Фудбалерите на Лацио и Рома ремизираа (1:1) на „Олимпико“ во дербито на италијанската престолнина. Стрелци на натпреварот од 32. коло беа Алесио Ромањоли во 47. минута за небесносините, и Матиас Суле за „волчицата“ во 61. минута.

Двата тима со различни планови влегоа во натпреварот, Лацио сакаше да игра со топката, а Рома сакаше да го спшти темпото на играта и од дефанзивниот блок да бара можност за контранапад.

Гол на Лацио во првиот дел и тоа во раната фаза на мечот спречи Миле Свилар. Голманот на Рома брилијантно интервенираше по обидите на Алесио Ромањоли и Густав Исаксен. .

Свилар беше немоќен на стартот од вториот дел, во 47. минута, кога Ромањоли со глава погоди во центаршутот на Лука Пелегрини.

Alessio Romagnoli rises above everyone and smashes in a powerful header! A goal from the heart of defense. Lazio celebrate in style at the Olimpico! 🦅💙

Video Courtesy : Serie A #SerieA #Lazio #AlessioRomagnoli pic.twitter.com/poegI7FMSJ

— STARZPLAY | ستارزبلاي (@STARZPlayArabia) April 13, 2025

Рома потоа се разбуди, голманот Мандас го одбрани ударот на Манчини, а во 61. минута, кога Матиас Суле постигна спектакуларен гол.

Matías Soulé steps up and delivers a stunning goal for AS Roma! ⚽💫 His composure and flair were on full display. Fans rise to celebrate the new star in red and yellow! ❤️💛

Video Courtesy : Serie A #SerieA #ASRoma #MatíasSoulé pic.twitter.com/JEGNJScnNy

— STARZPLAY | ستارزبلاي (@STARZPlayArabia) April 13, 2025

Лацио беше поблиску до победа, Свилар продолжи добро да се брани, а Тијани Нослин ја пропушти последната шанса за победа во 92.минута.

Две екипи се борат за место во европските натпреварувања, Лацио е шести со 56 бодови, додека Рома е седма со два бода помалку.

Марк Маркез ја продолжува доминацијата од почетокот на сезоната. Возачот на Дукати победи на трката за Големата награда на Катар пред изненадувањето Маверик Вињалес од КТМ и тимскиот колега Франческо Бањаја. Трлата во Катар ја обележаа глупостите што ги направи помладиот Маркез, Алекс и падот на актуелниот шампион Хорхе Мартин, кој потоа заврши на медицински испитувања.

Марк Маркез, осумкратен светски првак, на првите четири викенди во Мото ГП осовои четири пол-позиции, забележа четири победи во спринт трките и три во главните трки.

Маркез се мачеше на „Лусаил“, бидејќи беше сериозно предизвикан, но одговори на предизвикот и на крајот убедливо победи.

Франко Морбидели од тимот на Валентино Роси на стартото го презеде водството, откако Алекс удри во мотоциклот на својот брат Марк. Низ поредокот успешно се проби Вињалес, како и Бањаја кој стартуваше од 11. место.

Во четвртиот круг помладиот Маркез направи нова глупост, проба невозможен маневар, удри во Диџанантонио го исфрли од патеката во моментот кога Италијанецот беше четврти во поредокот.

Алекс доби казна „долг круг“, но на Диџа му ја упропасти трката.

Недолго потоа, Бањаја стигна до третото место, успеа да престигне Маркез, но во наредниот круг Марк си ја врати позицијата. Борбата на возачите на Дукати ја искористи Вњалес, се проби на второто место, а потоа на почетокот на 11. круг, тој и Макр Маркез го престигнаа Морбидели, а по два кривини истото го направи и Бањаја.

До крајот следуваше борбата за првото место, откако Бањаја се задоволи со реттата позиција. На осум круга до крајот Маркез ја искористи грешката на Вињалес се врати на првото место и тука остана до крајот.

Зад најдобрите тројца се пласираа Морбидели, Жоан Зарко, возачот на Гресини Фермин Алдегер, Алкес Маркез, Фабио Квартаро на Јамаха, Педро Акоста и Марко Бецеки.

Марк Маркез сега е на чело на генералниот поредок со 123 бода, 18 повеќе од неговиот помлад брат, додека Бањаја е трет со 93 бода.

Шампионатот во Мото ГП продолжува со Големата награда на Шпанија во Херез од 25 до 27 април.

Еден од најдобрите хртватски фудбалери во историјата, Звонимир Бобан се врати во Динамо Загреб, потврдија од клубот на социјалните мрежи.

„Сините“ објавија фотографија од поранешниот капитен со порака од претседателот Велимир Зајец.

„Љубовта кон единствениот клуб не познава граници, Љубовта кон единствениот клуб не познава пречки. Љубовта кон клубот ги обединува сите оние кои го сакаат овој клуб. Денеска ја поканив нашата сина легенда активно да се врати во хрватскиот фудбал, во нашиот Динамо. Откако го демократизиравме нашиот клуб, Звоне Бобан ја прифати поканата да се врати во својот Динамо“ и додаде:

„Звоне, добредојде дома“.

Засега не се знае точно каква функција ќе извршува Бобан, а за тоа ќе се разговара во наредните денови.

Бобан играше за Динамо помеѓу 1985 и 1991 година. Потоа следеше децениски мандат во Милан со кратки паузи и позајмици во Бари и Селта.

За Хрватска одигра 49 натпревари, а претходно седум за Југославија. Ја предводеше Хрватска до бронзениот медал на Светското првенство во 1998 година во Франција.