство во 2006 година што се одржа во Германија го земаа својот данок“, пишува германски „Билд“.
Исто така, германските медиуми пишуваат дека Бекенбауер се мачел во последните денови од животот, и дека долго време немал мир.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.