Свет
Борел: Украина останува главен приоритет на Европската унија
Високиот претставник на Европската унија за надворешна политика и безбедност Жозеп Борел изјави дека Украина останува главен приоритет на Европската унија.
„Украина останува наш главен приоритет. Пакетот помош во вредност од 50 милијарди евра ќе овозможи одржлива финансиска поддршка од Европската унија“, рече Борел на заедничката прес-конференција со украинскиот министер за надворешни работи Дмитро Кулеба во Киев.
Тој додаде дека Украина мора да победи во војната против Русија.
„Војната мора да се добие за да се добие мирот“, рекол Борел, пренесува Танјуг.
Според него, руската агресија е „напад врз постоењето на Украина и нејзиниот народ“.
„Тоа исто така претставува директна закана за безбедноста на Европа како целина. Затоа, мораме да ве поддржиме, не само колку што е потребно, туку и да обезбедиме се што е потребно“, му рекол Борел на својот украински колега.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Никола Саркози го критикуваше повикот на Макрон за предвремени избори, предупредува на „хаос“
Поранешниот француски претседател Никола Саркози го критикуваше актуелниот претседател Емануел Макрон за распишувањето предвремени избори за парламентот, оценувајќи дека тоа претставува голем ризик за земјата и за претседателот.
Саркози, кој беше претседател на Франција од 2007 до 2012 година, во интервју за „Журнал ди диманш“ изјави дека одлуката на Макрон може да ја турне земјата во „хаос“ од кој ќе биде тешко да се излезе, пренесува Еурактив.
Зборувајќи за лидерите на десницата, Саркози оцени дека лидерот на Националното собрание, Џордан Бардела е неискусен и дека ќе мора да го компензира недостатокот на искуство, бидејќи никогаш не бил во позиција да раководи со нешто и дека Ерик Чиоти, кој неодамна беше сменет од функцијата претседател на Републиканската партија (ЛР), требаше повеќе да се консултира со сопартијците.
Свет
Четири лица загинаа во одрон во кинеската провинција Фуџијан
Четири лица загинаа, а две се водат за исчезнати во лизгање на земјиште во кинеската провинција Фуџијан, на југоистокот на земјата, јавува кинеската државна телевизија CCTV.
Обилните дождови кои започнаа во неделата попладне предизвикаа лизгање на земјиштето во кое се урнаа 378 куќи, пренесува Ројтерс.
Локалните власти ангажираа служби за итни случаи, а метеоролошката служба ги окарактеризираше врнежите како „екстремни“.
Свет
Истражување: Рекорден број луѓе во светот избегнуваат да следат вести
Рекорден број луѓе ширум светот избегнуваат да ги следат вестите, покажа истражувањето на Институтот Ројтерс на Универзитетот Оксфорд.
Како што е наведено, 39 проценти од испитаниците од 47 земји рекле дека понекогаш или често активно ги избегнуваат вестите, додека во 2017 година, 29 проценти од учесниците во истражувањето го дале овој одговор.
Околу 46 отсто од луѓето одговориле дека се многу или екстремно заинтересирани за вести, наспроти 63 отсто во 2017 година, пренесува Би-би-си.