Спорт
Баерн во Рим, ПСЖ домаќин на Реал Сосиедад
Вечерва на програмата се нови два натпревари во осминафиналето на Лигата на шампионите. Баерн во Рим му гостува на Лацио, а ПСЖ ќе го пречека Реал Сосиедад. Вчера, фудбалерите на Манчестер сити победија во Копенхаген со 3:1, додека Реал Мадрид во Германија го совлада Лајпциг со 1:0.
Фудбалерите на Лацио од 21 часот го пречекуваат тимот на Баерн во првиот осминафинален натпревар од Лигата на шампионите.
Баерн првата фаза од Лигата на шампионите ја заврши на првото место на табелата во групата А со пет победи и едно реми. Фудбалерите на Лацио го освоија второто место во групата Е со 10 бодови.
Изминатиот викенд фудбалерите на Баерн беа поразени од Баер Леверкузен со 3:0 на гостински терен во дерби натпреварот од 21. коло на Бундес лигата и моментално се на второто место на табелата во германскиот шампионат.
„Никогаш не сум играл против Лацио, со нетрпение го чекам овој предизвик. Лацио е голем клуб со одлични навивачи. Тие имаат многу искусен тренер кој секогаш е подготвен да ве изненади“, изјави тренерот на Баерн, Томас Тухел.
Лацио, во Серија А се наоѓа на скромното осмо место со 37 бодови, а во последното коло од италијанското првенство римскиот клуб го победи Каљари со 3:1 на гостински терен.
„Ќе биде многу тежок натпревар, но мораме да му пристапиме знаејќи дека победата не е невозможна. Баерн е фаворит, тие секогаш се силни во Лигата на шампионите, а ние ќе мора да играме со многу самодоверба“, рече тренерот на Лацио, Маурицио Сари.
Баерн и Лацио играа во осминафиналето на Лигата на шампионите во сезоната 2020/2021, Баварците победија на двата меча (4:1, 2:1).
Реваншот меѓу Баерн и Лацио се игра на 5 март во Минхен.
Фудбалерите на ПСЖ, во истиот терминт го пречекуваат тимот на Реал Сосиедад.
Реал Сосиедад беше најпријатното изненадување во групната фаза ЛШ. Клубот од Сан Себастијан го освои првото место во групата Д со 12 бодови, односно со три победи и три нерешени.
Реал Сосиедад не брилјира оваа сезона во шпанската Ла Лига, бидејќи се наоѓа на седмото место на табелата со 37 бодови. Последната победа во Ла Лига овој клуб ја забележа на 20 јануари против Селта (1:0).
ПСЖ ја заврши првата фаза од ЛШ натпреварувањето на второто место на табелата во групата Ф со осум поени и се пласира во нокаут фазата благодарение на подобриот скор со Милан.
На последните шест натпревари во францускиот шампионат, ПСЖ запиѓа пет победи и едно реми.
Клубот од Париз е убедливо на првото место на табелата во францускиот шампионат, со дури 11 бодови повеќе од второпласираната Ница.
Реваншот помеѓу Реал Сосиедад и ПСЖ ќе се одигра на 5 март во Сан Себастијан.
Во вторник на 20 февруари играат Интер – Атлетико Мадрид и ПСВ – Борусија Дортмунд, а ден подоцна ќе се сретнат Порто – Арсенал и Наполи – Барселона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Тиквеш го освои Купот на Македонија
Foot/ ffm.mk
Фудбалерите на Тиквеш испишаа историја и за прв пат во историјата го освоија Купот на Македонија. Исто така, оваа победа им овозможи на кавадарчани првпат да учествуваат во европските купови, тие ќе играат во квалификациите во Конференциската лига.
Во финалето кое се одигра на Националната Арена националниот стадион „Тодор Проески“ во Скопје ја совлада Воска Спорт со 2:1.
Тиквеш поведе преку Кристијан Стојкоски, кој постигна одличен гол од слободен удар во 41. минута.
Tikves markiert in der 41. Minute das 1:0 per Freistoß https://t.co/nOamIuabKS pic.twitter.com/GoNMIrOQ4K
— Makedonien.mk (@makedonien_mk) May 22, 2024
По еден час игра, Бразилецот Луан Силва зголеми на 2:0, за голема радост на 10.000 навивачи кои од Кавадарци дојдоа во главниот град да го бодрат својот тим.
#Tikves erhöht in der 59. Minute nach Eckball auf 2:0 https://t.co/ZgXE2lTKNk pic.twitter.com/pneNaK7TJI
— Makedonien.mk (@makedonien_mk) May 22, 2024
Голот за надеж за Воска го постигна Никола Саркоски во 77. минута, но охриѓани немаа сили да се вратат во мечот.
Со ова Тиквеш ја заокружи најуспешната сезона во клупската историја, во првенството овој тим го освои четвртото место.
Спорт
(Видео) Гасперини го надмудри Алонсо, Лукман со хет-трик го растури Баер, Аталанта ја освои Лига Европа
Фудбалерите на Аталната го освоија првиот европски трофеј во клупската историја. „Ла Деа“, во финалето во Даблин, го победи Баер Леверкузен со 3:0. Хет-трик постигна Адемола Лукман, кој го совлада Ковар во 12., 26. и 75.минута. Аталанта со победата во финалето стави крај на европскиот рекорд на Баер, играчите на Чаби Алонсо до овој меч немаа пораз на 51 натпревар.
Спорт
Борусија сите вработени ќе ги носи на финалето со Реал
Борусија Дортмунд на 1 јуни на „Вембли“ ќе го игра финалето од Лигата на шампионите против Реал Мадрид, а челниците на германскиот тим покажаа зошто популарните „милионери“ се голем клуб и колку се грижат за луѓето, кои се дел од целиот проект.
Сите вработени во клубот, на број се 519, ќе бидат специјални гости на мечот за највредниот трофеј во клупскиот фудбал. Сите трошоци ќе бидат на товар на Борусија.
На трибините ќе бидат сите од хигиеничарките до директорите.
На овој начин клубот сака да изрази благодарност за сето она што го прават секојдневно и придонесуваат за успехот на Борусија.
Освен тоа, „милионерите“ во Лондон ќе ги однесат сите членови на нивната младинска школа од 12 до 19 години, за да бидат дел од големиот спектакл.
Борусија Дортмунд последен пат беше во финалето на Лигата на шампионите во 2013 година кога токму на „Вембли“, загуби од Баерн (2:1).