Регион
На смртната делница на автопатот во Хрватска на која загина Тоше Проески нови жртви
Двајца патници загинаа во тешка сообраќајна несреќа што се случи на автопатската делница меѓу Новска и Окучани во Хрватска.
Веб-страницата 24sata.hr наведува дека ова е само една од низата несреќи што се случиле во тој т.н. дел на смртта во последните години.
„Изгледаше страшно. Таму имаше многу, многу полиција. Направена е огромна колона, а полицијата сè пренасочува кон Новска“, вели читател на таа хрватска веб-страница.
Се наведува дека на крајот на јануари 2024 година во сообраќајна несреќа на истата делница се повредени четири лица кога се судриле два автомобила по што на нив налетале уште три.
Во јануари минатата година таму се преврте цистерна, а возачот заврши во болница.
Во март 2023 година четири лица загинаа на таа делница кога се преврте камион со српски регистарски таблички, а сите загинати се мигранти.
Тешката сообраќајна несреќа во одморалиште на тој дел од автопатот А3 меѓу Новска и Окучани, што се случи во 2019 година, ја шокира јавноста.
Камионџија излетал од автопатот кон одморалиштето и смртно повредил две девојчиња, ученички од седмо одделение на основното училиште од Даље, кои заедно со своите врсници тргнале на автобуска екскурзија до Свети Филип и Јаков кај Задар.
Актерот Емир Хаџихафизбеговиќ имал несреќа и во 2014 година на неосветлен дел од автопатот кај Новска кога налетал на жена и маж кои менувале гума откако заедно со уште пет автомобили налетале на расипан семафор, кој бил соборен од друг возач.
На 16 ноември 2007 година на делницата Окучани – Новска загина пејачот Тоше Проески.
Неговиот пријател и возач изгубил контрола над автомобилот и удрил во камион.
Проески почина на самото место поради повреди на цервикалниот ‘рбет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Силен земјотрес во Грција
Земјотрес со јачина од 4,6 степени според Рихтеровата скала ја погоди јужна Грција, објави ЕМСЦ.
Земјотресот е регистриран на 44 километри од Пиргос, на длабочина од 20 километри.
Во близина е островот Закинтос.
Засега нема информации за повредени или материјална штета.
#Earthquake (#σεισμός) confirmed by seismic data.⚠Preliminary info: M4.6 || 41 km S of #Pýrgos (#Greece) || 3 min ago (local time 15:18:15). Follow the thread for the updates👇 pic.twitter.com/7n5aGlNhsu
— EMSC (@LastQuake) September 28, 2024
Регион
(Видео) Невреме во Словенија: по обилните дождови се излеа река, поплавени патишта, подруми и ниви
Реката Соча и нејзините притоки на запад од Словенија се излеаjа по обилните дождови во областа Бовец и поплавија патишта, подруми и ниви, јавија денеска словенечките медиуми.
Противпожарните служби евакуирале 30 лица откако одрон го блокирал патот во градот Лепена, јавува агенцијата СТА.
Едно лице е повредено при отстранување на паднато дрво во општина Толмин.
Дирекцијата за цивилна заштита и помош при катастрофи соопшти дека пожарникарите цела ноќ ја испумпувале водата од подрумите и ги отстранувале паднатите дрвја од коловозите.
Во западните делови на земјата врнежите се ослабени од четвртокот навечер, а невремето денеска го зафати и источниот дел на Словенија.
Најголемо количество врнежи се регистрирани во Бохињ и Посочје, објави порталот Метеоинфо.
Рекордни врнежи за Словенија се забележани во Вогел кај езерото Бохињ, при што за 24 часа наврнале 378 литри дожд на метар квадратен.
Регион
Вучиќ: Работите во светот не одат во добра насока, Косово е многу комплициран јазол
Работите во светот „не одат во добра насока“, оцени денеска во Њујорк српскиот претседател Александар Вучиќ на крајот од шестдневниот престој во САД по повод заседанието на Генералното собрание на Обединетите нации.
„Единствената суштинска вест овде е Блискиот Исток“, изјави тој за РТС.
„Блискиот исток го јаде американското внимание, не сум сигурен дека тоа е добра вест за Украина. Европа прави се за да ја запре таа војна“, рече Вучиќ и нагласи дека приоритет мора да биде прекинот на конфликтот во Украина.
Тој рече дека имал повеќе разговори на тема политика и економија и оти „за првпат биле остварени важни контакти“ за економски напредок на Србија.
Вучиќ рече дека „ситуацијата во рударството и енергетиката“ во Србија ќе мора да се подобри бидејќи „лошо им оди“, додека „индустриското производство добро расте, производството расте, но потребни се повеќе инвеститори“, рече Вучиќ.
Тој рече и дека „немал лесни разговори“ за Косово и дека не може да зборува за деталите од средбите.
„Тоа е многу комплициран јазол. Мораме да го зачуваме мирот, да ги зачуваме животите, опстанокот и напредокот на нашето население на Косово, зачувувајќи ја правната и политичката државност на Србија и интересите на сите граѓани на Србија“, изјавил Вучиќ.
„Ќе се погрижиме да не направиме ниту една грешка, никој да не може нам ништо да ни забележи и да се зголемува силата на нашата економија и да се зголемува нашата поддршка за нашиот народ на Косово“, заклучил Вучиќ.