Македонија
По шест смртни случаи од грип, Комисијата препорача: маските задолжителни во болниците и домовите за стари лица и забрана за посети
Комисијата за заразни болести препорача задолжително носење маски во здравствените установи и домовите што згрижуваат стари лица и забрана за посети во болниците и во домовите за стари лица. Претседателот на Комисијата, Александар Петличковски, вели дека мерките ги предлагаат поради зголемениот број болни од грип.
„Бидејќи сме во интензивна сезона на респираторни инфекции, препорачуваме задолжително носење маски во здравствените установи, во домовите што згрижуваат стари лица, и тоа и од страна на персоналот и од страна на згрижените лица и пациентите, и препорачуваме забрана на посетите во болниците и во домовите што згрижуваат стари лица. За другите препорачуваме совесно дејствување, тогаш кога ќе се осетат дека се болни, да носат маски и да избегнуваат метеж и затворен простор бидејќи на тој начин можеме да се заштитиме и да си ги олесниме симптомите“, рече претседателот на Комисијата, Петличковски.
Тој рече дека веќе има шест смртни случаи на заразени од грип, што за нив не е мала бројка и ги повика ранливите категории, лицата над 65-годишна возраст и оние со други болести, кои се подложни на грипот, а не се вакцинирале, да се јават во вакциналните пунктови оти има вакцини.
Препораките ќе му бидат испратени на министерот, па од таму во Владата, но Петличковски вели дека граѓаните, за не мора да чекаат да бидат изгласани, едноставно, треба да стават маски за да се заштитат. Тие и минатата недела ги дале истите препораки, но не стигнале до Владата.
Директорката на Инфективната клиника, Милена Стевановиќ, рече дека сите шестмина починати од грип починале на Инфективната клиника, не биле вакцинирани и имале и други болести. Таа апелира секој настинат, дури и со благи симптоми, да остане дома или да се држи настрана од интензивни комуникации и да носи маска оти веќе се покажа дека маската може да заштити.
Во амбулантите на Инфективната клиника дневно се прегледуваат по 60-100 пациенти.
„Сезоната е за грип. Бројките очекувано растат. Кај да е ќе го постигнеме пикот и сите треба да бидеме внимателни. Формите се најчесто лесни, може да се лекуваат дома, но секогаш има и пациенти со тешка слика на грип“, рече директорката Стевановиќ.
Двата случаја на голема кашлица не се загрижувачки, според Комисијата, но Петличковски ги повика родителите што пропуштиле вакцинација на децата да го направат тоа оти големата кашлица е најопасна токму за малите деца.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска се заблагодари за честитката од ЕУ: Со нетпрение очекувам да ја продолжиме соработката
Силјановска Давкова се заблагодари за честитката од ЕУ и порачува дека со нетпрение очекува да ја продолжам соработка со Европската Унија за конечно заокружување на европската интеграција на целиот регион.
„Денеска, како избрана претседателка, добив официјално соопштение од Европската Унија со кое ми се честита победата на изборите. Темелот на мојата на кампања беше градењето на консензус помеѓу сите политички партии во Собранието, како од власта, така и од опозицијата, граѓанското општество и македонските граѓани, независно од нивните разлики. Нашиот клучен стратешки проект е европската интеграција и истата останува да биде темел за градењето на консензус помеѓу различните чинители во општеството. Потенцирам дека под мое водство нашата надворешна политика ќе продолжи да биде целосно усогласена со заедничката надворешна и безбедносна политика на Европската Унија. Со нетпрение очекувам да ја продолжам соработка со Европската Унија за конечно заокружување на европската интеграција на целиот регион“, се наведува во соопштенеито испратено од тимот на Гордана Силјановска Давкова.
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархеи.
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.