Спорт
„Роналдо, подобро е да молчиш! Во сè го гледаш Меси“
Кристијано Роналдо (39) го напушти Манчестер јунајтед во јануари 2023 година и потпиша две и пол годишен договор со Ал Наср, со што стана најплатениот фудбалер во светот.
Славниот Португалец, повеќекратен добитник на „Златната топка“ и според многумина еден од најдобрите играчи во историјата, во Саудиска Арабија заработува околу 200 милиони евра годишно, што го вклучува и комерцијалниот дел од договорот.
Досега Роналдо за саудискиот клуб забележа 49 настапи, постигна 42 гола и забележа 13 асистенции. Врз основа на тоа искуство, тој во јануари 2024 година рече: „Саудиската лига не е послаба од француската Лига 1. Саудиската лига е поконкурентна од француската, една година сум туука и можам да го кажам тоа. Оваа лига е веќе подобра од француската,а штотуку почна да расте“.
Изјавата на Роналдо не му се допадна на Френк Лебоеф (56), пензионираниот дефанзивец кој со Франција го освои Светското првенство во 1998 година и Европското првенство во 2000 година, додека најуспешниот дел од клупската кариера го мина во Челзи, со овој тим освои седум трофеи.
„Како тоа ја спомна француската лига, а не, да речеме, португалската лига. Па, повеќе од јасно е. Во тој момент Меси играше во Лига 1 и со тоа сакаше да ја потцени. Го почитувам Роналдо како играч, но во овој случај подобро му е да мочли. Не е фер кон француското првенство“, изјави Лебеф.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Импресивната техника на рекордерот Нојер
На тимот на Џулијан Нагелсман пред почетокот на групната фаза, не му беше доделена улогата на фаворит.
Тие со својата игра покажаа дека тоа е неоправдано.
Спојот на младост и искуство, како и огромниот квалитет, како на теренот, така и на клупата, беа доволни за да се продолжи од првото место – иако Швајцарија се закани во последниот меч на турнирот.
Меѓутоа, секогаш кога нешто ќе тргне наопаку во добро наместената „машина“ на Нагелсман, постои „осигурувач“ за да спречи колапс на целиот систем.
Мануел Нојер, и покрај доцните играчки години, дури и за голман, покажа дека сè уште е еден од најдобрите голмани во Европа. А тимот може да се потпре на него кога ќе пропадне последната линија.
Дополнително, импресивната техника на Нојер е од големо значење за Германците кои инсистираат на игра на додавање, но и притискање на ривалите.
Конечно, не треба да се заборави дека Германија е домаќин на Европското првенство и ќе има феноменална поддршка и поголем број навивачи од било која репрезентација на секој меч до крајот на турнирот.
Не е ни чудо, ако Германците одат во финалето на ова големо првенство.
Спорт
Не ми веруваа кој сум !?
Помошникот на селекторот на Словачка и легенда на Наполи, Марек Хамшик, раскажа анегдота во пресрет на осминафиналето на Европското првенство против Англија в недела во 18 часот.
„Има моменти кога луѓето не ме препознаваат. Се шетав пред некој ден и група македонски фанови сакаа да се фотографираат, но сакаа фотографијата да им ја направам јас.
Го сторив тоа и им кажав дека го познавам (поранешен) капитен на Македонската фудбалска репрезентација Горан Пандев.
Не ми веруваа, но потоа проверија на „Гугл“… После тоа ме препознаа, па заедно се фотографиравме“, раскажува 36-годишниот Хамшик, сега без препознатливиот „хирокан“ познат по своите играчки денови.
Спорт
Генерална проба пред Вимблдон
Во последниот меч пред почетокот на третиот Грен слем сезонава, најдобриот српски тенисер Новак Ѓоковиќ го победи Русинот Данило Медведев со 6:3, 6:4.
Ѓоковиќ беше многу подобар на мечот против Медведев отколку на мечот против Јаник Синер, каде се пожали дека не може да погоди ниту една дијагонала.
Еден брејк му беше доволен на Србинот за првиот сет.
Новак беше сигурен на својот сервис, доминантен и во долгите и во кратките поени.
Вториот сет беше забележително понеизвесен. Медведев со брејк го отвори сетот, но Новак одговори и израмни на 4:4.
Во следниот гем Ѓоковиќ имаше три врзани брејк топки, а третата успеа да ја претвори во брејк и да дојде до решавачка предност, која ја материјализираше во следниот гем и со тоа го доби овој меч.
Новак во првото коло на Вимблдон ќе игра против Чехот Вито Коприва