Македонија
Џафери: Геополитичката позиција и економските политики нè прават атрактивен избор за инвестиции

Претседателот на Владата на Република Северна Македонија, Талат Џафери, учествува на инвестицискиот самит за Западен Балкан на Европската банка за обнова и развој, придружуван од вицепремиерот задолжен за економски прашања, Фатмир Битиќи, и министерот за финансии, Фатмир Бесими.
На самитот премиерот Џафери учествуваше во дискусијата на премиерскиот панел, на кој учествуваа премиери од Западен Балкан, премиерот на Црна Гора – Милојко Спаиќ, премиерката на Република Србија – Ана Брнабиќ, претседавачот на Советот на министрите на Босна и Херцеговина – Борјана Кришто, премиерот на Република Косово – Аљбин Курти, премиерот на Албанија – Еди Рама, и домаќинот на самитот, претседателката на ЕБОР – Одил Рено-Басо.
На првиот дел од дискусијата премиерите дискутираа на темата, „Зошто странските инвеститори би инвестирале во земјите од регионот“, на што премиерот Џафери истакна:
„Сведочиме на многубројни промени, кризи, конфликти со директен ефект врз сите глобални економии. Тука произлегува првиот одговор на прашањето зошто странските инвеститори би инвестирале во Северна Македонија, а тоа е поради нарушувањето на глобалните доставувачки синџири. Поради близината до европските центри, Северна Македонија е една од дестинациите за воспоставување производство. Имаме добра локација, добри врски и пристаништа блиску до нас, како Солун и Драч, па за кратко време производот произведен кај нас може да стигне до друга земја, односно до крајната дестинација.
Вториот аргумент е стабилната состојба на макроекономски и фискален план, интензивниот процес на хармонизација на домашното со законодавството на ЕУ, поволното деловно опкружување и добро развиените програми за поддршка за инвеститорите. Тука ја вклучуваме и стимулативната даночна политика, меѓу другото, и преку склучување договори за одбегнување на двојното даночење и даночната евазија. Северна Македонија нема закони што ги дискриминираат странските инвеститори, ние ги сметаме за наши – бидејќи сите придонесуваат за иста цел – подобрување на квалитетот на животот на граѓаните.
Трет аргумент се значителните стимулации за компаниите што работат кај нас. Тие вклучуваат разни мерки, и тоа: субвенции за отворање работни места и за капитални инвестиции, субвенции до 50 % од прифатливите инвестициски трошоци за истражување и развој и поддршка на извозниците. Ниското ниво на даночење на добивките на корпоративниот сектор и доходот на физичките лица, односно 10 % стапка на корпоративниот данок и на данокот на личен доход, стимулира раст на економската активност и инвестициите. Кај нас успешно оперираат повеќе технолошки индустриски развојни зони, кои се особено атрактивни за странските инвестиции.
Нашата држава предводи во регионот со имплементирани закони и подзаконски акти, кои се целосно усогласени со Европската енергетска заедница, со кои е овозможена либерализација на енергетскиот пазар. Почнавме преговори со Европската Унија и членка сме на НАТО. Тоа нуди стабилност. Имаме склучено договори за слободна трговија со ЕУ (27 земји), ЕФТА (4 земји), ЦЕФТА (7 земји), билатерална слободна трговија со Турција, Украина и Обединетото Кралство“.
Во вториот дел од панелот премиерите ги дискутираа приоритетите на владите од регионот, како и прекуграничните соработки, на што премиерот Џафери нагласи:
„Република Северна Македонија, по донесувањето на Законот за енергетиката, практично го либерализира пазарот на енергетското поле. Во тој контекст е атрактивна за инвестиции од обновливи извори имајќи предвид дека земјата во текот на годинава има над 250 сончеви дена. И има можности за искористување на силата на ветерот за да може и тој извор да се користи. Од особено значење е електроенергетската поврзаност со соседите. Во тек е проектот за поврзување со Република Албанија и со тоа фактички се завршува процесот на електроенергетско поврзување со сите соседи.
