Скопје
ЦУК: 1.918 повици на 112 во последното деноноќие, успешна спасителната акција на Водно
Центарот за управување со кризи (ЦУК) информира дека во последното деноноќие имало вкупно 1.918 повици на Единствениот број за итни случаи 112, од кои реални биле 34,52 %, а 65,48 % биле за други потреби на граѓаните што не биле итни. Кон полицијата биле упатени 53,73 %, кон итната медицинска помош 33,73 %, а кон пожарникарите 8,24 % од реалните повици кон 112 во ЦУК. Збирот на повици што биле за комбинирано решавање од реалните и во ЦУК, 4,31 % со другите 65,48 % што се именувани како неитни повици, биле вкупно 1.266 на број и биле предмет на примање, на обработка во ЦУК, а и на директно координирање за нивно решавање со други институции од Системот за управување со кризи во согласност со природата на пријавените итни случаи.
Инаку, синоќа, по добиениот повик на Единствениот повикувачки број за итни случаи 112 во ЦУК, на Водно имаше спасувачка акција, која успешно се заврши со голема пожртвуваност од сите ангажирани субјекти, кои пеш стигнале до повредениот, му укажале прва помош, го грееле со оган и потоа повредениот на раце околу еден час бил носен по замрзнат терен до возилото на Итната медицинска помош за транспорт до болница, и тоа на крајот од денот, во првиот мрак. Ангажираните од Итната медицинска помош, Полициската станица Карпош и специјалците од ЕБРД на МВР, реагирале оптимално и во согласност со природата на итниот случај и можностите на теренот кога почнува ноќта. Хеликоптерската единица на МВР, а и припадниците од Армијата на пунктот на Водно, биле во подготвеност ако затребало.
Пожари на вегетација на отворено според извештаите на регионалните центри за управување со кризи во државата сè уште има, така што и во последното неделно деноноќие имало девет (9) пријавени за запалена нискостеблеста шума и друга вегетација, а пожарникарите гаснеле и отпадоци, ѓубришта и запалени контејнери на отворено на територијата на државата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Новите објекти во Кисела Вода се приклучуваат кон системот за централно греење
Новиот директор на „ЕСМ Дистрибуција на топлинска енергија“, Петар Милетиќ, оствари средба со засегнатите страни со цел да се реши прашањето за приклучување кон системот за централно греење во новоизградените и објектите, кои се во изградба на потегот помеѓу булеварот Борис Трајковски и улиците Михаил Чаков, Народни херои и Лазар Димитров.
„Поради неажурноста и неодговорноста на претходното раководство, топловодот не бил реализиран неколку години, но конечно новото раководство наиде на разбирање и решение за овој проблем со изградба на нов секундарен топловод“, велат од ЕСМ.
Се додава дека со изградбата на секундарниот топловод ќе се создадат услови за приклучување кон системот за централно греење. Инвеститорите на објектите во согласност со своите обврски, конечно, ќе може да ја завршат постапката за приклучување на објектите кон системот за централно греење.
Во согласност со одобрението за градење бр. 13-2942/3 од 24.7.2024 година и правосилност од 3.9.2024 година издадено од страна на Општина Кисела Вода, „ЕСM Дистрибуција на топлинска енергија’ ДООЕЛ Скопје ќе почне со изградба на нов секундарен топловод А3.010 од постојна шахта 010 на вод АЗ, делница 005, за планирани објекти според ДУП Ј13 за населбата 11 Октомври, Скопје.
Исто така, како што се додава Милетиќ, во најкус временски период потпиша 27 согласности за испорачување на топлинска енергија во новоизградените објекти.
„Граѓаните може да бидат спокојни. Активностите ќе се изведуваат експедитивно, без застој и навремено, тоа јавно го ветувам“, истакна директорот Милетиќ.
Скопје
Изминатата седмица санкционирани 94 непрописно паркирани возила во општина Центар
ЈП Паркинзи на Општина Центар и Општина Центар во соработка со Сообраќајната полиција-Скопје во периодот од 09.09. до 15.09.2024 година, со помош на специјалните возила „Пајак“ отстранија 94 непрописно паркирани возила кои го попречувале нормалното и безбедно одвивање на сообраќајот.
„ЈП ПОЦ и Општина Центар континуирано ќе ја спроведуваат оваа мерка со цел да се доведе во ред сообраќајниот хаос и проблемот со непрописното паркирање на комерцијалните и резидентните паркиралишта и улици на територија на Општина Центар“, велат оттаму.
Скопје
Делови од Чаир без струја
Од ЕВН Македонија АД известуваат дека без електрична енергија ќе останат:
– во периодот од 08.00 до 13.00 часот, корисниците од улиците Славеј Планина, Кримска, Прохор Пчински и Топаанска (општина Чаир).