Спорт
Ретклиф ќе го сруши „Олд Трафорд“
Советот на Трафорд, областа на Манчестер, каде што се наоѓа култниот стадион „Олд Трафорд“, го поддржа планот на косопственикот на Манчестер јунајтед, Џим Ретклиф да го урне објектот кој е отворен во далечната 1910 година, и да изгради нов, модерен стадион кој веќе е наречен „Вембли на северот“.
Англискиот бизнисмен неодамна стана сопственик на 25 отсто од Манчестер јунајтед, а преку компанијата „Инеос“ доби две места во Надзорниот одбор и право да раководи со фудбалскиот сектор.
Првиот потег на Ретклиф не е насочен кон тимот кој не е ни блиску до борба за шампионската титула, туку кон преселба на нов стадион.
Ретклиф подготви проект со Советот на Трафорд за изградба на нов стадион во близина на сегашниот, кој ќе биде ставен на јавна консултација следната недела. Се проценува дека изградбата ќе чини две милијарди евра. Ставот на членовите на Советот на Трафорд е дека трошоците треба да ги сноси Манчестер јунајтед, но беше нагласено дека дел од парите би можеле да дојдат и од даночните обврзници доколку новиот дом на „црвените ѓаволи“ добие статус на национален стадион.
„Олд Трафорд“ беше национален стадион до 1923 година кога во Лондон беше изграден стадионот „Вембли“.
„Олд Трафорд е уморен и му треба реновирање. Можеме да ги следиме и примерите на Тотенхем, Арсенал и Манчестер Сити, кои изградија нови стадиони и денес служат како пример за тоа како ја обновиле целата област, успевајќи да ги задржат навивачите подолго во деновите на натпреварите“, изјави Ретклиф во интервју за Би-би-си.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Лукаку со гол и две асистенции го водеше Наполи до триумф над Комо
Наполи со победата против Комо со 3:1 во натпреварот од седмото коло во италијанската Серија А ја зголеми предноста пред Јувентус на првото место на првенствената табела. За тимот на Антонио Конте погодија Скот Мектоминеј, Ромелу Лукаку и Давид Нерес, а за гостите од Комо, Габриел Стрефеца.
Наполи одлично го започна натпреварот. Шкотскиот играч за врска Скот Мектоминеј постигна гол во првата минута на асистенција на Лукаку. Гостите израмнија во 43. минута со голот на Габриел Стрефеца.
Во второто полувреме, Лукаку реализираше пенал за 2:1 во 53. минута, а потоа му асистираше на Давид Нерес во 86. минута за конечни 3:1, со што Наполи ја постигна петтата победа во новата сезона во Серија А.
Мектоминеј и Нерес ги постигнаа дебитанските голови во дресот на Наполи.
Тимот под водство на Антонио Конте е на врвот на табелата со 16 бодови, пред Јувентус кој има 12 бодови и натпревар помалку. Комо е на десеттата позиција со осум бодови.
Спорт
(Видео) Барцокас и Шарас за малку ќе се степаа
Јоргос Барцкокс и Шарунас Јасикевичиус, тренерите на Олимпијакос и Фенербахче, на крајот од натпреварот, кој му припадна на Фенербахче (82:71) имаа жесток вербален дуел.
Целата мешаница започна откако се поздравија на крајот од натпреварот.
Стратегот на Олимпијакос збесна, влезе во вербална расправија со Литванецот, кој не му остана должен.
Паднаа тешки зборови, се создаде голема гужва, но немаше хаос од големи размери.
Šarūnas Jasikevičius.
Mourinho şu sekansı izlerken mest olmuştur. pic.twitter.com/PEyjkVOfsW
— Ozzy (@kanaryasoul) October 4, 2024
Двајцата тренери отидоа во соблекувалните. По натпреварот, Јоргос Барцокас разговараше со турски новинар во микс зоната и ја објасни ситуацијата од негова гледна точка.
„Пред да одиме би сакал да кажам нешто за однесувањето на противничкиот тренер. Што и да се случи на натпреварот, ние добивме по техничка грешка. На крајот отидов да му пружам рака и тој покажа тотално непочитување, ме нападна. Само сакам ова сите да го знаат“, рече Барцокас.
Спорт
Голем пресврт: казната е намалена, Пол Погба на терен веќе во март
Забраните за играње од четири години се намалени на 18 месеци. Вест на денот во европскиот фудбал! Пол Погба се враќа на терените за помалку од половина година.
Имено, првичната четиригодишна забрана за играње фудбал поради позитивен допинг тест, Меѓународниот спортски арбитражен суд ја намали на 18 месеци, пренесува Дејли Мејл.
Тоа значи дека од јануари францускиот играч ќе може да тренира со Јувентус, а од март повторно ќе има право да игра фудбал.