Македонија
(Видео) Пановски по обвинувањето дека украл 29 клупи: За жал, Арсовска не е потпишана за да се видиме на суд, се крие зад Градот
Изборите треба да се искористат да се изберат нов градоначалник на Скопје и нов совет оти вака не оди, вели професорот и член на Советот на Скопје, Никола Пановски, кој беше обвинет дека украл 29 клупи оти јавно праша каде се. За спорните клупи на кејот на Вардар на потегот од Градскиот парк до мостот кај хотелот „Александар палас“, кои ги нема, Пановски вели дека имало точка на дневен ред на седница во февруари, но информација не добиле, па бидејќи нема комуникација со градоначалничката, нема седница за советнички прашања, тој одлучил да сподели на „Фејсбук“ дека клупите се исчезнати. Неговата објава на „Фејсбук“ иницира Град Скопје да испрати соопштение до медиумите, во кое тврди дека клупите се украдени и кражбата е пријавена, како и низа обвинувања за него, меѓу кои и сомневање дека учествувал во крадењето на клупите.
„Во објавата напишав каде се клупите. Ништо повеќе. И го дадов како пример дека ние за обични работи, кои лесно може да се проверат, апсолутно не добивме информација. Што останува за нешто друго. Претходно, напишав и објава за неодржување на седниците за советнички прашања. Е, тоа однесување, Градот Скопје, а според ракописот – тоа е градоначалничката, го смета за срамно. За жал, не е потпишана за да се видиме на суд, па таму да објаснува, туку се крие зад Градот. Градот се 600.000 луѓе. Тоа е срамно што се прави, срамно е да не се одговара и да се пишуваат такви работи и уште ме упатува во МВР да сум прашал кај некојси кадар на ЛДП. Тој не е кадар на ЛДП, тој си работи во МВР одамна, тој е професионалец и член на ЛДП. Него да сум го прашал, а ако не сум го прашал, сум учествувал бидејќи сум знаел детали како се украдени клупите. Да сум знаел, ги фотографирав. Бев таму со велосипедот и видов како се откорнати“, вели Пановски.
Тој наведува дека градоначалничката е скарана со советниците од ВМРО-ДПМНЕ и во ист кош ги става сите советници иако тој е во групата што ги гласаат предлозите што доаѓаат од Град Скопје за разлика од другите, кои тврди дека требало да се убедуваат за да изгласаат, дури и примање донација. Пановски вели дека со објавата на „Фејсбук“ сакал да укаже на состојбата во која се наоѓа Градот.
„Сакав да им кажам на граѓаните до каде е работата. Сите треба веднаш да побараме оставка бидејќи градот се распаѓа и да се искористат изборите да се избере нов градоначалник и нов совет. Да не се направи притисок на граѓаните бидејќи вака не оди. Замислете, се расправаме еден час да се прими донација“, рече Пановски.
Иако предлага да се избира нов градоначалник, тој не е оптимист дека работите може да се сменат и вели дека на скопјани им останува да тераат уште една и пол година како досега – на своја штета.
Комуналната инспекција на Град Скопје на 12.2.2024 година при извршен инспекциски надзор на кејот на реката Вардар на локацијата што ја посочуваше откри и констатира дека недостига урбана опрема – клупи.
„Макфакс“ побара објаснување од Град Скопје за сомневањата што ги имаат поради кои го обвинија Пановски дека учествувал во кражбата на клупите. Објаснување за сомневањата не дадоа, но велат дека кражбата на клупите ја пријавиле на 12 февруари.
„Комуналната инспекција на Град Скопје на 12.2.2024 година при извршен инспекциски надзор на кејот на реката Вардар откри и констатира дека недостига урбана опрема – клупи. За настанот уште веднаш е известена ПС Карпош, а со допис на 22.2.2024 година повторно е побарано од ПС Карпош да се постапи по пријавата. До овој момент сè уште немаме одговор од надлежната полициска станица“, велат од Град Скопје.
Од таму не одговорија и на прашањето зошто за украдените клупи известија дури по објавата на Пановски, а не кажаа ниту дали на местата на украдените клупи ќе постават нови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Транспарент со натпис „Правда за Крешник“ поставен на автопатот Скопје – Гостивар
Транспарент на кој пишува „Правда за Крешник“ е испишан на македонски и албански јазик.
Тој е поставен на надвозник на автопатот Скопје-Тетово-Гостивар. Ова го објави пратеничката на ВМРО-ДПМНЕ, Дафина Стојаноска.
