Свет
Кинески министер: Во Газа се случува масакр, срамно е што не можеме да го спречиме
Кинескиот министер за надворешни работи Ванг Ји денеска ја осуди надворешната политика на САД и го пофали партнерството меѓу Пекинг и Москва додавајќи дека хуманитарната ситуација во Газа е срам за цивилизацијата.
Ванг, искусен 70-годишен дипломат, ги осуди повеќекратните обиди на САД да го притискаат Пекинг и нивните напори да ја обвинат Кина под каков било изговор, што достигнало незамисливо ниво.
„Постојано се појавуваат нови начини за притисок врз Кина, а списокот на еднострани санкции постојано се продолжува“, нагласи Ванг Ји додавајќи дека „цврсто се спротивставуваме на секоја хегемонија и заплашување“.
Кинеско-американските односи се затегнати по неколку точки: за прашањето за Тајван и трговијата, потоа тие се ривали во развојот на технологиите и во борбата за влијание во Азиско-Пацифичкиот Регион, како и за прашањето за позициите за човековите права.
Ванг Ји овие изјави ги даде за време на годишната седница на кинескиот парламент.
За прашањето за Тајван, тој предупреди дека лидерите на Тајван, кои бараат независно,ст ќе мора да одговараат за историјата.
Кина го смета Тајван за своја територија, а независноста на островот е поддржана од САД. Ванг Ји исто така,ја отфрли идејата дека Пекинг претставува закана за светскиот поредок.
„Во време на нестабилни и сложени меѓународни односи Кина решително ќе биде сила за мир, стабилност и напредок во светот“, посочи тој.
Ванг Ји ја потврди поддршката на Пекинг за палестинската кауза и уште еднаш побара од ОН да ја признаат целосната палестинска држава.
„Нема добро оправдување за масакрот на цивилите“, нагласи Ванг, додека конфликтот меѓу Израел и Хамас сè уште беснее во Појасот Газа.
„Фактот што денес, во 21 век, оваа хуманитарна катастрофа не може да се запре е човечка трагедија, згора на тоа е срам за цивилизацијата“, додаде тој повторувајќи го повикот на неговата земја за прекин на огнот.
Кинескиот министер во четвртокот ги бранеше и добрите односи на неговата земја со Русија, а Кина е критикувана од Западот поради Украина.
Иако Пекинг повикува на почитување на територијалниот интегритет на сите земји, вклучително и Украина, тој никогаш јавно не ја осудил Москва.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Русите нападнаа со тенкови и оклопни транспортери, ги пречекаа Украинците
63-та Посебна механизирана бригада на украинските вооружени сили објави видео на Телеграм на кое се гледа уништување на руски тенкови и оклопни возила на бојното поле.
„63-та бригада уништи десет единици руска опрема одеднаш со помош на дополнителни единици и браќа по оружје од 60-та бригада. Како резултат на неверојатно прецизни артилериски напади и напади со беспилотни летала, пет тенкови и пет пешадиски борбени возила кои се обиделе да ги нападнат нашите позиции беа запалени“, напишаа покрај објавената снимка.
On the Kreminna front, units of the 63rd Mechanized Brigade with assistance of the 60th Brigade repelled a fairly big Russian mechanized assault near Tors'ke. Roughly 10 units of Russian equipment were disabled, damaged or destroyed. Among them 5 tanks and 5 BMP's. pic.twitter.com/bie1Ps9BCG
— NOELREPORTS 🇪🇺 🇺🇦 (@NOELreports) May 13, 2024
Украинските борци истакнаа дека за да се запрат ваквите руски пробиви, неопходно е „да се плати највисоката цена“. „Но, ние гарантираме дека ниту капка крв на нашите војници не е залудно пролеана. Тоа значи десет пати поголеми загуби за непријателот“, додаваат тие.
