Спорт
Тажна вест во Порто по големата победа во Лигата на шампионите
![](https://makfax.com.mk/wp-content/uploads/2024/02/footbalium.com-242-1024x576-1.jpg)
Порто синоќа забележа победа над Арсенал, во првиот осминафинален натпревар во Лигата на шампионите. Португалците славеа со голот на Галено во 94.минута. Ноќ по големата победа, Порто објави тажна вест.
Артур Жорж Брага де Мело Тешеира, поранешен тренер кој со Порто го освои Купот на шампионите во 1987 година, почина на 78-годишна возраст.
Во изјавата на неговото семејство, која ја пренесе „Абола“, се нагласува дека тој починал како последица на долго и тешко боледување.
Во текот на својата кариера, од 1965 до 1978 година, Артур Жорж играше за Порто, Бенфика, Белененсес и Академика.
Како тренер, најголемиот успех со Порто го постигна во 1987 година, кога ги предводеше „змаевите“ до трофејот во Купот на шампионите, победувајќи го Баерн во финалето (2:1), со антолигискиот гол на Алжирецот Маѓер.
Освен Порто, меѓу другите клубови, како тренер ги водеше и Бенфика, ПСЖ, ЦСКА Москва, Тенерифе, Витесе… Кратко време беше селектор и на Швајцарија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Милиони за канадскиот кошаркар Мареј
Канадскиот кошаркар Џамал Мареј доби нов договор од Денвер Нагетс.
Соиграчот на Никола Јокиќ ќе добие 209 милиони долари од поранешниот шампион во НБА во следните четири години.
Тоа е максимален договор за поранешниот студент од Кентаки кој минатата сезоната имаше просек од околу 21 поен, 6 асистенции и 4 скока.
Мареј беше избран од Нагетс на драфтот во 2016 година од седмата позиција и во 2023 година беше дел од тимот кој стана шампион во НБА.
Спорт
Монако со ново засилување
Монако претстави ново засилување, а тоа е Вито Браун, поранешниот кошаркар на Пинар Каршијака.
Браун, кој ги покрива крилните позиции на центарот, потпиша двегодишен договор со тимот на Саша Обрадовиќ, а следната сезона во Евролигата ќе биде негово деби.
Досега имаше искуство само во европските натпреварувања во Лигата на шампионите на ФИБА.
Кариерата ја изгради преку развојната лига во Америка, а потоа замина во Европа, каде играше за Ле Ман, а потоа и за Реал Бетис.
Во Пинар Каршјак пристигна во 2022 година, каде запиша две солидни сезони. Во Лигата на шампионите на ФИБА, тој имаше просек од 13,3 поени со 4,6 скока.
Монако досега го доведе само Ник Калатес, но исто така направи добра работа во тимот бидејќи Мајк Џејмс и Џејрон Блосомгејм потпишаа нови договори.
Спорт
Англија со засилување
Бекот Лук Шо засилување за Англија во продолжението на Евро 2024 година.
В недела во Гелзенкирхен во осминафиналето Англиската селекција за противник ќе ја има Словачка.
Шо ги пропушти сите натпревари во групната фаза затоа што не беше во кондиција за настап, поради проблем со грбот, па од февруари беше надвор од терените.
Сепак, се чини дека сега се е во најдобар ред и дека на него ќе може да смета и селекторот Герет Саутгејт.
Кога играчот на Манчестер Јунајтед беше прашан дали е блиску до настап на турнирот, Шо им даде краток одговор – „во следниот натпревар“.
Ова секако е добра вест за Ерик тен Хаг и Манчестер Јунајтед, кои не можеа да сметаат на искусниот дефанзивец во вториот дел од сезоната.
Натпреварот меѓу Англија и Словачка се игра на 30 јуни од 18 часот