Патната инфраструктура, со тоа и железничкиот дел од таа инфраструктура, е од особено значење имајќи предвид дека во тек се изградбите на железничката пруга Куманово – граница со Бугарија и со тоа се поврзуваме понатаму и со инфраструктурата со Бугарија. Коридорот 8 и дел од Коридорот 10 д, кој овозможува поврзување на релација Јон-Адријатик – Црно Море. Од геостратешки аспект е значењето на овој коридор, особено во однос на потребите од НАТО-контекст во потребите за движење и комуникација во логистичка смисла, а пропо состојбите во регионот на Црното Море, секако и на Блискиот Исток.
Во однос на енергетиката, секако се работи на интерконекторот, гасното поврзување со Грција, односно со Република Србија, и тоа е во контекст на внатрешната потреба за гасификација на Република Северна Македонија и во тој контекст се и проекциите за тоа поврзување.
Тоа се во главно проектите. Некои од проектите ги спомна, како што е поврзувањето со Република Косово, премиерот Курти. Во нашиот дел, значи, до половина, стои како обврска и е потпишана билатерална спогодба и делот од Коридорот за поврзување на Коридорот 8 со автопатот Арбен Џафери делницата, финансиски средства се обезбедени. Во тек е постапката за избор на изведувач и да почне доградбата на таа делница. Целиот регион се поврзува автопатски и тоа придонесува да брзината на комуникација и во економска смисла, односно на она што би биле инвестиции и во нашиот дел. Низата други, помали проекти, не е ниту место ниту потреба таксативно да се спомнуваат, но има доста проекции што се во тек и кои се интересни за присуство на странски инвеститори, кои се добредојдени“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„Влен“ најави нова болница во Кичево, инвестиција од 47,5 милиони евра

Кичево ќе има нова, целосно модерна болница, достојна за 21 век и за граѓаните кои живеат со гордост, достоинство и доверба во оваа земја, изјави Беким Сали од ВЛЕН.
„Инвестицијата од 47,5 милиони евра во Кичево ќе овозможи изградба на регионален центар по европски стандарди, со нова модерна инфраструктура, најсовремена медицинска опрема и услови што инспирираат безбедност и доверба кај пациентите и стручниот персонал. Тоа ќе биде болница каде што здраството се среќава со етиката, каде што професионализмот се среќава со почитта и каде што услугата не е привилегија, туку човеково право“, рече Сали.
Тој додаде дека граѓаните од Кичево, Македонски Брод, Пласница, Зајаз, Вранештица, Демир Хисар и пошироко ќе гравитираат кон овој здравствен центар, и за прв пат по многу децении ќе се чувствуваат рамноправни, застапени и згрижени.
Сали, исто така, кажа дека само во Тетово, инвестицијата во подобрување на болничката инфраструктура достигнала 77,5 милиони евра, што вклучува изградба на два нови објекти, реновирање на блокот за хирургија и интерна медицина, како и нов Медицински факултет.
Македонија
Сиљановска-Давкова: Мора да се спротивставиме на омразата кон навивачите

Мора да се спротивставиме на омразата кон навивачите, да ја негуваме и облагородуваме, да учиме и да учиме како да навиваме, односно како да не навиваме, да ја интензивираме битката против предрасудите и судирите меѓу „различните“, мора да се запознаеме, мора да го спречиме излевањето на омраза, мора да реагираме на време, мора да ги третираме актите на омраза, мора да ги санкционираме, вели претседателката Гордана Сиљановска – Давкова, по навредливите скандирања на кошаркарскиот натпревар во Куманово, којшто се одржа викендов.
Таа додава дека страсното навивање не е навредливо или агресивно, за навивање не ви е потребна ниту азбука, како спортско уживање, навивачка писменост, бидејќи Пирова е спортска победа ако по неа следи физичка или вербална агресија.
„(Не)научена лекција
Средината на јули, на натпреварот помеѓу Шкендија и велшкиот шампион ТНС, со расистички навреди кон фудбалерот Арманд Оте, го шокиравме целиот спортски свет, но и поширокиот свет, кој со право праша: Како е можно невенчан навивач емоционално да скрши голем фудбалер до солзи, посегнувајќи по говор на омраза на расна основа?