„Да ги оставиме институциите да си ја завршат работата. Обвинителството и судот да работат по словото на законот.Правда за Кочани мора да има“, напиша Стојановска.
Бектеши стана осомничен за пожарот во дискотеката „Пулс“ во Кочани, како поранешен министер за економија и му беше определен притвор од 30 дена.
Дискотеката во минтото работела со легална дозвола издадена од Економија, иако не исполнувала никакви услови.
Македонија
Во телефонот на Кешишев, Палевски бил запишан „царот“: „Го видов Палчо со пиштол и се слушна тап истрел“
По барање на одбраната на Влатко Кешишев, обвинетиот Љупчо Палевски-Палчо беше отстранет од судницата оти му било страв да зборува пред него.
Кешишев потоа одговараше на прашањата на одбраната и обвинителството за случаите со грабнувањата и убиствата на Вања и Панче, тврдејќи не бил свесен за она што се случува.
Палевски му бил мемориран во телефонот како „Царот“. Потврди дека присуствувал на копањето на дупката во Велес, каде што беше пронајдено телото на Панче. Палевски го испратил да му помогне на Велибор Манев, па заедно ја копале дупката без да разговараат и без изустен збор се вратиле назад. Вели дека копале во близина на Велес, но не знаел за што се работи и мислел дека бараат злато. По некое време го прашал Манев за што е дупката, по што дознал дека е за киднапирање.
Сведочеше и дека кога се зборувало за грабнувања, никогаш не станало збор за убиства. Не ги познавал убиените, ниту пак, таткото на Вања. Тврди дека во моментот на убиството на Вања чувал стража. Бил оддалечен. Кога се светел, Палчо држел пиштол во раката, по што следел истрел, тапо пукање. Го викнале за да го закопаат телото, а исто како што сведочеше Манев, и Кешишев потврди дека Палчо потоа криел траги бришејќи ги лопатата и копачот. Алатот го фрлиле покрај патот.
Кешишев тврди и дека не видел кој и како го убил Панче, а откако дознал дека е мртов, не пријавил оти бил збунет и Палевски му забранил да ги напушти просториите на партијата.
Судењето продолжува в петок.
Македонија
Давкова благодарна до сите земји кои ни помогнаа по трагедијата, објави листа на државите кои пружија помош
Претседателката Гордана Сиљановска-Давкова, во име на македонските граѓани и во свое лично име, изразува најискрена благодарност до сите пријателски држави што во моментите на национална трагедија и шок, предизвикани од кочанската апокалипса, пружија и сè уште пружаат навремена и несебична помош, водени од принципите на солидарност и хуманост.
„Ангажманот на нивните медицински тимови, подготвеноста на авионите и хеликоптерите за итна интервенција, отворањето на здравствените установи за повредените граѓани, како и активирањето на европскиот механизам за цивилна заштита, испратија недвосмислена и силна порака дека во најтешките моменти не сме сами. Тие ја делеа болката со нас, а нивната грижа стана наш заеднички лек“, вели Давкова.
Во нејзината порака со благодарност се наведува дека ја почувствувавме силата на вистинското пријателство преку нивната присутност и поддршка, којашто ќе остане врежана во колективната меморија на нашиот народ.
Тажно е, додава Давкова, што низ болката и ненадоместливата загуба ја спознавме суштинската поврзаност со светот и длабокото чувство на припадност, нешто што не требаше да биде плод на трагедија. Од срце сме им благодарни, никогаш нема да ја заборавиме помошта од:
Република Србија
Република Бугарија
Република Турција
Хеленската Република
Кралството Шпанија
Република Австрија
Унгарија
Република Хрватска
Кралството Белгија
Италијанската Република
Република Литванија
Република Словенија
Кралството Шведска
Република Полска
Државата Израел
Република Чешка
Обединетото Кралство
Сојузна Република Германија
Големото Војводство Луксембург
Кралството Норвешка
Романија
Република Албанија
Босна и Херцеговина
Кралството Холандија
Република Финска
Француската Република
ЕУ
Трамп воведе царини за увоз од сите земји, за ЕУ царина од 20 отсто
Претседателот Доналд Трамп денеска објави царини од најмалку 10 отсто за практично сите стоки кои доаѓаат во Соединетите држави, плус...
Во телефонот на Кешишев, Палевски бил запишан „царот“: „Го видов Палчо со пиштол и се слушна тап истрел“
По барање на одбраната на Влатко Кешишев, обвинетиот Љупчо Палевски-Палчо беше отстранет од судницата оти му било страв да зборува...
