Свет
Прв пораз на Трамп: Хејли победи на прелиминарните избори на републиканците во Вашингтон

Републиканскиот претседателски кандидат Ники Хејли победи на партиските прелиминарни избори во Вашингтон, со што ја забележа првата победа во претседателската кампања оваа година.
Поранешниот американски претседател и фаворит за републиканска претседателска номинација, Доналд Трамп, во неделата го доживеа првиот пораз на партиските прелиминарни избори бидејќи Хејли победи во Вашингтон, пренесува АП.
Хејли ги освои гласовите на сите 19 делегати во Вашингтон.
Таа рече дека ќе остане во трката за републиканска номинација барем за време на прелиминарните избори во вторник во 16 американски држави.
Портпаролката на Хејли, Оливија Перез-Кубас, изјави дека Хејли станала првата жена што победила на републиканските прелиминарни избори.
Вашингтон е упориште на демократите, со речиси 23.000 регистрирани републиканци во градот, забележува американската агенција потсетувајќи дека актуелниот американски претседател е демократ.
Џозеф Бајден победи во округот Колумбија на претседателските избори во 2020 година со 92 отсто од гласовите.
Досега во тековната кампања Трамп има поддршка од 244 делегати, а Хејли има поддршка од 43 делегати, наведува АП.
На кандидатот му е потребна поддршка од 1.215 делегати за да ја добие републиканската номинација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Напад во кривичниот суд во Њујорк, има повредени

Тројца судски службеници денес биле нападнати со нож и повредени во зградата на Кривичниот суд на Менхетен, потврдија два извори од њујоршката полиција кои се запознаени со нападот.
„Осомничениот напаѓач е приведен по нападот врз службениците во зградата на судот на Централната улица во Њујорк. Нападот се случил близу фоајето“, изјавил неименуван полициски извор за NBC.
Еден судски службеник се здобил со посекотини на лицето, друг на вратот, а третиот бил повреден кога осомничениот го фрлил на подот обидувајќи се да побегне, се наведува во извештајот на американската телевизиска мрежа.
Сите тројца повредени се медицински згрижени и се чувствуваат добро, а истрагата е во тек, иако засега не е јасно што бил мотивот за нападот.
Свет
„Ерусалим пост“: Трамп ќе му даде на Иран последна шанса

Американскиот претседател, Доналд Трамп, планира да му упати на Иран последна шанса за договор, објави „Ерусалим пост“, повикувајќи се на американски и европски претставници.
Според неофицијални информации, новата понуда би можела да биде уште поповолна од онаа од пред недела и половина, но сепак би се базирала на американското барање за нулта толеранција за збогатување ураниум.
Според истиот извор, Иран се обидел да посредува со американската администрација преку Оман и Катар со цел да ги запре израелските напади и да ги обнови преговорите за нуклеарната програма. Саудиска Арабија наводно дејствува преку посебен канал со иста цел – постигнување прекин на огнот.
Свет
Претседателот на Иран: Не сакаме ширење на војната

Иранскиот претседател Масуд Пезешкијан изјави дека Иран не сака да ја прошири војната со Израел, но ќе одговори пропорционално на секој напад, пренесува државната иранска новинска агенција.
Пезешкијан ова го рекол за време на телефонскиот разговор со турскиот претседател Реџеп Таип Ердоган.
„Иранските научни, воени и цивилни објекти беа под израелска агресија, при што беа убиени цивили, научници и воени водачи“, рече Пезешкијан.
„Иран не ја започна оваа војна, но ќе одговори според нивото на напад“, изјави.
Тој додаде дека учеството на Иран во нуклеарните преговори со САД зависи исклучиво од прекинот на нападите на ционистичкиот режим врз земјите во регионот.
Турскиот претседател Ердоган, според турската државна агенција, му рекол на Пезешкијан дека Турција е подготвена да игра улога на посредник за да помогне во деескалацијата на конфликтот и да го поддржи враќањето на преговорите за нуклеарната програма.