Спорт
Гвардиола: Што мислите, ние не сакаме Халанд долго време да биде во клубот?
По пишувањата во шпанските медиуми дека Ерлинг Халанд не е среќен во Манчестер сити, се огласи менаџерот Пеп Гвардиола. Предводникот на „граѓаните“ рече дека клубот би сакал да го задржи Норвежанецот подолг временски период.
„Што мислите? Дека ние не сакаме Ерлинг да остане овде една деценија? Сакаме долго да биде во клубот. Ние сме заљубени во него.„Ништо нема да се случи врз основа на една објава на Твитер, еден текст од новинар, ќе се случи кога Ерлинг ќе реши да го продолжи договорот или не, кога клубот ќе го одлучи истото, кога ќе имаме потенцијални понуди итн.“, вели Гвардиола. и додава:
„Ако некој го сака Ерлинг, тоа е едноставно. Јавете се во Сити и прашајте. Така правиме ние кога сакаме да донесеме некого. Не е ништо покомплицирано од тоа. Што се однесува до останатото, ако треба да коментираме за секоја вест од различни извори, никогаш нема да ја завршиме прес-конференцијата“.
Халанд им се приклучи на „граѓаните“ во 2022 година, со клубот ја освои тројната круна. Оваа сезона нема среќа со повредите. По пауза од два месеци в тимот се врати минатата недела во победата од 3:1 над Барнли.
„Неговото влијание врз нашата игра беше неверојатно. Не знам што ќе се случи во иднина, но среќни сме што го имаме“, заклучи Гвардиола.
Екипата на Манчестер сити вечерва игра со Брентфорд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Хет трик на Довбик – Џирона со седм гола ја испрати Гранада во Сегунда
Во вториот натпревар од последното 38. коло на шпанската Примера, фудбалерите на Џирона ја декласираа Гранада со 7:0.
Џирона во голем стил ја заврши најуспешната сезона во клупската историја. Екипата од Каталонија е трета на табелата и наредната сезона ќе игра во Лигата на шампионите.
Три гола постигна Украинецот Артем Довбик, кој сега е прв стрелец во лигата со 24 гола, еден повеќе од Норвежанецот Александар Серлот од Виљареал.
Во победата два гола постигна вториот Украинец Циганков, односно Гарсија и Стуани.
Спорт
Реал го прегази Олимпијакос, ќе ја брани титулата против Панатинаикос
Реал Мадрид ќе ја брани титулата в недела против Панатинаикос, откако во второто полуфинале на завршниот турнир во Берлин го победи Олимпијакос со 87:76 (28:10, 28:27, 15:21, 16:18).
Во второто полуфинале немаше никаква неизвесност. Слично како и во првото полуфинале, работите беа решени во рната фаза од натпреварот. Реал, во првата четвртина со шест тројки го торпедираше кошот на Олимпијакос и во вториот период влезе со предност од 18 поени.
Во ист ритам Реал продолжи и во втората четвртина, во која дојде до највисоката преднотс (54:29).
Олимпијакос се разбуди во второто полувреме, во еден момент, во последната четвртина со доближи на негатива од само осум поени, но Реал лесно го одби тој напад и на крајот заслужено победи.
Џанан Муса го предводеше Реал со 20 поени, Марио Хезоња постигна 12, а Гершон Јабуселе и Винсан Поарије по 11.
Кај Олимпијакос се истакнаа Алек Питерс постигна 23 со 10 скока, Шекил Мекисик 17, а Најџел Вилијамс-Гос 15 поени.
Финалниот натпревар Реал-Панатинаикос ќе се одигра в недела од 20 часот.
Спорт
Пандев во „Тимот на светот“, ќе игра против Романија 1994
Тимот на светот утре во Букурешт ќе одигра ревијален натпревар против „златната генерација“ на романскиот фудбал која остави фантастичен впечаток на СП 1994.
На Светското првенство во 1994 година Романија стигна до четвртфиналето.
Дел од тимот на светот ќе биде и Горан Пандев. Во овој тим се меѓудругите Дида, Маикон, Стоичков, Ривалдо, Панучи, Маркос Сена, Савиола, Карембе…
Во тимот на Романија ќе бидат Попеску, Димитреску, Лакатуш, Прунеа, Лупеску, Мунтеану, Дан Петреску…