Давкова благодарна до сите земји кои ни помогнаа по трагедијата, објави листа на државите кои пружија помош
Претседателката Гордана Сиљановска-Давкова, во име на македонските граѓани и во свое лично име, изразува најискрена благодарност до сите пријателски држави...
Мицкоски и Филипче утре ќе се сретнат во Владата
Премиерот Христијан Мицкоски и претседателот на СДСМ, Венко Филипче, утре ќе остварат средба во владината зграда. Претходно денес, Мицкоски изјави...
На седницата на улица ССМ изгласа функционерите да бидат на минималец, ако не ја почитуваат одлуката, можен е генерален штрајк
На ист начин како што Владата без работниците одлучи за покачување на минималната плата на 400 евра, место на 500,...
Тројца пациенти денеска се враќаат од Шведска и од Грција
Министерството за здравство информира дека тројца пациенти од повредените лица од пожарот во Кочани се враќаат во земјата, од кои...
Мицкоски за средба со Филипче: Стојам на располагање во секое време, јас сум сериозен човек
Подготвен сум да го примам на средба претседателот на СДСМ, Венко Филипче, но непристојно е за ова да се разговара...
Со едноминутен молк за жртвите во Кочани, ССМ на улица ја отвори првата јавна седница, бараат 500 евра минимална плата
Голем број членови на највисокото раководство на Сојузот на синдикатите на Македонија (ССМ), придружувани од работниците, точно во 12.05 часот...
(Видео) „Мора да ги ослободиме институциите од канџите на политиката и партијата“: Филипче предлага концепт за нов општествен и политички дијалог
После големата трагедија во Кочани, ја видовме реакцијата на граѓаните, револт на место и бес. Би рекол сосема оправдано, бидејќи...
Секој има право да протестира, но барањата за минимална плата синдикатите треба да ги кажат на седница на ЕСС, а не на улица, вели Дурмиши
Министерот за економија и труд, Бесар Дурмиши, ја потпишал минималната плата без согласност од Економско-социјалниот совет (ЕСС), што е законска...
Уапсени три лица од Кривопаланечко поради извршено кривично дело убиство
Вчера во 18.25 часот, полициски службеници од ОВР Крива Паланка ги лишиле од слобода 24-годишниот З.Ф., 19-годишниот С.Ф. и 44-годишниот С.Ф....
Водостоите на сите реки во земјата се доста високи и таа тенденција се очекува да продолжи и во текот на денот
Според утринските податоци од хидролошките станици низ земјава, водостоите на сите реки низ земјава се доста високи и таа тенденција...
Поплавени куќи, магацини и индустриски објекти во Студеничани, Батинци, Пинтија и во Горно Лисиче
РЦУК – Скопје, известува дека поради врнежите од дожд, во текот на доцните попладневни и вечерните часови, дојдено е до...
Арсовска: Ѓеоргиевски, освен со фотографирање, со друго не може да се пофали, со превенција се спречуваат поплави, не со глумење спасител
„Се излеала реката во Батинци, општина Студеничани, бидејќи општинските власти не ги чистат каналите, активност која како нивна надлежност превентивно...
Сообраќајот на магистралниот пат Крива Паланка – Деве Баир нормализиран
Сообраќајот на магистралниот пат Крива Паланка – Деве Баир, кој беше во прекин поради сообраќајна незгода, е нормалзиран, извести АМСМ....
Град Скопје: Одржувањето на одводните канали и коритото на Маркова Река е во директна надлежност на општина Студеничани и Министерството за животна средина
„Согласно актуелните акти на Министерството за животна средина и просторно планирање, и актуелниот ГУП донесен во време на Коце Трајановски...
Ѓорѓиевски во Студеничани по поплавата од излеаната Маркова Река: Механизацијата е на терен и нема опасност за населението
По добивањето на информацијата за излевањето на Маркова Река во соседната општина Студеничани, градоначалникот на Општина Кисела Вода, Орце Ѓорѓиевски,...
Се излеа Маркова Река кај Батинци
Маркова Река се излеа денес по обилните врнежи од дожд. Во селото Батинци, водата е надојдена, излевајќи се на неколку...
Оставката на Папазов помина на владина седница
Владата ја прифати оставката на градоначалникот на Кочани, Љупчо Папазов. Советот на општината ќе треба да назначи в.д. градоначалник на...
„Вреди“: Посакуваме Бектеши да ја докаже невиноста, не сакаме ниту еден Албанец да биде одговорен за Кочани
Коалицијата „Вреди“ посакува ексминистерот за економија од редовите на ДУИ, Крешник Бектеши да ја докаже својата невиност во случајот со...
