Спорт
(Видео) „W15 Е“, последниот болид на Хамилтон во Мерцедес
![](https://makfax.com.mk/wp-content/uploads/2024/02/mercedes-w15-2024-image-1.jpg)
Тимот на Мерцедес го претстави новиот болид „W15 E“, пред тестирањето во Силверстоун. Мерцедес на социјалните мрежи го сподели последниот болид што Луис Хамилтон ќе го вози за овој тим пред да се пресели во Ферари.
„Минатата недела беше емотивна. Му се приклучив на тимот во 2013 година. Овде сум 11 години, влегов во 12. Привилегија е да работам со оваа група луѓе, нивната напорна работа во текот на зимата доаѓа заедно со автомобилот. Тоа е највозбудливиот дел од сезоната, кога сите ги промовираат новите болиди. Возбудливо е да ги испробуваме на патеката“, рече Хамилтон.
Тимот се соочува со големи предизвици иако заврши на второто место во конструкторскиот поредок.
„Нема чуда во овој спорт. Нашите амбиции и намери се силни. Добро напредуваме кон тоа. Имавме неколку приоритети за овој болид, ќе видиме дали го направивме вистинскиот чекор”, изјави директорот на тимот Тото Волф.
На веб-страницата на германскиот тим се наведува дека новиот болид е изграден на искуството од претходните две сезони и му овозможува на тимот да направи големи промени. Меѓу нив наведуваат нова шасија и менувач.
„Фокусот беше и на поправање на непредвидливата задна оска на претходниот болид. Тимот работеше напорно за да се осигура дека двете оски, особено задната, одржуваат подобра контрола на гумите отколку што беше случајот со „W14“, се вели во соопштението на нивната веб-страница.
Хамилтон, заедно со клупскиот колега Џорџ Расел, ќе имаат можност веднаш да го тестираат новото возило, пред претсезонските тестови во Бахреин следната недела.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Белгија ја запиша првата победа на ЕП
![](https://makfax.com.mk/wp-content/uploads/2024/06/12320148.jpg)
Фудбалската репрезентација на Белгија ја победи Романија во последниот натпревар од деветтиот ден на ЕП. Во Е групата Белгија победи со 2:0 (1:0). По две кола, сите селекции во Е групата имаат по три бода.
Белгија поведе по само 73 секунди игра. Стрелец беше Тилеманс, со најбрзиот гол на Белгија на големите натпреварувања.
Следеа шанси за Белгија, која доминираше, но Ница блескаше на голот на Романија. Свои шанси имаше и Романија, но и Кастелс беше располошен на голот на Белгија.
Романците поагресивно влегоа во вториот дел. Имаа две пристојни шанси во првите десет минути, но не извлекоа ништо корисно од тоа.
Пото Белгија повторно ја презеде контролата. Во еговиот гол го поништи ВАР поради офсајд.
Дилемите околу победникот ги реши Кевин де Брујне во 80.минута.
Гол-разликата ги држи Романците на првото место, а потоа следат Белгија, Словачка и Украина.
Во третото коло од групата Е се среќаваат Словачка и Романија и Украина и Белгија. Тие натпревари се закажани за среда на 26 јуни од 18 часот.
Спорт
Капитенот на Реал се сели во Саудиска Арабија
![](https://makfax.com.mk/wp-content/uploads/2024/06/012735534003.file_.jpg)
Начо Фернандез (34) по 23 години го напушта Реал, кариерата че ја продолжи во Ал Кадсија.
Фабрицио Романо објави дека поранешниот капитен на Реал веќе ги поминал лекарските прегледи и ќе потпише договор за саудискиот клуб на две години.
Начо пристигнал во Реал во 2001 година од АД Комплутенсе на 11-годишна возраст. Како сениор со Реал ги освои сите значајни клупски трофеи, шест пати ја освои Лигата на шампионите.
Спорт
(Фото) Поради селфиња со Роналдо четири пати во прекин беше натпреварот Португалија-Турција
![](https://makfax.com.mk/wp-content/uploads/2024/06/12319756.jpg)
Португалија без проблеми се справи со Турција во второто коло од групата Ф на ЕП. Португалија победи со 3:0 и го обезбеди првото место во Ф групата.
Покрај одличната игра на Португалија, комичниот автогол на Ајкадин, натпреварот во Дортмунд го одбележа и неверојатно лошата организација на службата за обезбедување.
Четири пати во текот на натпреварот, навивачи влегуваа на теренот за да дојдат до Кристијано Роналдо и да направат селфи со него.
Секако, според правилата на УЕФА, секој од тие упади не беа прикажани во ТВ пренос, но според реакциите од трибините, навивачите беа лути поради егзибициите на оние кои во второто полувреме постојано го прекинуваа натпреварот со што го нарушуваа ритамот на натпреварот.
Што се однесува до стјуардите, тие имаа малку трпение во првите три упади, но во последниот применија сила и грубо го изведоа натрапникот надвор од стадионот.