Скопје
Дел од Скопје без струја и вода

Од ЕВН Македонија АД информираат дека поради планирани прекини во електродистрибутивната мрежа без електрична енергија ќе останат следните корисници:
• Во период од 09,00ч до 13,00ч Бул. Партизански одреди зграда бр.64, влез 1 и 2 о. Карпош
• Од 12,00ч до 13,30ч ХЕЦ Маркова Река о. Сопиште
• Од 09,00ч до 10,30ч с. Јаболци, с. Нова Брезница, с. Дражилово, с. Осинчани, с.Малчиште, с.Црн Врв, с Елово, с. Патичка Река, Каменолом Беровиќ и каменолом Рудопроект о. Сопиште;
• Од 10,30ч до 12,00ч с. Говрлево, с. Долно и Горно Соње, с. Чифлик, с Св. Петка, с.Барово и дел од с. Сопште о. Сопшите
• Од 08,00ч до 08,45ч и од 15,00ч до 15,30ч с. Катланово, индустриски објекти на автопатот за Катланово, Катлановска Бања, Летевци, Градманци и Брезница о. Петровец;
• Од 08,00ч до 15,00ч корисниците од ул. Димитар Благоев, ул. Божидар Рајковиќ, дел од Бул. 12-та Македонска Бригада, ул. Благоја Мучето, ул. Тодор Чангов, ул. Дете Татуличе и ул. Ѓорге Андреевиќ-Кун о. Аеродром;
• Од 08,00ч до 13,00ч корисниците од ТС Ванекс, ТСДХЛ Керамика, ТС Феликс, ТС Ролопласт, ТС РСЕ Оптима, ТС Виор Белви, ТС Мотел Белви, ТС Бунар Белви, ТС Чеза Комерц, ТС Интернационал Фуд Базар, ТС Мак Петрол Белви, Бичишки Комерц, Петро Ком и Каз Груп о. Илинден;
• Во период од 09,00ч до 15,00ч корисниците на дел од ул. 11, ул. 1, ул.5 и ул.6 нм Кадино о. Илинден.
Од ЈП Водовод и канализација добивме известување дека на ден 28.02.2024 поради уличен дефект ф-150 мм на бул. Гоце Делчев 9 (во близина на правниот факултет на Универзитет ,,Св. Кирил и Методиј”), прекинато водоснабдување ќе имаaaт корисниците на комплексот „ УКИМ“. Водоснабдувањето ќе биде прекинато од 09:00 часот до завршување и одстранување на дефектот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Градоначалникот Стефковски: Изминатите три години успеавме да го вратиме спортот насекаде во општина Гази Баба

Вчеравечер се одржа првиот тематски настан на тема „Гази Баба за спортот“ на кој беа презентирани постигнатите резултати во областа на спортот во мандатниот период 2021 – 2025 година под раководство на градоначалникот Бобан Стефковски.
Пред присутните во своето обраќање, градоначалникот Стефковски ги истакна реализираните проекти во оваа област, а вооедно и ја најави реализацијата на проектите кои ќе следуваат во следниот период.
„Изминатите повеќе од три години успеавме да го вратиме спортот насекаде низ општина Гази Баба. Инвестиравме во спортската инфраструктура како никогаш претходно. Изградивме 27 спортски терени на најсовремена тартан подлога, а во деновите пред нас ќе изградиме уште 8 нови терени со тартан подлога. Изградивме и 5 спортски терени на подлога од вештачка трева, а за скоро од денес ќе изградиме уште 3 нови терени. За прв пат во општина Гази Баба изградивме 6 фитнес зони, а наскоро ќе изградивме уште 3 нови зони. Преку изградбата на нови училишни спортски сали обезбедуваме услови за реализација на часовите по физичко и здравствено образование. Изградивме училишни спортски сали во Булачани и Стајковци, а во тек е изградбата на нова сала во Црешево. Дополнително изградивме и два нови спортски комплекси во Стајковци и Хиподром кои соддржат терени за различни категории на спорт. Посебно сакам да ја истакнам финансиската поддршката која ја доделува општина Гази Баба на спортските клубови и индивидуалните спортисти. Во изминатите четири години доделивме 40 милиони денари директна финансиска поддршка за спортот во општина Гази Баба“, истакна Стефковски.
Тој пред присутните наведе дека сите спортски клубови и спортисти од Гази Баба се дел од победничкиот тим кој тој го предводи.
„Денес сите ние сме тука како еден голем победнички тим. Во нашиот тим се клубовите од сите категории на спортови, тренерите и играчите, таеквондистите и каратистите, фудбалерите, кошаркарите и други. Тука се и учениците и наставниците. Заедно тренираме и се натпреваруваме, едноставно заедно победуваме. На спортските терени има спортисти кои доаѓаат од различни средини, зборуваат на различни јазици и одат во различни храмови. Но сите овие разлики стануваат неважни, бидејќи сите ние заеднички во победите се радуваме, а во поразите тагуваме“, заклучи Стефковски.
На настанот беа доделени плакети на спортисти од општината кои во изминатиот период имаат постигнато врвни спортски успеси во Република Македонија но и надвор од неа. Плакети во знак на признание добија: Милијана Релиќ, Александар Илиевски, Марко Стојковиќ, Теодор Николовски, Андреј Митревски и Максим Митровски.
За успешна соработка во изминатите години, беа доделени плакети и на претседателите на ракометната федерација, таеквондо федерацијата и атлетската федерација на Македонија, како и на селекторот на ракометната репрезентација на Македонија Кирил Лазаров.
На настанот присуствуваа претставници на сите спортски клубови, спортисти, пратеници во Собранието на Република Македонија, членови на Советот на општина Гази Баба и други граѓани од општината.
Македонија
Герасимовски: „Дебарца” се реконструира, вложуваме во побезбеден и поквалитетен сообраќај

Општина Центар започна со реконструкција на улицата „Дебарца”, на потегот од улицата „Ленинова” до студентскиот дом „Кузман Јосифовски – Питу“. Се реконструира делница во должина од 220 метри, со целосна санација на коловозната површина од 1.700 квадратни метри, како и обновување на тротоарот од едната страна со површина од 1.000 метри квадратни, извести општина Центар.
„Продолжуваме со реконструкција и санирање на повеќе улици во општината согласно зацртаната програма. Приоритет ни е модерна и квалитетно изведена патна инфраструктура за побезбеден и полесен сообраќај”, изјави градоначалникот Горан Герасимовски.
Овој дел од улицата е во амортизирана и дотраена состојба, со сериозни оштетувања што го отежнуваат нормалното одвивање на сообраќајот. Со реконструкцијата значително ќе се подобрат условите за движење и безбедноста, а ќе се придонесе и за поквалитетно урбано уредување на просторот.
Средствата за реализација се дел од поддршката што Општина Центар ја доби од претходната Влада, во износ од 40 милиони денари, наменети за реконструкција на улиците „Светозар Марковиќ“ и „Дебарца“. Според предвидената динамика, се очекува работите да завршат за два месеци, соопштуваат од општина Центар.
Македонија
Изгаснат пожарот спроти Клиничкиот центар во Скопје, изгоре возило

Изгаснат е пожарот спроти Клиничкиот центар во Скопје.
Во пожарот изгоре возило, а густиот чад се гледаше и од центарот на градот.
На терен излегоа полицијата и противпожарните служби.
Повеќе детали се очекуваат во текот на денот.