Европа
(Видео) Земјоделците го блокираа Париз: владата подготвува нови мерки
Француските земјоделци втор ден ги блокираат стратешките патишта околу Париз, а членовите на Конфедерацијата на селаните ги блокираат и влезовите во дистрибутивните центри на југот на Франција, јавува БФМ ТВ.
„Сакаме да ги блокираме логистичките центри бидејќи бараме подобра распределба на додадената вредност. Бараме да ги зголемат нашите откупни цени, без да ги зголемат цените за крајните потрошувачи. Бараме, всушност, да ги намалат маржите. Ќе останеме додека е потребно“, рече претставник на земјоделеците.
🔴🇫🇷 FRANCE
– En pleine négociation avec les gendarmes mobiles. Le convoi en a profité pour dévisser les glissières de l'autoroute,et s'est éclipsé par la nationale
Pour rester informé, suivez @LeDirectInfo #AgriculteursEnColere | #Rungis #blocageDeParis pic.twitter.com/QjS0E5Je6c
— – Le Direct Info 🔴 (@LeDirectInfo) January 30, 2024
Генералниот секретар на синдикатот ЦГТ, Софи Бине, рече дека го разбира гневот на нафтените фармери. Бине ја повика владата да „преиспита голем број од правните механизми“ за да се стави крај на шпекулативните операции со прехранбените производи.
Француската влада синоќа соопшти дека денеска ќе бидат преземени нови мерки во корист на земјоделците. Владината портпаролка Приска Тевенот, по состанокот на Советот на министрите, изјави дека премиерот Габриел Атал ќе прими претставници на францускиот земјоделски синдикат и членови на Здружението на младите фармери, во присуство на министрите за земјоделство и министрите за еколошка транзиција, пишува „Фигаро“.
Француските земјоделци вчера почнаа да ги блокираат осумте автопати, кои го поврзуваат Париз со остатокот од Франција, а од минатата недела ги блокираат патиштата во делови на Франција поради владиниот данок за гориво за трактори, увозот на евтини земјоделски производи и ниските откупни цени, а бараат и намалување на даноците, како и земјоделците во Европа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.