Според достапните информации, се се случило кога Русите извршиле механизиран напад од големи размери во близина на градот Торска во областа Доњецк. Русите тврдат дека зазеле поповолни позиции на тој простор и им нанеле загуби на припадниците на 63-та механизирана и 117-та бригада за територијална одбрана.
Европа
(Видео) Полицијата го растури пропалестинскиот протест на Универзитетот во Амстердам
Полицијата го растури пропалестинскиот протест на Универзитетот во Амстердам, откако демонстрантите кои ја осудуваа израелската војна во Газа ги окупираа универзитетските згради во неколку холандски градови, објави новинската агенција АНП.
Hundreds of riot police were dispatched to quell a peaceful pro-Palestine protest in Amsterdam, where thousands of university students and staff staged a walkout in solidarity with Gaza and to denounce the Israeli genocide there.
The protesters also demanded that the country's… pic.twitter.com/crPrW9Uhls— Quds News Network (@QudsNen) May 13, 2024
Претходно денеска, холандска протестна група соопшти дека ги окупирала универзитетските згради во холандските градови Амстердам, Гронинген и Ајндховен.
Во објава на социјалната мрежа „Икс“, полицијата во Амстердам соопшти дека универзитетот поднел полициска пријава против демонстрантите за вандализам.
Students and or rioters throwing papers outside of the windows of the UvA university Amsterdam. #UvA #protest #Amsterdam #Gaza #Israel ©️iAnnet pic.twitter.com/wSrGuWWI9m
— iAnnet 🦋 (@iAnnetnl) May 13, 2024
Полицијата се грижи никој да не може да влезе во универзитетските згради и ќе побара од демонстрантите доброволно да ги напуштат просториите, се додава во соопштението.
The university staff walkout has started in Amsterdam ✊🏻🚩🇵🇸
Huge amount of support here. We will not stop till the university listens. https://t.co/C8V9bskZ55 pic.twitter.com/cLF2pH7qGw
— chugging pilk at 2am and getting a tummy ache (@GASLIGHTER_) May 13, 2024
Портпаролот на Универзитетот во Амстердам ја потврди окупацијата и рече дека ги советувал луѓето кои не се поврзани со протестот да ја напуштат зградата.
Регион
Милановиќ му одговори на Додик: Хрватите од Втората светска војна излегоа на вистинската страна
Хрватскиот претседател Зоран Милановиќ се огласи во врска со тврдењата на Милорад Додик дека хрватскиот народ е колективно виновен за усташките злосторства. „Има многу малку припадници на хрватската нација кои не се солидаризираа со злосторствата на усташкиот режим“, изјави вчера Додик од Доња Градина, каде што се одржа комеморацијата за жртвите во концентрациониот логор Јасеновац.
Додик ја повтори спорната бројка од 700.000 убиени во Јасеновац, посочувајќи дека во Хрватска „сто години ги остреле секири“ за да почнат да убиваат Срби во 1941 година. Тој најави дека во Доња Градина, Србија и Република Српска ќе градат сопствен споменик на жртвите од Јасеновац со цел „да не се ограничи“ начинот на кој во иднина ќе го одбележуваат.
„Претседателот на Република Хрватска, Зоран Милановиќ, изјавите на лидерот на српскиот народ во БиХ, Милорад Додик, во Доња Градина, на комеморацијата на жртвите од усташкиот логор Јасеновац ги смета за неприфатливи и пред се невистинити.
Милорад Додик, покрај повторената невистина за бројот на жртвите во Јасеновац, рече дека „има многу малку припадници на хрватската нација кои не се солидаризирале со злосторствата на усташкиот режим“, што апсолутно не е точно и е навреда за сите хрватски антифашисти и хрватскиот народ.
Ваквите матрици само им штетат на интересите на Хрватите и Србите и во Хрватска и во БиХ. Хрватскиот народ излезе од Втората светска војна на вистинската страна на историјата, на победничката страна. Секое различно толкување на историјата, вклучувајќи го и гореспоменатото на Додик, претставува грубо фалсификување на вистината“, се наведува во одговорот на Милановиќ.