Срамот падна врз сè: врз домаќинот, врз клубот, врз присутните, врз градот, врз земјата, врз спортот! Логичкиот заклучок беше: „Таквото однесување не смее да се толерира на ниту еден стадион, во ниту еден спорт, од никого и никогаш.“
И… заради нашата, којзнае како, спортска неписменост, со право да не ги ублажиме реакциите на ужасниот инцидент на кошаркарскиот натпревар во Куманово, каде што неколку непослушни навивачи испукаа куршуми омраза кон нашите сонародници Албанци, но тоа не ги погоди сите, вклучително и нас самите, и ние сме засрамени.
Неспортски е да се злоупотребува спортскиот терен за „практикување“ говор на омраза, навреди и сатанизација со отровни убиствени скандирања – проектили!
После толку изгубена човечка битка на спортските терени, мора јасно и гласно да кажеме: Никој друг, без разлика каде и со кого се натпреваруваме, не треба да дозволи спортскиот терен да се претвори во гладијаторска навивачка арена.
Секако, првата лекција „како да се навива“ се учи дома, а потоа следат другите: во градинка, во основно училиште, во средно училиште, на факултет, во клуб, на натпревар, во јавност.
Могаи за почеток, пред спрејот, треба да се истури врз преовладувачките пуфки кон ставот дека свирката треба да се постави со мисли и пори, како да се оди десно од мобилните телефони, нема да има битка до смрт, борбата на витезот до заслуженото подалеку, ќебето од публиката се очекува да охрабри, под публиката А ќе може да победи, но другото, ќебето на наградата, не е казна, не е казна.
Да ве потсетам дека срамот нема да падне само врз оние чии гласови болат, зошто не се фаворизирани само оние во салад барот или на теренот, туку и оние кои ги гледаат и слушаат поради нивниот неограничен дофат.
Мора да се спротивставиме на омразата кон навивачите, да ја негуваме и облагородуваме, да учиме и да учиме како да навиваме, односно како да не навиваме, да ја интензивираме битката против предрасудите и судирите меѓу „различните“, мора да се запознаеме, мора да го спречиме излевањето на омраза, мора да реагираме на време, мора да ги третираме актите на омраза, мора да ги санкционираме!
Страсното навивање не е навредливо или агресивно. За навивање не ви е потребна ниту азбука, како спортско уживање, навивачка писменост, бидејќи Пирова е спортска победа ако по неа следи физичка или вербална агресија!“, напиша Сиљановска – Давкова на „Фејсбук“.
Македонија
Клиниката за детски болести доби нов дигитален мобилен рендген-апарат, донација од Јапонија

На Клиниката за детски болести денеска беше промовиран дигитален мобилен рендген-апарат, обезбеден со поддршка од Амбасадата на Јапонија.
„Станува збор за дигитален мобилен рендген-апарат, во вредност над 60 илјади евра. Оваа инвестиција претставува значаен чекор кон подобрување на здравствената грижа за најмладите пациенти. Изразувам длабока благодарност до Амбасадата на Јапонија, а особено до амбасадорката Сецуко Кавахара за нејзиниот личен ангажман и за долгогодишната, пријателска и плодна соработка. Оваа донација е уште еден доказ за силното партнерство меѓу нашите две земји и за вистинската грижа на Јапонија кон градење отпорен и хуман здравствен систем“, изјави државниот секретар во Министерството за здравство, Бесим Мемеди.
Амбасадорката на Јапонија во нашата држава, Сецуко Кавахара, потсети дека во рамките на заедничката соработка веќе се имплементирани над 70 проекти во здравствениот сектор и истакна дека поддршката за оваа клиника значи придобивка за пациентите од целата држава.
Воедно, директорот на Детската клиника, Реџеп Мемеди, се заблагодари за значајниот придонес за унапредување на здравствените услуги во оваа клиника како врвна терциерна установа, која годишно згрижува над пет илјади деца со најсложени здравствени состојби.
„Новата апаратура за нас претставува чекор напред во унапредување на здравствената грижа за најмладите пациенти“, рече Мемеди.