Регион
Србија со протестна нота до Хрватска поради рехабилитацијата на Степинац
Србија ќе испрати протестна нота до Хрватска поради рехабилитацијата на оние кои учествувале во инцидентите против Србите, изјавил српскиот министер за надворешни работи Ивица Дачиќ, оценувајќи дека во Хрватска „се случува рехабилитација на фашистичката творба на Независната држава на Хрватска (НДХ), пренесуваат српските медиуми.
Србија ќе испрати протестна нота до Хрватска поради рехабилитацијата на оние кои учествувале во инцидентите против Србите, изјавил српскиот министер за надворешни работи Ивица Дачиќ, оценувајќи дека во Хрватска „се случува рехабилитација на фашистичката творба на Независната држава на Хрватска (НДХ), пренесуваат српските медиуми.
Степинац е воен злосторник, изјавил Дачиќ, одговорајќи на прашањето како Србија ќе реагира на протестната нота од Хрватска поради коментарите на српските власти во врска со рехабилитацијата на хрватскиот кардинал Алојзије Степинац. По средбата со министерот за надворешни работи на Босна и Херцеговина, Игор Црнадак, Дачиќ додал дека Степинац бил духовен поглавар на усташката држава и дека никакви протести од Хрватска, поради реакциите од Србија, нема да го промени тоа.
Според српскиот министер, никаде во светот не се говорат толку „убави работи“ за некоја фашистичка творба од Втората светска војна, како што тоа денес се случува во Хрватска. „На стадионите и во јавноста се слуша „За дом спремни“, а некаде можеби се слуша и „Хајл Хитлер“?“, запрашал Дачиќ.
Дачиќ упатил критики и кон Европската унија, потенцирајќи дека „Србија чека да слушне барем еден збор од ЕУ, каде портпаролката Маја Коцијанчич е задолжена само да ја напаѓа Србија“, и додал дека „немата реакцијата на ЕУ на случувањата во Хратска не го заслужува вниманието на Србија“.
Загрепскиот Жупаниски суд минатата недела во целост ја поништи пресудата против надбискупот Алојзије Степинац, кој во 1946 година бил осуден на 16 години затвор и присилна работа, како и на петгодишно губење на сите политички и граѓански права. Според судот Степинац тогаш немал фер судење, а според многу хрватски католици на Степинац гледаат како на херој кој им се спротивставил на комунистите, и сакаат тој да биде прогласен за светец./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.